[博愛SO ME SO MUSIC DAY2]
好耐都冇試過有一次個LINE UP咁多個單位都啱聽！！！
3隊追開嘅band仔，釗鋒，yoyo，一堆youtuber，一次過滿足多個願望👍🏻 又可以捐錢俾博愛，有show睇又有意義👍🏻
難得有indi又有pop又有網紅又有DJ，真係乜有啲都幾多元化

今次真係唔見rundown流出，完全唔知出場次序，所以我哋全程5點企到11點冇走過！！！全部睇晒攰到仆街！！！！！
今次為咗睇得舒服啲冇衝好前迫人群，反而揀咗企後少少挨鐵馬，鐵馬又近住握手位，今晚成功握到恆仔同釗鋒嘅手！！！開心🥺🥺🥺

以下逐個想講嘅單位講少少
- 一開場係DJ暖場，之後正式開始係Fiester打頭陣，咁癲咁夠膽用佢哋開場咁indi唔會趕客咩😂😂😂
- N9今晚唱咗兩首，牙痛之後係社長！！！我慢できない！！！😳

- Collar真係好受歡迎，一出場真係全場觀眾都歡呼，今日佢哋嘅造型係好睇嘅！冇炒車！跳舞都好好睇🥺

- 泰妹真係好青春無敵，好鍾意佢帶埋佢個16歲女吉他手，好青春呀

- ToNick 今次冇咗Ryan，搵咗Kolor bass佬阿昇幫手，睇嚟以後冇咗Ryan應該都係借bass佬返嚟🙈 今次都係玩啲pop啲嘅歌，冇punk嘢。
玩到最後一首請咗個8歲小鼓手上嚟jam時間的初衷，勁！

- 岑寧兒同釗鋒聽現場真係會聽出耳油，勁好聽！！！🥺🥺🥺🥺🥺 聽到起雞皮
(可惜豹哥係星期六day 1場，冇得同yoyo喺day 2同場添🙈)

- 歡樂馬介休竟然一出場嚟玩game😂 放晒自己電話號碼喺螢幕玩現場接電話，邊個電話響現場接電話，打得通佢哋就捐錢俾博愛，勁好玩🤣 之後竟然真夾band！！！佢哋有幾個本身有玩開音樂，但係馬介休主持咁多個一齊夾band真係冇見過，其實真心係勁喎，正喎！！！

- 等咗成晚尾2出場終於到Nowhere Boys🤘🏻🤘🏻🤘🏻
今次全部快歌CLS 跳到冇氣😂
無處遊人+最後的搖滾+狂想曲+移動城堡
好開心佢哋終於可以上到西九竹翠呢個台！！！ 見到好多人唔識佢哋，希望多啲人聽到佢哋究竟有幾正，但係又唔想佢哋咁紅🙈

- 最後壓軸Dear Jane 🤘🏻1年前又係同一地方睇佢哋演唱會🥺
今日正常發揮冇咩特別，第一次現場聽浮床，好鍾意
趕11點收場冇encore，最後2隊都係band仔表演我已經消耗晒體力，攰到癲咁離場，完！

nowhereboy尾二都算壓軸，但都少人識sad

宅男哥哥 : 啱啱喺Dear Jane之前可以俾留低等Dear Jane嘅人聽下

瞓醒咗對腳痛到癲
尋晚跳得太勁

5點企到11點 唔跳都痺

宅男哥哥 : 真。