搜尋

#digicon6 #定格動畫大師班今年多謝主辦繼續搵我開工做傳譯，唔使錢嘅活動，仲可以學到好多嘢。呢年嘅講座繼續請到 #伊藤有壱 老師，仲有兩位重量級嘉賓，YOUTUBE CHANNEL ANIMIST嘅負責人 #篠原健人 ，同埋荷里活級數大師 #館岡孝 ，令兩個半小時講座眨眼過咗。我最有印象嘅係館岡孝老師話當年跟TIM BURTON，對方潦咗兩隻貓畀佢，叫佢自己諗掂個造型......大師做咗12隻貓模型出嚟畀TIM SIR揀。望吓啲草圖，再望吓成品，WOW。 聽日開始係教學班，加油！#通訳担当

今日淨係做Q&A，所以心情輕鬆啲。（但係噚日真心攰，要應對十幾個傳媒採訪，個腦有啲Hang機）一去到戲院見到導演太太同佢6個月大嘅B仔。集中講吓人哋個B。・B仔第一次出國就畀咗香港。・超級唔怕人，係咁撩人玩，仲會捉住對手遞過嘅手指……放入口。係，放入口，我隻手指都畀佢過兩次入口。・媽咪話B仔啱啱開始食嘢，見佢有兩隻牙仔，應該係牙痕。・我問導演，不如抱埋B仔上台，結果導演不採用。（「可以吸FANS。」「呀，係咩。叫佢揸咪好似好啲？」完。）・Ｑ＆Ａ完場出嚟，見到Ｂ仔食緊監製隻手……。#HKIFF48 #閉幕電影#長夜盡頭的微光 #通訳担当 DAY2Elements場 #又撞到朋友入場 #唔失禮吖嘛？

#長夜盡頭的微光 #通訳担当今日全日都跟住 #三宅唱 導演做傳媒訪問，同埋電影嘅Q&A，聽咗好多拍攝背後嘅嘢，感覺似自己都做咗好多個訪問咁，亦都推翻之前對呢套戲嘅一啲諗法。不過繼續覺得上白石萌音演得非常好，值得喺大銀幕睇呢位新一代女演員。戲入面好多設定都好仔細，要總結嘅係「平淡中褪變」，呢個感受好直接。同埋繼續覺得戲入面公司嘅同事好勁，希望世界上多啲呢種包容同體諒。嚟緊上正場，超級推介入場睇。#HKIFF48#唔該熄咗你個電話啦#今日入場唔係睇靚仔㗎

多謝大會邀請，可以為《Gift》電影現場演譯音樂嘅石橋英子小姐傳譯。石橋英子之前為《Dirve My Car》《無邪之境》配樂，而得到香港影迷認識，今次《Gift》只上一場，聽講一票難求，戲飛被秒殺。可以喺香港見到大師級演出，係影迷福氣，HKIFF48實在功得無量。#HKIFF48 #石橋英子 #ギフト#我譯 #通訳担当

#hkiff48 啱啱做完《黃金少年》導演演員謝票場，多謝FANS問嘅問題好貼心，兩位嘉賓都答得好順。播放電影期間兩位嘉賓嚟咗大堂為海報簽名，打咭一流。期間仲做咗兩個傳媒訪問，要留意幾時出街了。金子監督がｶﾜ(・∀・)ｲｲ!!なって感じ。ステージにファンたちの熱情がすごく感じられた。いい映画だとオススメしたいです。#金子修介 #岡田将生 #通訳担当#お手柔らかに