多謝大會邀請，可以為《Gift》電影現場演譯音樂嘅石橋英子小姐傳譯。

石橋英子之前為《Dirve My Car》《無邪之境》配樂，而得到香港影迷認識，今次《Gift》只上一場，聽講一票難求，戲飛被秒殺。可以喺香港見到大師級演出，係影迷福氣，HKIFF48實在功得無量。


HKIFF48 石橋英子 ギフト
我譯 通訳担当

香港流行嘅係演員去戲票跑場謝票，石橋英子都會跑場，不過唔係謝票，每次播放《Gift》，石橋英子都會現場演出。

電影跑場黐鬼線嘅極致。

亦都因為每次都現場演出，令到每場音樂嘅演繹都會有所不同，亦都可能同原本設計嘅方向越嚟越遠。

Q&A環節，有觀眾問某一段點解要咁樣設計音樂，音樂人回答其實次次都唔同，潛台詞：放低執着啦施主。

離開香港，石橋英子會繼續跑場。見到佢一臉倦容，都戥佢辛苦。不過，可以陪住自己嘅作品走勻全世界，可能係音樂人、創作人嘅幸福。