歷時一個半月，我終於——將20cm阿洛整完啦！！

比預期既工時長&過程地獄，但終於完成可以拎上手玩同換衫個下又好滿足同感動

於是下收製作過程造娃血汗史既part2！！！

上回提要臉皮繡完，本來想收起繡棚開始做縫紉工
但一時興起，諗緊下次都唔知幾時又癲起上黎先再挑戰，玩盡佢啦
於是我就真係去左繡手腳既肉球（咦

過程略，基本同繡臉皮差唔多，不過算係有啲經驗所以體感係繡得細緻左既！雖然依然有小變型，到底點樣繡先會唔走樣rrrrrrrr
anyway本來繡左腳仔先再繡手仔，但發現自己手仔對肉球好似繡得比較好，考慮到手仔對肉球理論上比腳更容易被遮，於是⋯⋯⋯交換左手腳黎剪布片，多謝風筒可以ko熱消筆既筆痕！！！XDDD

搞掂好手腳既肉球就將所有布片一口氣剪曬出黎，然後開始縫紉工！
因為我覺得阿洛既頭（髮型）應該係最難搞 所以決定將腦袋先放置play，由最無腦作業既娃體開始縫合

順便縫左手仔之後翻面睇睇小爪爪，真係好萌、摸起來好有摸肉球既快感、係值得既！！！（點

個人覺得縫身體最攰既地方之一係將手同身縫埋一齊，因為想整手心朝下既娃體，所以對齊布片既時候真係要用大頭針瘋狂定位，將隻手預先釘好係幾個重點定位上面，然後先一邊縫一邊對位同拆大頭針
過程比大頭針拮到我已經放棄左人生，不過之後拮得重甘ry

同埋縫到將後腳布片同腳背布片縫埋一齊時我先發現我自己白痴左將腳背布片調轉左左右黎縫，因為我本身理解後腳布片既左右就係調轉左
心係崩潰既但繼續任佢錯又過唔到自己個關，結果我拆左腳背布片既線重黎，之前縫就縫左個幾鐘、拆線直接廿分鐘，真係喊出黎ry

幾經辛苦終於將娃體縫完！！
因為之後要頭身縫合所以就冇翻面睇睇效果，但睇落去叫做有板有眼咁XDDDD

背脊未縫埋其實係因為我一直猶豫緊最後係背脊塞棉花好定個頭塞棉花好
其實合理黎講應該背脊塞棉花會比較好既，因為著左衫就見唔到縫線所以縫幾歪都大丈夫（喂），同埋後尾枕要翻面縫合既話有長毛擋住應該都幾難縫得靚，至少我信心低啲
不過遲遲落唔到決定係因為我、一時興起到想裝埋骨架，但我唔知骨架既頭位可唔可以透過背脊既窿穿過頸位入腦袋裡面XDDDD

於是娃體就先做到呢度！！！

之後開始整個頭
我唔記得左影縫耳仔rrrrrrrr嗯所以就咁樣！！！

登登登耳仔先簡單幾針縫左落臉皮定位了（喂）
其實整個耳窩出黎個幾針有啲出乎我意料所以我都拆過線兩次先整到而家既效果，證明睇教學片係好重要！！！懶叻既結果就係瘋狂拆線ryyy

跟住就係將下巴布同臉皮縫埋一齊
依然大頭針係我既好朋友雖然會攻擊我ry，去到左邊耳仔位時要一針穿過繡線+臉皮+耳仔4層布+下巴，個厚度真係癲到XDDD
多謝屋企有頂針，唔係我指頭出血都應該隊唔穿（誇張）
縫完下巴之後翻面就開始有個形出到黎啦～～

下一步就係地獄模式既整呆毛&小翹毛
去到呢步多少有啲懷疑人生點解要設定到阿洛有呢啲小細節（但我就係鐘意小翹毛5555）
本身冇打算整紙樣直接就剪布整呆毛既，但結果發現搭落個頭一睇都幾fail，於是放棄偷懶乖乖地拎紙出黎畫呆毛同翹髮既紙樣

於是奇怪既小東西sssss就出現啦！XDDD

布片黏合之前試過做實驗發現萬能既UHU膠係真係掂既，但事後成品會硬到可以拮死我成為殺人兇器，為左唔令阿洛成為殺娘兇手（點）所以改用第一次玩既雙面黏合網膜，但我冇影（喂呀

過程因此唔想搞著阿爸開熨斗，所以我用卷髮棒隔住a4紙黎幫布片&黏合網膜加熱，估唔到效果又幾成功，而且成品係軟林林冇殺傷力既！！！（重點
同時讚哉我剪小翹毛既布片時露出部分同縫份之間既轉折位都算係明顯，所以布片黏合完之後修剪同定位落臉皮度都唔會話太難搞

努力定位中既過程照wwww
定好位之後將後尾枕+翹毛隔片+臉皮拼埋一齊，順便修剪一下右邊既鬢髮同耳仔之間既位後就開始腦袋既縫合

縫完忍唔住反轉睇睇效果，ummmmm叫做可以接受XD

於是開始頭身縫合工程

呢part就係拮到我痴線 順便真係拮到我食指挑起左塊表皮痛到爆既部分ry
非常攰！！非常難搞！！！個頸位太細喇無論定位還是真係縫都覺得消耗大量精力
我重一度卡線然後用力一扯，條線斷左🥲（）
結果又係拆線重練⋯⋯

但最後都係縫得完既！！！反轉版阿洛！yeah！！（？）

之後骨架大概預左下位，確定背脊入應該都係可以隊得入既時候終於將後尾枕至後頸既部分都縫合埋一齊，然後就——

正式翻面啦登登登！！！

之後骨架對比一下娃體覺得都係長左一格，於是又出動阿爸黎大力啪走多出既部分

隊入去娃體時都真係唔好話我話，真係有擔心過開口既縫線會爆
但話曬當年家政既縫紉堂我出名縫得實淨，所以一番折磨後冇爆線既情況下都係成功隊到入去既XDDD
從背脊窿度睇真係好似幫阿洛加左條脊椎wwww

跟住就係最後步驟瘋狂塞棉花啦
其實我以為呢一步會好易，點知都發現其實唔係易
主要係因為加左骨架，你要用棉花包住個骨架之餘又要確保個骨架唔會走位
好似我瘋狂往腦袋同四肢塞棉花後發現個頭既骨架應該傾側左係斜後方，所以有一隻手既骨架隊唔到落底，活動起上黎差咁折
結果又要拆返啲棉花出黎再隊過⋯⋯⋯🥲

同埋啲棉花隊得多會結成一舊，摸起來就好似有舊腫瘤咁，所以又係要調節個位同埋拆出黎鬆開舊棉花先再黎過
然後個頭簡直係無底深淵，塞極棉花都重可以再塞，勁癲，反正我就塞棉花塞到懷疑人生，到最後覺得呢隻阿洛實淨到可以當武器打人（點
再一次感謝自己縫得真係好實淨可以捱得住比我糟質式狂塞棉花而完全冇爆線，唔係我都真係唔知點算

棉花塞到8-9成時既樣～～
已經成到形感覺甚為欣慰⋯⋯
最後塞好棉花就開始縫埋最後既背脊窿

⋯⋯⋯雖然我有努力到但明顯係睇到條縫線係唔靚仔既，所以我就話留背脊窿好過留後尾枕窿，至少我有個圓滾滾既完美後尾枕XDDDD
本來應該勒屁股線既，但我唔鐘意有線係娃體出面，同埋最主要我冇信心做得靚ry
反正之後著衫唔會見到，於是放棄勒屁股線！！！

最後將鬢髮小心修剪下，登登登登登阿洛既裸體完成！！ （點XDDDD

測試一下手腳頭既活動性，好似還可以XDDDD
不過可能棉花塞好多所以又唔係真係可以郁得好勁XD
同埋塞左棉花後既小腳腳with肉球係真心可愛既，好好摸x

以上！
最後發現其實翹毛最後都冇對稱到x 不過阿洛本身髮型唔對稱所以都唔太覺，好耶！
同埋頭頂既呆毛太大條所以其實唔係幾穩XDD但我覺得都ok既～～

之後就可以帶阿洛出街影相同陪我去迪士尼過生日喇好野～～
影娃照使我快樂，覺得努力左呢個半月係值得既！！

你真係痴線架 （讚美（？
真心好勁！！！

超級無敵可愛！！！

好狂 （讚美

yeeaaaaahhhh多謝大家！！
感覺自己成功挑戰左一樣好癲既事，係開心既！！
有機會時帶個仔出黎比大家見下佢（？）XDDD