我可以開始呻🍒cafe 2.0單嘢
因為我真係好嬲（上個月）
嬲到我白頭髮都出哂嚟（係呀，成支企直直個啲硬白頭髮，依家仲睇住佢硬直咁樣 ）

都可以算係冇乜駛到錢賺經驗嘅…

是咁的開場先，嗱我唔開名啦，佢乖乖哋退到錢俾我就唔唱佢（太勁）

第一次個間呢，其實都係kam，例如蛋包飯冇飯呢啲，個陣覺得嬲同可笑嘅，但接觸到第2間之後，冇飯真係小事，宇宙微塵等級

間嘢其實有好多先天優勢嘅，地理位置好，有落地大窗，裝修靚。
但上咗去2次試嘢食都冇咩人，第一次仲要係7月3紅日添。
嘢食就好難作準，本身對cafe食物要求好低，唔太難食其實就過關，個日我哋點兩樣嘢，點蒜香意粉係甜甜哋嘅配料都冇乜蒜味，可能健康取向啦…
餐廳啲人有埋嚟問我哋嘢食如何，咁我哋又食咗誠實豆沙包話意粉甜嘅，問個位人兄冇咩反應，冇話會反映翻…

兩次cafe我都頗為介意啲嘢食點，始終大家上去係要硬食最低消費，如果伏伏伏咁都冇理由俾大家上去，雖然佢個意粉唔得，但另一樣嘢食係正常嘅。

7月3個日我哋睇佢個menu揀嘢，佢其實好多款唔同餐牌，又有周末brunch，平日有午餐，仲有小食甜品

見佢小食部份有玉子燒個吓好開心，諗住大家終於扮到安達，我哋都好重覆咁講咗會揀呢個入menu度，當時係冇咩特別反應嘅。

而個日要睇包場，食到3點幾我哋就埋單

事後經人傳話，間嘢嘅人話我哋點解個日有問題唔傾哂，要咁快走

聽到之後嘅我： （粗口）

3號嘅時候佢哋叫我哋揀定menu，個一兩日就問佢到底可唔可以將啲周末menu平日都做，個陣係話唔得，唔會tailor made menu咁，呢個係理解。

佢個吓就只係話我哋揀main menu就得啦。
晌呢度有個問題，就係間嘢其實每個客嘅最低消費都需要你點一個主菜一杯嘢飲

你以為成個menu點夠錢就得啦係咪？

sor9ly，尊貴嘅餐廳表示咁係唔得嘅

而呢件事就係晌個幾兩個星期之後我哋先知

之後一個星期某日平日我哋中午時間上咗去再試其他小食menu

個日又好神奇喎，我哋兩個係點咗兩個小食+兩個甜品+兩杯嘢飲

而當時我哋係唔知佢冇呢個玩法，亦都冇晌個刻就話：其實平時唔準咁點㗎，見係你咋❤️

食物質素正常，未到好好食但唔難食咁樣
（平時百彈齊主）
個日點咗炸魷魚鬚，玉子燒，心太軟同焦糖燉蛋嘅
玉子燒唔似即整，個心係凍嘅
心太軟個心唔流，似係叮叮version

個日我哋有影低食過嘅嘢食相，打算之後更新IG page。

而個日我哋就正式揀定menu，開始度啲嘢食名同內文。個一兩日夜晚就話俾間嘢知我者揀咗咩嘢食。

而佢哋就開始嚟料，話我哋揀嘅小食同甜品 一日只得十份， 我哋揀咗咩：玉子燒，心太軟同埋焦糖燉蛋 個吓真係嬲到笑 喂呀，你個玉子燒呢（忍笑）交貨嘢嚟個喎，唔好呃人啦

呢包嘢我屋企都有添呀

點解我會話佢個心太軟係叮
首先佢嚟個陣係鑄鐵器皿，上面除咗個心太軟外就係一球雪糕，個球雪糕晌我哋影緊相已經自我消滅緊。斬開個心太軟呢唔流心喎，成件事就好奇怪喇。
個盤咁熱，舊蛋糕如真係即焗一定係流到心（當然唔排除佢用錯咗內心朱古力令佢溶唔到）

其實問我，上面點嘅4樣嘢最易缺貨應該係魷魚鬚，不過佢答玉子燒十份呢件事真係好地獄，個吓我哋就覺得真係奶嘢。

而正式奶嘢之前都有小插曲，當下出咗🍒電影OST，我哋係打算現場配樂用佢嘅，之前個間有電視可以插嘢但呢間冇都唔緊要。

最叻係佢播歌嘅APP係用JOOX（我好摺嘅平時聽歌係用自己file）咁想當然一首🍒嘅歌都冇啦（呀，依家睇先知呢個APP係支那個喎，黃店又用支那嘢咁開心呀）

到問佢有冇得播自己帶去嘅USB個陣，佢就話唔得。

我哋就傾過其中一位朋友可以借出佢個Spotify account俾佢用，等佢可以播歌啦，但係講咗好多日都唔答人喎，得同唔得？冇人知

到最後當佢講玉子燒得十份個陣我好嬲，就問埋佢播音樂到底可以點，你要提供方法，到咁先話可以用我哋個Spotify account ，真係多謝哂。

呀點解咁嬲咁嬲都繼續呢。

就係呢啲冇乜生意嘅cafe佢係收咗所謂訂金先同你合作嘅。

你會答：喂其實搞cafe應援帶客去個間嘢消費，佢俾返錢你先啱吓嘛（好多人咁同我講）

但事實係兩間都會收呢個錢，佢哋會話好多嘢做乜7，如果你唔搞會令佢哋好煩而搞到收訂呢件事合理化。

第一間價錢係合理嘅，3日收800蚊（雖然完咗成個月追多咗好多日先退到）
而呢間極品就收1000蚊/日
個應援10日就收一皮嘢㗎啦，係咪好驚喜好意外呢？

我哋單嘢係搞5日嘅，佢收呢個錢個陣都係開頭乜事都未發生嘅時候（個吓未知佢啲嘢限10份同埋只可以點主菜飲品）

所以點都好，為咗個幾千蚊
the show must go on.

既然都要搞，咁都要整自己份menu，應援cafe個玩法都係用佢原有啲嘢食改吓名當係特別嘢，而正常都會俾返一份餐廳本身嘅menu個客揀嘢，真係reference嚟㗎咋。

我哋份menu係用心製作，都知呢間嘢乜都會有問題提出，我整好咗就俾佢望吓囉。

想當然佢梗係ban我哋啦❤️
由頭ban到落腳，又話我哋份menu啲名好咸濕唔尊重廚師，又話我哋玉子燒改個名會混淆佢哋啲客。

會去🍒應援嘅人一定會知個樣係乜嚟，再加上份嘢都只係參考，真係無需要俾你知道故中有咩特別嘢。

（我哥：佢搞得你套嘢應援夠唔睇你套嘢唔知你玩乜啦）

我哋答佢：份嘢係參考嘅連價錢都唔落，啲客都睇你份嘢

佢哋都話唔得

咁到呢度我就唔再讓步啦

個晚嬲到差啲直接爆佢，不過我真窮冇錢同佢作對，為免物理爆血管就冇再睇佢哋回應交咗俾朋友睇

朋友：佢哋仲好有趣咁話我哋份menu可以印完私下俾啲嚟應援嘅人喎

舊錢係咪你出呀❤️
full size A4冇邊印一張都幾蚊喎

至於menu咸濕呢部份，佢哋本身份menu唔係冇呢啲成份個喎

牛脷就寫同牛打茄輪呢啲啦

簡單啲就係：自己可以唱尹光，你唔可以唱尹光
你唱尹光就係唔尊重佢啲廚師

多謝哂喎

同共產黨咁似嘅

個晚唔係得我一個好嬲好嬲，朋友都好嬲，我哋兩個都已經唔想回應，最心痛係要搞落去。

而另一個朋友比較早休息，冇實時睇到事發經過比較冷靜，佢理解完件事覺得係雙方溝通問題，大家都各說各話咁樣。

當中亦都有講過其實佢間嘢最低消費係必須要點一個主菜同一杯嘢飲。

（我就唔明咩cafe會咁啦）

而我哋第2次上去個陣點甜品加小食又得呢，係佢哋特別offer俾我哋喎，搞手先得嘅。 呢啲咁彈弓手嘅店家好難唔出現溝通問題嘅。

呢間嘢晌menu上面完全點著咗我把火。

我冇諗過亦唔會再改份menu就佢。

同時佢哋亦發癲話見到我哋個宣傳IG出佢哋啲食物相，話如果要有相可以問佢哋拎唔好自己影。

家陣收錢做打手嗎？
🍒粉上到嚟你整碟嘢犯埋商品說明條例點算？

我話大家其實獨立搞各自嘅嘢其實冇必要事事俾對方知自己做咩，出咩po都要你approval，佢就話我哋唔話佢知就出咗有相嘅PO唔得。

而呢件事之前佢再問話IG出PO要夾，問佢想夾咩又鬼打牆咁要我哋睇返啲舊嘅應援PO去自己睇。

原來咁介意自己啲俾客食嘅食物相唔想人哋影嘅你早講吖嘛

又，佢仲提出話要相出PO問佢拎
笑笑，唔駛啦，唔再出任何食物相添呀

如果睇翻呢間嘢近期嘅OP食評啲相都好~~~~~真實㗎❤️ 誠實食評呀！

咁呢幾件事加加埋埋
已經灰到我啲頭髮白咗好多

同個朋友傾開啦，佢好持平咁講咗啲嘢，突然我叮一聲諗通咗

佢咁樣我哋咪唔駛再做咩配合囉，乜都唔整

佛系應援

個陣朋友draft咗一份嘢俾佢哋
大意就係話menu唔郁，直接用佢哋個份，IG我哋唔PO相。
其他嘢都係溝通問題，大意係咁啦

然後時間慢慢過去，佢出咗一個PO嘅，睇返佢咁多個應援啲PO入面啲字全部一樣嘅，其他嘅應援都係出一個PO就算，唔似我哋差唔多日更，模式上唔同咁啦。

自己可以咸濕，人哋唔可以咸濕嘅經典

到搞之前我哋除咗出地址個PO之外，就冇再出任何PO
佛系到個幾日畫咗幾張圖。

正式搞之前個日其實星期4嚟，就問吓佢可唔可以星期五晚先上去set場。佢就話一定要佢哋收咗鋪夜晚十點，話如果食食吓嘢有人裝修唔好（？

一間連配合人哋可唔可以開鋪前set場嘅so call 應援cafe都真係好易配合，佢哋經常話有乜嘢可以傾，傾傾傾你老母咩，次次都ban冇嘢好傾喎
咁我哋咪星期四晚十點準時上去
快快手放好個易拉架同埋朋友貼嘅極有藝術風橙色黑澤海報就完，呢度可能用咗5分鐘？

到臨走就俾咗我哋唯一一樣俾佢派嘅應援禮佢
晌呢度我真係好想同上咗去呢個乜都冇嘅🍒應援cafe嘅朋友親口講聲唔好意思
而呢個機會就嚟嚟啦飛雲（？）
等我哋嘅更新IG啦（硬入廣告）（音樂）（dadaladu dadaladu dadada)