[時事]-#Mirror 連儂牆


【「不忿是我們依然欠缺交代」】

今日是 MIRROR 演唱會墮屏事故兩個月，24 名參與該演唱會演出的舞蹈員之中，有至少 16 人今晚於 IG 出 post，當中不少人都要求主辦方及當局交代事件。

大家都知道問題喺邊嗰個度囉，仲繼續龜縮呀

其中與 MIRROR 合作的舞蹈員團體 RORRMI 隊長 Saiter 表示，阿 Mo 是代大家「食」了一個幾十年的計時炸彈，代價太沉重太昂貴，無人承受得起，但他亦反問，已經要付出的這個代價，「係咪可以為將來既行業作到些少改變，至少係安全方面嘅保障可以大大提高？」Saiter 又表示，在什麼都做不了的無力感下，唯一可以做的，就是衝出來提醒大家，「呢件事情仲未完」。

舞蹈員方方貼出與傷者李啟言（阿 Mo）的合照，指對方過去兩個月每日見到的畫面只有天花板，亦相信要維持一段好長的時間，「一個平常人都未必能夠接受，何況係我咁貪靚跳舞咁叻嘅朋友」，方方由此反問：「邊個可以行出嚟解答我哋嘅疑問？點解唔畀傷者一份應有嘅尊重？一個交代好難嗎？一句誠懇嘅公開道歉好難嗎？希望呢個地方仍然能夠容納希望。希望呢個地方仍然能夠彰顯公義。」

舞蹈員 Nok 則稱，作出一個公義的交代及負上責任只是「負責方作為人嘅一條最後底線」，他又希望有關單位交代的同時，可提出確保台上所有演出人員安全的措施，「舞台並唔係俄羅斯輪盤，並唔係一個 artist、dancer、musician 及舞台工作人員嘅一個生死遊戲」。

舞蹈員 Longkit 在文章表示，是次演出令他深感失落，事發後感到矛盾，一方面因此經歷而更加努力及珍惜，但同時感到內疚、不忿，「覺得做咩都好似徒勞無功；不忿係我哋依然欠缺一個有條理既交代，俾返各單位同啊 MO 應有既尊重」。

舞蹈員 ManC 表示，「選擇用自己興趣做職業需要無窮的勇氣，堅持用自己興趣做職業需要無比的熱情」，但感慨阿 Mo 一瞬間失去了多年建立的所有，「一夜間他的餘生成為了問號」。她稱，日後為自己或同業爭取任何事情之前，這次「我們需要一個交代，還 Mo 一份尊重」。

舞蹈員 Canny 亦貼出與阿 Mo 的合照，回想多年前在 Poly Danso 與對方相識經過，她指希望盡自己能力繼續為是次意外幫他追討應有的公道，可是一直都沒有得到一個合理的解釋，「我每天只看到報章報道着各界互相推搪、迴避責任的態度」，「一直在等調查結果、一個交代，等到什麼時候？不知道。最後事情會被冷卻被淡忘嗎？不知道。我也不想在第三、四、五、六個月、一年後⋯仍然有同一個疑問、憂慮。」

在綵排時受傷而沒法正式演出的舞蹈員 Zisac 亦發文慨嘆，兩個月後阿 Mo 仍留醫，要回復原有身體狀態只能祈求奇蹟，「啟言身體需要好多時間，咁調查同交代需要幾多時間？我哋等緊一份報告，等緊一個交代。」

7 月 28 日，MIRROR 紅館演唱會第四晚，呂爵安（Edan）及盧瀚霆（Anson Lo）表演〈Elevator 〉一曲時，舞台上空一個巨型螢幕墜下，舞蹈員李啟言（阿 Mo）被擊中倒地，另一舞者張梓峯也受傷，事件震撼全港。

《明報》近日引消息指，政府跨部門工作小組和警方西九龍重案組均已完成蒐證，分別將調查報告交予律政司，以諮詢法律意見。該報又引消息稱，工作小組最快本周再次開會，至於會後會否公布結果，則有待小組主席、康文署助理署長李子俊決定。

=============================================

1：Mirror演唱會意外事隔兩月，除咗代表Mirror復出在即，鏡粉正磨拳擦掌，準備煲Viu嘅四部自家劇之外；亦代表責無旁貸嘅主辦單位Makerville，無就事件正式交代已經兩個月。

2：當然，ViuTV、Makerville嘅角度，或者抱住「香港人好善忘」嘅信念，只要唔提，事情就會丟淡；加上鏡粉已餓咗兩個月，到復出之日大家或者已想娛樂至上，擺低件事。不過，Makerville如意算盤打唔響，呢兩個月，阿Mo爸爸李牧師keep住出代禱信兼拒收1000萬；dancer不停要求有交代、要求被正視、要求獲尊重，令件事完唔到。

3：水退先知邊個冇著褲，今次危機，完全曝露ViuTV、Makerville嘅無公關嘅公關手法，令ViuTV、以至Mirror都陷入低潮。正常情況下，如果呢個時候，有舊客仲願意喺咁唔清唔楚嘅情況下，confirm復出之後嘅campaign，就算未去到雪中送炭嘅程度，策略上都做到「幫你做勢」效果，呢啲客，都算係咁啦。不過實情係，花姐為首嘅經理人團隊未必會感恩。

4：話說最近有朋友同我呻，咁有個品牌，喺鏡仔未真係勁紅嘅時候，已經簽咗代言約，份約就未完嘅。個品牌見到話Mirror諗住復出，就諗住夾間餐廳做個promotion，放返鏡仔代言產品嘅promotion material。好啦，咁個品牌就問晒經理人啦，咁當時經理人就咩都OK晒嘅，所以餐廳期就mark晒，product 就度晒，連宣傳物資都開機印緊啦。

5：點知，有日餐廳就收到通知，所有野要剎停，原因係經理人表示：「我唔想」，然後？沒然後，因為已經冇其他解釋。

6：首先，呢個係尊重嘅問題，一早應承咗個客，個客就開工，到最後一句「我唔想」，令所有人嘅功夫都浪費晒，連一個令人條氣順啲嘅理由都唔作一個；二係管理嘅問題，Makerville假假地都係上市公司旗下，Mirror復出都係公司近來嘅頭等大事，所有部署suppose唔係應該一早諗過度過？係覺得有問題、未諗清楚嘅，就唔應該一早應承個客啦。經理人團隊英文係management，但咁冇management skill嘅management team，說穿了就係唔專業。

7：對客已經唔專業，應付media甚至差過新入行公關。試過有一個鏡仔喺公眾場合睇樓，當時唔少傳媒都影到，亦當報道咁報出街。之後有其中一間media朋友，當日就好嬲咁同我講，話佢哋收到一個不知名人士inbox：「我係Mirror經理人，你地未經我地同意刊登XXX照片，間接宣傳樓盆（正字為「盤」），你地應該立即delete，我地公司亦會作法律追究。」

朋友話：「無名無姓，卡片都冇張，佢話佢係李澤楷都得啦。再者，香港都冇俏像權，咁唔想人影到，你咪包佢衣食住行，佢咪唔使出街買啦。條友，真係唔識架喎。」

最後，作為記者嘅佢哋當然有尋根究底嘅精神，呢位不知名人士係真係其中一個經理人，而朋友最後亦有嘗試向母公司PCCW集團公關了解。同樣，由於經理人嘅唔專業、冇公關，拖埋母公司後腿，令佢哋要幫手執屎。

8：鏡仔紅，經理人就算幾唔專業，有幾目中無人，作為客、合作單位、甚至fans要受氣都會忍；但依家品牌出事，如果經理人依然固我，繼續擺出一副「吹咩」嘅高高在上姿態，鏡仔就算幾努力，都好易俾經理人嘅惡劣工作態度拖後腿，好記得半年前有個廣告界朋友，曾經好唔開心咁同我講過，「有得揀，我真係好唔想夾嗰班經理人。」

9：另外，政府調查紅館事故的工作小組suppose今日要完成調查，好似冇咩聲氣嘅？

=============================================

【MIRROR演唱會】阿MO父親盼盡快找出來龍去脈：給啟言、表演者及公眾一個公道

呵欠

MIRROR演唱會︱調查逾2個月未有結果 孫玉菡指將近完成會盡快交代 | Channel C

調查尾聲？| 演唱會意外報告遲預期公布 局長回應已日以繼夜盡快做 一群鏡粉寄膠袋求交代 | Channe...