2022繪年結

本來打算再來一下整體年結，結果發現二創唔多。年頭承接了少許前年的十二吉的餘氣，以及年中不小心落咗看門狗的坑，基本上整年都是畫「摘你個名呀串串貢」的漫畫…呃…同埋打機。

今年冇乜畫二創本本嘅意欲，小塗鴉交流下、開心下就夠。頂多愚人節嗰本每年愚人節畫少少娛下賓就算。
以前一堆同好聚埋，好易畀人坑到出本。今時今日我識嘅同輩都半退隱。
今年又完全冇去過EVENT，除咗疫苗問題，有種唔想去同人週邊展嘅感覺(，不如自己摺埋打機好過。(利伸：唔介意課金，但實用派對週邊0興，打掃時會有想掉晒啲嘢佢嘅念頭。)

另一個大理由係…畫原創已用晒所有配額。今年主要在Penana試畫訂閱連載，畫咗大半年，數下稿量，就不其然會諗：「好唔好印書呢？」
開咗個EXCEL計數，就知道自己點解年頭話唔印書。
印書我當二百頁計有兩條路
1. 全彩+少量=貴到我認為冇人會買，要執過晒啲稿好煩。
2. 轉黑白+少量=平衡到個售價，但我要重新執過啲稿好L麻煩(。)
3.要執過晒好煩啦總之！

其他因素：
1. 唔印書。齋做訂閱就純蝕人工，咁係你自己屎忽痕話要畫，冇得咁計。唔花時間重畫，可以唔駛理所有數字問題，但有人同我講唔鐘意網上睇漫畫…(深呼吸)…可唔可以唔好為難畫嗰個？
2.蕉園已經幫咗我好多，但我覺得自己係扶不起的阿斗(掩面)…我愈嚟愈會諗「條數咁樣其實係咪真係唔好睇？」而更加唔想印，只想拿拿臨捱埋佢就算。

最後我只有一個感想，就係我真係好唔願開EXCEL同睇數據，因為只要一計數，好多嘢都會幻滅，而我計完數大多數嘅總結都係「喂，唔好搞咁多嘢啦」理性嘅真相輾壓我感性嘅原動力💀

所以我想自己下年嘅我睇到嘅年結，係咁樣：「唔理你有咩負面念頭，就算你只係一舊垃圾，都要完成你嘅任務。以上講所有嘢都只係廢話，加油係冇用嘅！咁小事都阿趦阿趄，畫啦仆街！」to me. 可以hea的話不會郁的me。