南管館閣分做曲館(洞館)佮歌館。曲館是傳習正統南管音樂為主ê館閣，歌館是以演唱「太平歌」（佮南管樂器曲譜欲仝款，閣小可無仝，風格無仝，叫字、技藝有較凊彩，有tang時會佇送葬陣頭中聽著）為主。佇重視出身ê南管界，歌館ê地位較低，連唱者ê拍板都ài攑斜，袂使得正攑；當然，地位佮藝術成就有較差。[1]

Facebook

其實也不一定是這樣啦~早先學者見識也是有限的。不同的東西哪有啥藝術成就好比較的呢?

施碟（藝名阿樓）佇日治時期是鹿港演唱南管誠出色ê藝旦，伊做藝旦了後，向歌館遏雲齋創館人陳貢學唱南管，戰後加入曲館雅正齋。伊是目前所知台灣上早留落唱片錄音ê南管樂人之一，也是雅正齋先賢圖中唯一ê女性。伊是鹿港瑤林街人，1905年出生，大概是1964年到1971過身。1928年鹿港大冶吟社ê竹枝詞：「嬝嬝歌聲漠漠塵，後車路上不聲春，南腔誰唱相思引，只有阿樓是舊人。」

陳瑞柳《臺灣光復後南管先賢記》：「施碟，鹿港人，自幼學習南管，唱曲音清字圓，名聞梓里，琵琶彈奏，指法高山流水，曾在中部任南管老師，很多名曲子手，都是她ê學生，被譽為中部南管名家，七十餘歲西歸。」

施碟二十幾歲就是有名ê藝旦，感覺有需要才閣學南管。伊本來近遏雲齋ê陳貢（人稱包仔先，1883-1951）學習，後來也向遏雲齋ê郭水雲（1893-1975）學過。伊佇鹿港ê同樂閣、和平樓、醉仙亭等酒家（俗稱「菜店」）走攤，也捌佇台中ê醉月樓做藝旦。伊算是hit-tsun̄唱南管上好ê一位女性，做藝旦ê時，捌參遏雲齋ê成員去日本名古屋錄製曲盤。
目前所知施碟留落來ê唱片錄音曲目有：日治時期ê鶴標唱片（約1930-1933年出版）、黑利家唱片（REGAL，約1938年出版），以及戰後鹿港牛墟頭ê新聲唱片（NEW VOICE，約1957-1959年開始錄製出版）。