父親節special 連儂牆


ReNews

【爸爸不在的父親節】

今年的父親節，是張家過的第一個父親節。

現在九個月大的張B，剛剛學懂爬行，也可以在媽媽扶著下試試站立，開始能吃固體食物，而這些成長的點滴，他的爸爸從來沒有親眼看過，張B也還沒有被爸爸抱過、疼過。

張B的爸爸張可森，去年一月因初選 47 人案被捕，還押至今，「BB有探爸爸，可能一個月一兩次。」

張太說，張B已經到了牙牙學語講「BB話」的階段，「都會講下爸爸、媽媽」，探監的時候她會告訴張B，「呢個係爸爸」，但她亦知道，只有 9 個月大的張B還未必了解爸爸的意思，她只會偶然告訴張B，「爸爸而家暫時未照顧到你住呀，遲啲，爸爸好快就會返嚟陪返你」。

但「遲啲」即是何時，根本沒有人說得清，張太說她盡量不去想這個問題，就算外界有估計，律師、丈夫張可森都有提過一些估算，她是亦盡量不聽不想，「我唔會想俾自己一個期望，幾耐之後爸爸就會返嚟，我唔想去諗。」

母兼父職，丈夫不知何時有歸期，由懷孕、產檢到入院生產，張太都要獨自面對，本來想順產結果要開刀，連找丈夫商量都要等一日探望才可以，產後傷口疼痛，仍要每晚起身餵夜奶換片，「我覺得自己好慘架，我點樣唔覺自己好慘…但係無辦法，就係要過，我唔會每一日提住自己你好慘，咁樣無意思。」

還好有張B在，對於張太來說，張B就是她和張可森的一個連結，亦是因為張B，給了她更大的動力，努力工作、照顧家人，兼顧丈夫留下的事務，「我自己個諗法就係，快啲瞓著，快啲醒再繼續忙，日子快啲過完，爸爸快啲返，自己忙啲就無咁多嘢要諗。」

讓自己再忙一些，再努力一些，也出於對張B的一點內疚，「你見我屋企，好似好多玩具好企理，某程度上可能我知道，BB無爸爸喺度陪佢，所以我會好想，其他地方補償返佢。」

「努力啲返工搵錢，俾BB好啲生活，但係我知道補償唔到。」

張家第一個父親節，張太和張B兩母子在家中玩玩笑笑過一天，但日子會過，張B總會長大，日後難免會問，爸爸去了哪裡， 「我未諗到呢個問題點答﹐到時先再諗。」

但她會肯定地告訴張B，他的爸爸「係一個好叻嘅人，係一個好錫我哋嘅人」，爸爸可能會覺得對媽媽有虧欠，但她不會去想丈夫為她帶來麻煩，亦不會去質疑他的信念，「無論佢有啲咩諗法，作為佢太太﹐我都會想支持佢」。

「我知道我揀呢個老公，就係一個咁善良嘅人，我都想我哋個仔，做個善良嘅人。」