台語文交流

Khòaⁿ lâng koh teh chhá beh án-chóaⁿ "thui-kóng" Tâi-gí, ū chi̍t-hāng tāi jú lâi jú bêng: Tâi-gí bián thui-kóng. In-ūi nā khai-sí thui-kóng, tō tiāⁿ-tio̍h ài chiàu-kò͘ in ê thêng-tō͘ kah chêng-sū, tian-tò bô-êng lâi hoat-tián. Ka-tī hó-hó-á bóng o̍h bóng iōng, khah si̍t-chāi.

Góa bô siūⁿ-beh khì kah lâng chèⁿ, bô ì-gī, m̄-koh iáu-sī ē khì chhiau chi̍t-kóa thó-lūn lâi khòaⁿ. Khòaⁿ-tio̍h lâng tùi choân-lô chin ū ì-kiàn, tō ngē beh lâi siá ·chi̍t ·ē XD

Bô ·lah, kóng chèng-keng ·ê, góa siūⁿ ·tio̍h chêng chi̍t-chām-á khòaⁿ-tio̍h chit-ê ia̍h-bīn, kóng hi-bāng Tâi-gí gín-á ū chit-khoán chheh thang-hó tha̍k. Ē-té ū-lâng ìn kóng:

"Bô lâng liáu-kái, gín-á LMJ gâu tha̍k, HJ to̍h hān-bān. Lóng m̄ ìn LMJ ê chheh hō͘ in."

Lán lóng chai-iáⁿ gí-giân thoân-sêng tio̍h khòaⁿ gín-á-lâng, m̄-sī tōa-lâng, m̄-koh Hàn-jī kî-si̍t lī-ek tōa-lâng khah chē. Kóng si̍t-chāi ·ê, Hàn-jī ē hó o̍h, sī in-ūi lán tha̍k Hôa-bûn Hàn-jī tōa-hàn, sīm-chì sī siū kòe ko-téng kàu-io̍k liáu-āu chiah khì o̍h Tâi-bûn Hàn-jī, tùi hû-hō í-keng chin koàn-sì.

M̄-koh nā-sī gín-á-lâng, Hàn-jī kî-si̍t ài o̍h chiok kù, kah se-iûⁿ-lâng o̍h Tâi-gí kāng-khoán. Chok-ka Tēⁿ Sūn-Chhong tiāⁿ-tiāⁿ teh kóng Tâi-gí-bûn chhut-pán jú lâi jú kiông, m̄-koh góa khòaⁿ tō sǹg sī gín-á chheh mā tōa-bīn sī Hàn-jī ûi-chú, bē-su sī hō͘ pē-bú tha̍k ·ê.

Chhòa Pôe-Hóe kóng "Gí-giân bûn-jī sī tì-sek ê chhng-khò͘", Hàn-jī chāi góa khòaⁿ sī súi-súi ê chong-hông, m̄-koh chhng-khò͘ khí hó tō kín khì té tì-sek khah iàu-kín, chong-hông ta̍uh-ta̍uh-á lâi tō hó. Hi-bāng bī-lâi ū koh khah chē Lô-má-jī ê chu-goân hō͘ gín-á tha̍k. Che sī góa siōng thâu-chêng só͘ kóng ·ê "hoat-tián".

Chi̍t-khai-sí LMJ tō-sī ēng-lâi thui-kóng hō͘ bē-hiáu hàn-jī ê lâng, góa oân-choân tông-ì phoh-chú ê ōe.

kî-si̍t tiō chhin-chhiūⁿ hoa-gí kāng-khoán, beh-sú-iōng lai piáu-ta̍t ì-kiàn sī chiok chū-jiân ê tāi-chì, nā-sī kā Tâi-gí tòng-chò kho-bo̍k lai-o̍h, án-ne ná ē thui-sak ē-kiâⁿ...

só͘-í lán-lâng múi-chi̍t-kang lóng-lai sú-iōng

Góa kin-á-ji̍t chhiú mā chiok chiān--ê, m̄ sī beh kap lâng chhá siáⁿ-mih Tâi-lô-á, sī chiok siūⁿ-beh kā iú-chì kóng: hiong-chhin pêng-iú- -a! Mài kā sî-kan khai tī chia- -lah! Lán bô teh thui-kóng- -ê- -lah!
M̄-koh, í-keng khòaⁿ- tio̍h chiok chè lâng ū teh kóng chit chân tāi-chì, chiâⁿ hoaⁿ-hí

pony7367: Tio̍h ·meh! Tong-jiân góa chai-iáⁿ lán tōa-lâng tha̍k LMJ khah bē koàn-sì, ah tō chi̍t-sì-lâng lóng teh tha̍k HJ Tiong-bûn ·a! Góa tha̍k ·kòe ·ê LMJ Tâi-bûn kám-ū Tiong-bûn ê bān-hun-it lóng pháiⁿ-kóng, tong-jiân ē khah han-bān. M̄-koh nā kóng gín-á-lâng ti̍t-chiap khì tha̍k LMJ ê chheh khah kui-khì.

soda3329: O͘-mà-mà hit-tīn-lâng èng-kai lóng án-ne XDDD In choan-sim leh chhiâⁿ-ióng Tâi-oân gín-á, bô-teh kah lí thui-kóng. A̍h lán nā bô chhiâⁿ-kiáⁿ tō ka-tī bóng o̍h, cheng-chìn Tâi-gí, khòaⁿ kám-ū châi-tiāu siá kóa mi̍h-kiāⁿ hō͘ hit-tīn gín-á thang-hó tha̍k.

"Gí-giân bûn-jī sī tì-sek ê chhng-khò͘" kî-si̍t mā sek-iōng Hàn-jī neh, i mā sī chi̍t chióng bûn-jī, sui-jiân lio̍h-lio̍h-á ē-sái liáu-kái plurk-chú ê sim-chêng, m̄-koh kóng Hàn-jī sī chong-hông góa kám-kak sió-khóa bô kong-pêⁿ 😂

Gín-á-chheh chiâⁿ chē su-iàu pē-bú tha̍k hō͘ gín-á thiaⁿ, kóng sī hō͘ pē-bú tha̍k ê kî-si̍t ká-ná mā bô-chhò (
Nā án-ne khòaⁿ, khó-lêng LMJ gâu tha̍k ê tōa-lâng tio̍h-ài cheng-ka, choân-lô ê chhut-pán-phín chiah ē khah chē...

shake6984: Án-ne kóng mā sī, góa kóng liáu bô hó. Èng-kai án-ne kóng, góa kám-kak HJ phēng LMJ ka-thiam ê kè-ta̍t ká-ná chong-hông kāng-khoán. To̍k-to̍k HJ sī "chong khah súi ·ê chhng-khò͘". I mā ū té tì-sek ê kong-lêng, tō sī ài kui-ê khí hó-sè si̍t-chāi siuⁿ kāu-kang.

(Tú-chiah chhiat tio̍h ka-tī su-jîn bô kong-khai ê kháu-chō ·khì XD)