睇睇Youtube上唔同人對Johnny Depp官司既反應，再次提醒左我左翼個種輸打贏要既態度係幾咁令我生理不適

其中一位講到呢單官司同metoo既關係，佢認為metoo既問題係出於大家預設男性係加害者，所以解決方法應該係加大力度，尋求男性都可以借metoo發聲

我真係未見過咁嘔心既講法，metoo既問題係在於佢係一種私刑，故事創作上有好多令人振奮既「私刑者」，就比如蒙面既漫畫英雄，所以我並唔係要100%否定私刑，而係執行私刑本身係需要極致既理性同非常高度既自制能力，死亡筆記就已經警告過私刑者失去自制會發生咩事，美漫「What IF: Civil War」當中美國隊長亦作為正面教材示範有自制能力既私刑者係幾咁值得敬佩

所以我非常抗拒咩「以牙還牙」式對付建制勢力既手段，就好似Watchmen入面對法老王既指控咁，我地只係扭曲左人性，我地冇令任何事物變得更好，我地未有足夠既能力，去行使呢種特權

仲有口講唔要大台，結果自己成為另一個大台，完美表演咩係屠龍者終成惡龍