諗起尋日被強制午飯陪地盤site rep食飯，然後都知我今年幾次trip係去日本睇live/舞台↓
佢：你洗咁多錢去日本睇live，咁你睇完返黎覺得值唔值得？
我：（零猶豫1秒速回）值呀。

當下真心如果佢唔係上家我就會直接串佢
呢種問題真係好無聊，完全唔明點解佢要咁問
我都唔係第一次為左追舞台/live而去日本，都肯肯定唔會係最後一次，咁我咁耐都keep住咁飛日本，好明顯我真係好鍾意同埋我覺得有意義先做啦
唔通佢真係覺得我有可能答佢唔值得咩？定還是佢睇唔起我鍾意既野、係佢覺得唔值得所以想要我認同佢？hello你算老幾？（）

結果佢比我太乾脆既反應搞到冇聲出，硬生生轉話題講係我呢啲冇家庭束縛既後生女先至可以咁自由咁去旅行，哈ry

但真心我so far至今去日本遠征咁多次，唔好理中間有冇咩心酸事或者唔開心野，但係現地觀劇既呢一part，我冇一次係覺得後悔
外人我知好難明點解一套舞台劇可以連續睇三四場都重要睇，但唔同位置觀劇既感受都唔同，現場同配信既感受又唔同，重要加埋舞台獨有既即興性同臨場發揮、演員每場細微既調整變化，根本冇一場舞台係真係完完全全100%冇分別
所以點解每次入場觀劇都係會心情ワクワク，因為真係你永遠唔知道今次既呢場又會有咩意想不到既新驚喜
就算座席好與壞，日替環節多與少，我真係都冇出現過後悔黎到現地入場觀劇既念頭，thanks for asking喎（）

不如調返轉講我會後悔既只有冇去到現場觀劇XDDD
例如疫情既三年，封關令我去唔到麥舞track5、DHBB、文野舞台既序舞台、刀音天狼傳再演、江水、P5 stage第二集
呢啲真係我一世既遺憾o<<⋯⋯

甚至我重會後悔BB REP LIVE點解唔衝埋大阪or東京場（前者撞文野共喰千秋樂、後者我放唔到假了ry），原創組REP LIVE都好想現場睇一次，但呢啲本身give and take做左取捨又冇話真係遺憾既

感覺要講既話其實去遠征睇劇就係為左自己不留遺憾，所以根本唔會有後悔既option吧！！！！
呢個係我目的耶！
我真係好鍾意睇舞台同live⋯⋯鍾意見到鍾意既演員們係舞台上閃閃發光⋯⋯