Siūⁿ-beh chhéng-kàu Tâi-bûn iú-chì: lán o̍h Tâi-bûn liáu-āu, tùi chi̍t-kóa chèng-tī gī-tê kám-ū bô-kāng thé-hōe? Góa ka-tī sī chiok bêng-hián, sui-jiân kóng nā kan-na khòaⁿ soán-kí tǹg hō͘ siáⁿ-lâng sī kah í-chá bô chha gōa-chē, m̄-koh tùi "ka-tī iáu teh hông si̍t-bîn" ê kám-siū ū khah chhim. Siūⁿ-beh khòaⁿ ta̍k-ke ê keng-giām.

Khak-sit ū sio-kâng ê thé-giām

Pún-té tō tùi lán hŏng si̍t-bîn ū chin-chhim ê ì-sek, Tâi-bûn mā o̍h chiok-kú ah, m̄-koh tong-nî (ko-tiong ê sî-chūn) khak-si̍t ū beh-óa-beh-óa ê thé-hōe

grape9558: snail9833: Án-ne chiâⁿ-hó. Góa tùi hông si̍t-bîn chit-kiāⁿ tāi-chì, í-chá tō ē-hiáu kóng, m̄-koh hit-chūn kan-na kóng. O̍h Tâi-bûn hō͘ góa ke khah ū si̍t-chiān ê kám-kak, thé-hōe mā kiâⁿ-kàu sin ê khám-chām.

Góa ē siá chit tiâu, sī tú-chiah iáⁿ ·tioh lâng teh thó-lūn Jī-jī-pat chèng-hú thâi-lâng, kám-kak choán-hêng chèng-gī bô chò kàu-gia̍h si̍t-chāi chin hāi, bē-chió siàu-liân-lâng ē kā Kok-bîn-tóng kah pún-thó͘ chèng-tóng lóng khòaⁿ-chò sī in ê soán-te̍k, bô kám-kak ū siáⁿ-mih m̄-tio̍h.

Chèng-hú nā kè-sio̍k chhui-sak Hôa/Eng siang-gí(te̍k-pia̍t sī Hôa-gí), chin-kín tō lióng-hōaⁿ kiōng it-ka a

Tsiap-tshiok Tâi-bûn liáu-āu tsiah tsai-iánn Tâi-gí m̄-sī Bân-lâm-gú, jî-tshiánn tsin-tsē tāi-tsì lóng-sī tsìng-tī jîn-bu̍t leh tsok-kuài, Tâi-uân kah Tiong-kok kun-pún bô siánn tī-tāi.

Góa ka-tī í-chá kan-na ē-hiáu Hôa-gí ê sî-chūn, kiò-sī ta̍k-ke lóng kóng Hôa-gí sī chèng-siông ê.
āu--lâi chiah chai-iáⁿ lán chó͘-sian m̄-sī kóng chit-ê ōe.
Sī hō͘-lâng kiông-pek ê kiat-kó, khai-sí siūⁿ-beh kā Tâi-gí o̍h-tńg--lâi.

snail9833: rabbit4609: raisin1739: Sit-lé, Plurk thong-ti kán-ná ū kóa būn-tê, bô khah-chá khòaⁿ-tio̍h lín ê lâu-ōe, kám-siā hun-hióng.

Góa chòe-kīn khòaⁿ chi̍t-kóa chèng-tī gī-tê teh thó-lūn, ū-tang-sî-á ē kám-kak kin-pún ta̍k-ke ki-pún jīn-bat sī thiⁿ-chha-tē, tō ē siūⁿ kóng, nā-sī kan-na siá Tâi-bûn ê lâng lâi khai-káng kám-ē khah m̄-bián it-ti̍t kái-soeh chi̍t-kóa chiok ki-chhó͘ ê būn-tê (phì-lūn-kóng, sī-án-chóaⁿ Kok-bîn-tóng m̄-sī chèng-siông bîn-chú siā-hōe ê soán-te̍k)

Guá kám-kak ing-kai bô huat-tōo.
Liân Tâi-bûn ài án-ná siá, lóng-ē hōo bô-kâng li̍p-tiûnn ê lang uan-ke ah, tiō sǹg sī kāng-khuán siá Tâi-bûn kóng Tâi-gí ê lang, mā-bô it-tīng kah-lí ū kâng-khuán ê tsìng-tī li̍p-tiûnn kah siūnn-huat.

rabbit4609: Bô-tiāⁿ-tio̍h ū sio-kâng ê siūⁿ-hoat sī chū-jiân, nā-sī lóng sio-kâng tō kin-pún m̄-bián thó-lūn ·ah XD
M̄-koh góa ê ì-sù sī kóng, ū chi̍t-kóa ki-chhó͘ ē khah sio-óa. Góa bo̍k-chêng sī kám-kak siá Tâi-bûn ê lâng m̄-koán siá tó chi̍t chióng, siōng-bô khah bē phì-siùⁿ pún-thó͘ ì-sek kah bûn-hòa.

Ke-kiám ài thê-hông ū sŭ-pái(spy) lām-chham lâi sái-lōng ê, FB siā-thoân tō ū bē-chió sì-kè o͘-pe̍h chhut-chiàn ê koài kháu-chō