老闆咁樣講完大家都驚訝到嘩哂出嚟！梗係啦，黑澤優一係hot in service 皇牌中嘅皇牌，佢做牛郎做到上電視，仲出埋書添，但佢唔係個種睇落油淋淋嘴好甜嘅男人，而係有種成熟知性嘅魅力，敢寫包單，如果俾佢望吓都會懷孕，全球嘅生育率應該會直線上升，佢就係一個咁痴線嘅存在…個消息令到大家都好緊張，以為黑澤終於唔做呢度喇
由黑澤晌港區返自己三鷹嘅屋企大慨半個鐘，呢半個鐘入面安達個腦不斷replay返頭先晌黑澤屋企所發生嘅事…佢望住車外面車水馬龍嘅返工車龍覺得呢個世界突然變得好唔真實，佢諗返起自己畢業搵唔到工，咁啱豐川公司請人仲以為大公司一定冇死錯人，結果只係一間分公司嘅鋪頭但睇個名又唔知做咩，個陣嘅佢搵唔到工已經無哂錢就黎走投無路就決定試下，結果佢返工就好似俾人賣豬仔咁去左牛郎店幫手…開頭幾日嘅佢都只係做倒酒同埋清潔工作，過左排當當佢以為呢份工同居酒屋Part time差唔多個陣，有晚就黎左位專係食初入行仔仔嘅女人點佢坐台… 個晚發生嘅事佢仲好記得，如果冇黑澤，可能佢已經唔再係hot in service員工
而家歌舞伎町咁多牛郎店，要係咁大嘅市場入面突出真係一大難題。BL之夜其實都係一個賭博，搞得好就吸引到一班腐女，第時轉埋型都仲得。搞得衰啦喎，吸引唔到腐女不特止，仲有可能會搞走一向幫襯黑澤個班夢女富婆。所以老細今鋪好穩震，除咗黑澤同安達呢pair溫柔攻天然受之外，老細仲準備咗另外兩pair，一pair專走性慾強攻X傲嬌受要欲拒還迎嘅，而另外一pair就忠犬攻X倔強受玩反差嘅。希望中到唔到人嘅口味。 話咁快就到咗第一晚嘅BL之夜。因為之前係Fb俾咗錢落廣告，呢個業界第一次搞嘅BL IN 牛郎店簡直係哄動左成個腐女界。加上黑澤呢個顏值，只係宣傳左一日，黑安呢pair第一晚嘅預約就已經滿晒。安達好聽話咁早咗半個鐘落鋪頭。其他今晚唔上場嘅牛郎都要落嚟執頭執尾。見住其他同事做緊以前自己做嘅嘢，個感覺真係好奇怪。
當安達怕怕醜醜咁坐咗上黑澤個大脾度，在場嘅姨母都興奮到要吸哂氧跳哂舞，而呢個舞台嘅環節就係可以課金買唔同pose嘅親簽生寫真，如果比夠一定嘅錢仲可以指定埋pose添，啲姨姨姐姐梗係個個拎張魔法卡出嚟shut up and take my money啦。 首先就嚟5個普通嘅情侶pose先：搖搖抱、從後抱、拖手仔、安達依偎住黑澤嘅心口同埋最後鼻尖碰鼻尖，在場嘅氣溫更加變得熱辣辣，果啲「咀佢！咀佢！」「摸佢！摸佢！」嘅聲此起彼落，然後突然有個名流闊太就大聲叫「嚟！大家係咪想睇佢哋除褲？我可以比多啲錢叫佢哋除！」
安達清，同黑澤同期入豐川牛郎店做嘢，個人怕怕羞羞咁，做咗好耐好耐下手位，即係暖場呀倒酒個啲啦，呢行啲人經常轉工，就算佢冇乜客但佢好熟點樣run間鋪，所以佢晌呢度都係不可或缺嘅存在
接龍收人完成！人數6名
次序 Ru＞ 青柳小雅子而家想做小澤個煲 ＞ Aki🍒 ＞ floatingshuk ＞ ☆流星☆🐥👑 ＞ 於一🍒
“hot in service"
又迎接新嘅一日喇
「各位同事，呢個星期就月底咧，啲女都開始出糧，睇吓邊個今晚開到dom perignon就可以上到每周之星架啦！大家努力啲個個爆數……」
老闆嘅心靈訓話真係日日都一樣，真係聽到厭哂，但今日唔知點解講完尋日嘅今日之星之後，老闆又發表偉論…
「不過咁，由下個月開始，黑澤條數唔計入個表度……」
老闆咁樣講完大家都驚訝到嘩哂出嚟！梗係啦，黑澤優一係hot in service 皇牌中嘅皇牌，佢做牛郎做到上電視，仲出埋書添，但佢唔係個種睇落油淋淋嘴好甜嘅男人，而係有種成熟知性嘅魅力，敢寫包單，如果俾佢望吓都會懷孕，全球嘅生育率應該會直線上升，佢就係一個咁痴線嘅存在…個消息令到大家都好緊張，以為黑澤終於唔做呢度喇
「啊，真係好耀眼啊。」安達心諗。
介紹番，安達雖然都係Hot in Service 嘅staff，不過佢並唔係牛郎之一。佢純粹係一個打雜黎架啫。平時就係幫手斟下酒，抹下枱咁。佢自問自己個樣又平凡又唔靚仔，又唔中意同人地講嘢，所以佢覺得佢班同事們真係好厲害。唔單只唔怕同班女人講嘢，仲可以哄到佢地貼貼服服咁。
「好，咁冇乜事大家可以散會啦。」老闆終於完結左呢段無聊嘅對話：「安達啊，你因間留一留低啊。」
「安達啊？我都唔同你兜圈啦。我地會由下個星期開始每逢星期三都搞BL之夜！」老闆開門見山：「我一直都覺得你好有potential ，所以我想藉呢個機會比你加入牛郎嘅團隊。如果你ok嘅，我會安排你part住黑澤上。」
老細都未等安達講嘢，拍左佢膊頭一下就走咗。淨返安達一個仲驚訝緊頭先發生咗咩事。「WHAT？佢講緊乜嘢？乜撚野係BL之夜？我要做牛郎？黑人問號？？？？？？？？」
就係安達未回過神來嘅時候，黑澤突然間係後面，鬼鬼鼠鼠咁出現咗。
「⋯喂！」「嘩！！！」
「你好啊安達」「Hi...」
「我哋由聽日開始就part住上啦喎，多多關照啦」
「其實⋯其實⋯我⋯我未⋯」
「唔使咁緊張喎，有我帶住你，雖然係做牛郎，但係B L之夜，其實你就咁坐喺度得㗎啦，其他我做晒」
「但係⋯」
「如果你咁驚，不如我今晚同你練習吓？」
估唔到長期指名no.1嘅黑澤咁Nice...以前安達只係喺佢後面執頭執尾，從來冇機會同過佢相處。 「好⋯好啊，如果你方便嘅話⋯」 「方便」黑澤可能覺得太熱，扯左一扯條呔。 「去我屋企吖」
哇！Hot in service 皇牌Kurosawa 新書今日出版啊啊啊啊！！！！咩話！！買5本可以抽獎簽名相一張！！！！！即買！！！take my money ！！！！
(2日後）
本書真係好精彩丫！！！等我寫書評話比大家知到底有幾勵志！有幾傳奇先！！
黑澤飲咗酒唔方便開車，嚮樓下截咗部的士，安達好乖甘跟咗上去。
「其實呢…我都仲唔係好明…點解腦細會做甘嘅決定。」安達扣好個安全帶，想問多啲內幕消息，黑澤順勢將手搭佢脖頭。
「啦，你睇下，BL市場一向雷聲大雨點細，趁歌舞伎町未興起依個潮流，我地要做就要做第一個。而且我地兩個打孖上炒cp，開嘅就唔止係一枝酒，要開就跟住個package開。老細有預感到時會有大批新顧客為咗睇我地互動而入鋪頭消費。」
「黑澤你分析得好岩果然係我地鋪頭最top嫁。」黑澤忍唔住摸咗摸安達塊面。
「我相信你會係我嘅最佳拍檔。」
「最…最佳?」
「我有一直留意你。你放心我實睇實你。」
私人公寓一個住真係好鬼大，明明大家都係同期入行，但係黑澤憑佢靚仔嘅外表加三寸不爛之舌就做到家大業大，而佢仲住在出租屋。
「打攪曬。」安達除咗鞋換咗對家居鞋，離開玄關無耐就被黑澤突然間抓住佢貼埋道墻，一手拍過去，完成咗一個行雲流水嘅壁咚。
「?????」安達即刻feel到腎上腺素急升，塊面當場熱辣辣。
「嗯，反應好好，記得保持。啲客實鐘意你嘅單純樣。」黑澤跟住又好似無事人甘，但佢拖住安達入客廳。
「誒????」乜宜家就已經開始教野啦。
「你要習慣我會嚮BL夜對你做親暱野，但千企唔好拒絕，欲拒還迎唔係我地依pair嘅路線。」
「甘我地依pair係咩?」
所以個設定又幾似佢哋個人物性格嘅，但走呢啲路線真係會有人like嘅咩，呢個世界真係奇奇怪怪，一直係青頭仔嘅自己真係識條鐵，如果唔係牛郎店就算係做打雜人工高過出面，又有啲姐姐姨姨會無啦啦比好多tips，自己覺得同呢個牛郎嘅世界格格不入，但而家竟然就有個咁嘅機會，又真係會想試下嘅，對方又係黑澤。
講真黑澤真係天生食呢行飯，靚仔有型又有口技...口技係指識冧客人開心啦，又長期男性賀爾蒙爆發啲man味真係...就算男人都覺得會暈車浪，頭先咁樣比佢壁咚真係好熱...咦...點解我會面紅同好熱，唔通我對黑澤咁快就...
安達拍一拍自己塊面想等自己清醒下，但黑澤竟然突然之間行埋嚟嘴咗自己額頭一下，啊啊啊啊救命。
「所以我叫你上嚟就係想我哋互相適應下對方，同埋做多啲練習，你當係練習下我哋如果當對方係情侶咁，就好似而家咁。」
講完黑澤又推安達落梳化壓住佢，用住極具侵略性嘅眼神好挑逗望住佢，行內稱呢啲為eye fucking，然後又解開佢件恤衫上面啲鈕...
當黑澤除到第三粒鈕個陣，係梳化縮無可縮嘅安達手都震晒咁撳住咗黑澤嘅手。
「其實我咁大個人都未拍過拖，情侶應該係點樣我唔係好識點做，我哋係咪要......」
安達完全唔敢同黑澤對望，佢索性拎轉頭扮鴕鳥躲避黑澤灼熱嘅視線，黑澤望住佢個樣就好似用眼神一層層剝開自己件衫咁，再望過去真係怕黑澤生吞到渣都無得剩呀。
黑澤咦咗聲坐返起身，安達趁機坐到梳化另外一邊扣返粒鈕，好似受驚嘅小動物咁縮埋一二角。
「老細又係嘅，又唔講聲先。拿安達我問清楚你，你想唔想做先，真係唔想嘅話唔駛夾硬架喎。我可以同老細講番唔駛擔心。」
「我，我OK架，老細話試下逢星期三淨係同你part就得，加上我又唔係好識氹女仔咁。」安達越講越細聲，黑澤饒有興味咁望住佢，最後都係點咗頭。
「放心，我唔會真係對你做你諗緊個啲嘢嘅，做下樣啲客應該就會收貨架啦。」
黑澤陰陰嘴咁笑咗一下，「啲客仔諗住開多兩支香檳就可以起哄叫我哋嘴呀？發夢就有份。」
佢點下安達驚訝到擘大咗嘅口，「你個初吻就畀你留返俾你鍾意嘅女仔啦，我陣間教下你點樣借位咀。」
培養親密感嘅第一堂，就係撫摸，擁抱同拖手。
黑澤拖住安達企係望到港區無敵海景嘅落地窗前面，攬住佢睇住魚肚白慢慢被一片金色渲染嘅繁華東京，佢哋近乎跳慢舞咁小幅度搖晃，安達亦都逐漸放鬆個人融入黑澤嘅擁抱。
「而家你試下面向我，攬住我，試下挨個頭落嚟吖。」「哦，好。」
「放鬆啲，你唔敢掂我就試下扯住我件衫，我哋係情侶嚟架嘛，想像好似頭先我攬住你咁。」
之後黑澤感覺到有隻手仔怯怯地咁扯住自己嘅背脊，安達塊面係自己膊頭捽咗幾嘢咁。
「唔，安達做得好好。記住你做返自己就得，啲粗重嘢留返我嚟，你唔好一嘢推開我就得架啦。」
「哦......」
「啲客嚟今晚個event不外乎都係睇我哋依泣比佢哋ff，做我哋呢行就係盡可能滿足客仔嘅幻想。」
「所以你要預咗，」黑澤突然雙手摸落安達條腰令到安達差啲嗌出聲，「我會對你做啲令佢哋turn on嘅嘢，好似咁樣」黑澤對手更加向上掃過安達嘅胸前，由於老細吩咐落受會接受攻方做嘅嘢，安達只係伸手摸著黑澤嘅手，塊面仔就谷到紅晒。
「安達嘅反應好好，啲客應該會好鍾意。為咗逼真啲，我唔會話定你知我要做啲咩，如果你真係唔得嘅話就係我耳邊細細聲話你要飲酒，咁我就會停。」
安達聽完黑澤粗略講解咗一次都係一知半解咁，佢索性同黑澤講不如佢哋唔好咁煩真嘴算數，點知黑澤苦笑咗一聲。
「你又唔係我哋，你遲啲就會後悔架啦。仲有，今次係打茄輪下次就剝衫再下次打真軍點算？個客話要開晒全場啲酒係咪咩都做比佢睇？come on，得唔到嘅先至係最貴，佢哋越想睇我哋嘴，我哋就越要吊佢哋癮，咁啲客先會返轉頭求我哋架傻豬仔。」
黑澤叫安達睇佢做一次先，首先係由黑澤打開隻手遮住兩個人個嘴，要嘴嘅時候黑澤會用手指細細力比暗號，實際上黑澤會嘴落自己隻手度，到時安達只要扮個enjoy肉緊樣就ok。
跟住黑澤竟然拎個腳架set咗部電話拍片，要實際演練一次試下效果喎。
安達面對面咁騎係黑澤身上，跟住黑澤隻大手一嘢就捧住安達塊面，另一隻手托住安達後尾枕，安達感覺到手指刮咗一下就合埋眼啜起個面珠，好似黑澤講咁放鬆由得黑澤帶住自己郁嚟郁去。
混合住酒味嘅濕熱氣息係咁噴落塊面度，黑澤嘴落自己虎口嘅啜啜聲極度逼真，隨時會嘴落嚟嘅距離令到安達想縮，但係黑澤更加絕妙咁㩒實佢嘅後尾枕又維持唔會真係掂到嘅距離。
佢哋終於分開個陣，安達覺得自己好似打咗個真嘅茄輪一樣回唔到氣。
「你返去休息下，我哋開舖之前早半個鐘返去熱身啦。」
仲未回番條氣成個人紅卜卜嘅安達接過黑澤塞比佢嘅超額的士錢兼OT錢，就睇住打喊露嘅黑澤送佢出門口。
直到上的士坐低，安達都仲係好疑惑，疑惑啱啱所發生嘅一切同埋未知嘅今晚。
個晚發生嘅事佢仲好記得，如果冇黑澤，可能佢已經唔再係hot in service員工
安達情感上好想反抗推開佢，但細膽嘅佢一諗到如果推開呢個女人佢就會冇左份工…晌呢個時候，坐佢旁邊同另一個客傾緊計嘅黑澤突然就拎住支酒企左上台度，然後就晌台上面好似行貓步咁行左去騷擾緊安達個位女人個邊，再晌佢面前大叫「我依家要一野隊哂支酒」跟手佢就好豪邁咁成支酒拎晌空中直接倒入自己個嘴，好明顯黑澤呢個時候已經醉左，佢搖下搖下咁潑到D酒周圍都係，場內女士都俾佢搞到興烚烚！
安達送走左佢之後立即鬆一口氣，然後就衝左入廁所嘔…
剛才俾個女人騷擾既情境晌佢個腦中不斷重現…個女人身上濃烈嘅香水味令佢更加嘔多兩錢重…
佢抱住個廁所嘔左好耐，直到佢將個胃所有野都嘔哂出黎個陣…佢終於忍唔住爆喊左出黎
晌呢件事之後，公司就冇咩俾佢再接待客人
通常咁既狀況下，其他人都會因為人工低而辭工，但安達似乎唔係好介意個人工
既然公司真係需要人做打雜，咁有人肯做當然就冇理由炒左佢，於是安達就順理成章咁留左晌hot in service幾年啦。
望住呢個訊息既佢突然間覺得…頭先黑澤對佢做既野佢全部都唔討厭…而且…佢仲有D在意黑澤點諗添，公司突然將佢抽返出黎做接客係咩原因呢？點解最爆數既牛郎要同佢呢D地底泥組CＰ呢?
送走左安達之後，黑澤拉埋窗簾遮住左外面耀眼嘅陽光。佢揀左一隻黑膠唱片放左喺唱盤上面。隨住黑膠唱片緩緩轉動，黑澤諗番起佢初入行嗰陣。
I fall in love too easily
I fall in love too fast
I fall in love too terribly hard
For love to ever last...
黑澤一路行下行下，咁啱就行到去歌舞伎町街。抬頭見到一張巨型嘅牛郎廣告，佢突然間諗：咁既然我個樣係咁，不如我索性加入牛郎嘅行列啦。只要我融入佢哋，咁我就唔會係突出嘅一個啦。就係咁，佢無啦啦就決定左入行。一開始嗰陣，佢依然對呢件事耿耿於懷，所以佢每晚都靠接客同酒精麻醉自己。
有一晚...
「客人你唔好咁啦...」
「嘿，小dee dee 你咁怕羞嘅，真係好可愛啊。」
「唔...唔好啦...」
黑澤呢個時候已經係半醉嘅狀態。佢望住隔離枱嘅同事，好似叫咩安...達？佢唔係打雜架咋咩？點解個客會係咁摸佢嘅？
黑澤突然間覺得好嬲。佢都唔知自己嬲乜，不過反正就係好睇唔過眼個女人咁對安達。又或者係佢諗起左當年比老闆娘抽水嘅自己？黑澤藉住醉意企左上枱，淋到個女人成身都係酒，就咁擊退左個女人。
「嘿嘿，八婆你走啦～」黑澤心諗。之後佢就番番去繼續serve客。
忙左成晚終於到落場時間。黑澤今晚比起平時醉好多。佢有啲唔舒服咁攤左喺張梳化度。呢個時候，佢朦朦朧朧咁感受到有人幫佢敷左條熱毛巾。
「多謝你啊，黑澤...」
嗯...好溫暖嘅感覺...
「黑澤啊，我地黎緊搞BL之夜，你想part邊個啊？」
「安達。」
話咁快就到咗第一晚嘅BL之夜。因為之前係Fb俾咗錢落廣告，呢個業界第一次搞嘅BL IN 牛郎店簡直係哄動左成個腐女界。加上黑澤呢個顏值，只係宣傳左一日，黑安呢pair第一晚嘅預約就已經滿晒。安達好聽話咁早咗半個鐘落鋪頭。其他今晚唔上場嘅牛郎都要落嚟執頭執尾。見住其他同事做緊以前自己做嘅嘢，個感覺真係好奇怪。
「安達你嚟啦？」「Hello..」
明明安達仲未消化到琴晚嘅尷尬互動，但只係隔咗大半日佢哋又要見啦。黑澤掃視咗安達全身上下一眼，就行過去佢到。安達仲以為佢又唔知想做咩，嚇到退後左幾步。點知黑澤只係過去幫佢掹吓件西裝。
「唔好咁緊張，你驚我真係會食咗你咩」
黑澤一路整好佢個衫袖一路講。
「你冇一件啱身啲嘅西裝咩？」
的確，安達著緊個件西裝已經係唔知幾多年前買，仲要係嗰陣貪平所以買咗大一個size，搞到個膊頭完全唔啱位，好似偷咗老竇件西裝黎着咁。
「我⋯冇啊⋯咁我平時返工又唔使着⋯呢件係好耐以前買落傍身㗎咋⋯」
安達細細聲有啲怕醜。黑澤見無論點幫佢整，睇落都係好唔啱身，就放棄咗。佢又轉戰摸去安達個頭。
「安達我同你講」黑澤雙手搭住安達嘅膊頭，要佢望實自己。
「半個鐘之後我就係你男朋友。我好愛你，你都好愛我，知唔知？」
「⋯嗯⋯！」
「拍拖之後一排唔會再叫姓㗎啦。為咗再sweet啲，我哋一陣叫名好冇啊？清清？」
WTF清清⋯安達真係第一次聽到有人咁叫自己⋯差啲想嘔⋯連阿爸阿媽都冇叫過自己做清清啊大佬。但係而家為咗份工，冇辦法啦。安達塊面紅晒咁樣噏左幾下頭。佢覺得自己已經無辦法再直視黑澤啦⋯一陣間都唔知點算。
「咁清清你叫我優一啦好冇？」
要叫一個啱啱先熟悉左一日嘅人嘅名真係好高難度。安達唯有逼自己打破心理關口。
「優⋯優⋯優一⋯」
「我聽唔到喎」
「優一⋯」
「如果清清唔想叫優一不如就咁叫我bb？」
「呃⋯優一！」
屌佢啦bb仲羞恥啊！呢句即刻就逼到安達大大聲叫咗黑澤個名出嚟。黑澤好滿意。佢好似琴晚喺屋企咁攬住安達。
「一陣你唔駛擔心啲咩。無論發生啲咩事，我都會保護你㗎。」
可能係因為就嚟上場，本身仲好僵硬嘅安達聽到呢句就好似打咗一支強心針咁，好有安全感。佢跟住黑澤教佢嘅姿勢，用手扯住黑澤件衫，安心咁樣融入到黑澤嘅懷抱入邊。 「嗯」
黑安依對，因黑澤嘅名氣，今晚被安排到鋪頭中心地帶。沙發同酒檯被設成一個回字，置中被安排咗個小型嘅旋轉舞台，上面會有樣傢私由當場參與女士票選，每一場嘅選項都有所唔同。
上場當選嘅傢私，係蛋椅。
穿住修身西裝嘅黑澤拖住怕羞仔安達入場，黑澤霸總嘅眼神加小奶狗職員安達嘅緊張。一入場就俘虜咗腐女們嘅芳心。
黑澤好有風度帶住安達繞場一周同各位小姐打咗聲招呼。
「晚上好。我係黑澤優一，依個係我嘅男朋友安達清。」等黑澤講完依句之後，安達紅曬塊面回應返，「係，優…優一佢係我男友。」
其中一圍同黑安握完手後激動到叫出來嘅金主姐妹團，即嚮ipad落order叫咗香檳塔。
黑澤捏咗下安達個手仔，用金主聽到嘅聲音，「清清快啲多謝姐姐啦。」
「叫清清好sweet啊啊啊」其中一個金主激動甘搖對面條女嘅脖頭。
「我唔得啦，等陣要繼續課!課爆!」
「姐姐錫曬你地下。」大方得體嘅靚女金主笑住回應。
「多…多謝…姐姐。」安達之前都未試過一開場就香檳塔嘅待遇，見到成堆杯山被車仔推入來，嚇到條脷講野都窒窒下。
「清清怕羞仔，唔好意思。」黑澤輕輕地滅咗安達塊面，安達下意識掂咗上去，沒推開，二人對上視線。
「講好咗今日見人要大膽啲嘛，清清。」
「第一場唔習慣。」
「之前幫襯過黑澤，真係第一次見佢甘岩做爹系男友囉!」有圍檯個客同姐妹話口未完，下一秒只見黑澤拉住安達嘅手將對方納入懷抱，攬實安達幫佢背脊掃風，引爆全場9叫。
「唔洗驚。」
安達沒忘記黑澤教誨，佢輕輕地踮起腳尖，抓住對方后頸嘅西裝，黑澤感受到佢嘅反應，露出寵溺嘅笑容攬實安達來咗個搖搖抱。
所有姐妹們毫不猶豫即場使用入場附贈嘅100oz氧氣樽吸氧並感受美好時刻。而有錢果班甚至出到聲。
「買! 同我再落order買多兩支瑞士山區肺打底!!免費完全唔夠用囉!!!搞唔掂!!甜到我快癡線!」
在大家一輪喪嗨之後，黑澤帶住安達來開香檳。
「多謝大家今日來參與我同清清嘅拍拖紀念日。」
『拍拖紀念日???喂大佬你沒劇本嘅?』但安達都好配合甘搭上黑澤嘅手兩個一齊開個香檳。
「yahoooooooooooo」
「恭喜你地啊啊啊啊!!!」
而唔知係邊個突然出聲慫恿。
「不如你地結婚啦!!!」
「我可以出錢幫你地籌劃婚禮嫁!!!」
「結婚!結婚!結婚!結婚!結婚!」全場起哄。
「阿???? 黑……優…優一，佢地玩甘大點算好?」安達扯咗扯黑澤衫尾，跟住咬耳仔，黑澤聽到安達轉咗個稱呼都好滿意，佢處變不驚，貼心甘將杯香檳先比安達，再拿埋自己果杯。
安達個諗法好簡單，比各位姐姐第一場叫話要結婚?下一場咪要上床?
「多謝大家。清清同我先岩岩開始咗冇耐，除左今日，希望你地可以繼續見證住我地嘅感情發展。」
「呃……」面對一眾姨母期待嘅眼神。安達隻腳騰騰震，死就死啦!
「我…同優一…多謝…各位姐姐來飲…我地餐酒!」安達嘅答案取悅咗當場所有姨母，飲你地餐酒，同擺酒有乜分別哦!!!
「喂啊!同我課爆今日黑安張香檳塔相啊啊!」
「咩話!居然係抽相!」
「抽到咩啊你!」
「哇啊啊，我抽到優一對清清一邊wink一邊倒酒啊，我可以俾埋條命佢啊。」 而現場各位姨母激烈嚮ipad課金抽相，黑澤則坐上咗舞台嘅蛋椅，跟住對安達勾勾手指，拍咗下自己嘅大脾。
「清清，過來坐啊。」安達拿住杯香檳慢吞吞移動過去。
「想…想我點坐啊?」
「你想打側坐好啊，定想坐我中間?」黑澤露出閃亮嘅笑容。
「打側坐!」安達又唔可以拒絕，又唔想坐到黑澤嘅大支野上面，打側坐睇來係最安全!
首先就嚟5個普通嘅情侶pose先：搖搖抱、從後抱、拖手仔、安達依偎住黑澤嘅心口同埋最後鼻尖碰鼻尖，在場嘅氣溫更加變得熱辣辣，果啲「咀佢！咀佢！」「摸佢！摸佢！」嘅聲此起彼落，然後突然有個名流闊太就大聲叫「嚟！大家係咪想睇佢哋除褲？我可以比多啲錢叫佢哋除！」
現場起哄聲更加激烈，但實際上BL之夜並唔會係客人有錢就會隨便除褲，所以老闆都出嚟解釋返。
「專貴嘅lady，多謝你鍾意我哋黑澤同安達呀，但呢佢哋都係賣藝不賣身嫁，希望你比啲空間佢哋，暫時唔好要佢哋做啲咁情色嘅動作啦。」
「車！咁呀，咁玩濕身得啦掛？我想黑澤倒啲香檳落安達BB度整到佢濕哂呀！姊妹們！你哋想唔想睇呀？」
「啊啊啊啊好呀！濕哂正呀！」
「濕哂可唔可以舐乾淨佢嫁！？」
睇嚟班餓狼姐姐姨姨都無咁容易滿足到...
遠處嘅老闆向黑澤打咗個眼色就轉身返入天鵝絨布幕後面，黑澤細細聲嘆咗口氣就一手摸住安達後尾枕壓佢埋嚟答佢。
「無計，而家唯有要比少少甜頭佢哋，我哋先帶得返個節奏架啦。」
黑澤舉杯乾咗自己杯香檳就將空杯擺係凳旁邊嘅茶几，一眾女士望住黑澤岳高頭伸展條頸飲嘢個陣上下移動嘅性感喉核眼都凸埋。
頭先同客敬酒都飲咗幾杯嘅安達覺得酒氣開始上湧，一道熱氣谷上塊面令佢覺得着住全套返工西裝有啲翳焗，佢一手扯鬆自己條呔兼開咗幾粒鈕露出埋打底嘅白背心，結果班姐姐嗌得更加聲嘶力竭，尖叫震到隔離嘅couple都停一停望住佢哋。
「除衫！除衫！除衫！」
「清清開晒啲鈕陣間凍親點算？我會心痛架嘛。」敬業咁扮演一個爹系男友嘅黑澤好似湊仔咁皺著眉氹住已經有啲醉意嘅安達，始終都係唔夠經驗，上半場都未完已經醉咗，睇嚟要教埋安達開工點飲酒先得......
黑澤見啲觀眾表情好似幾滿意又冇再嗌佢哋除衫除褲，鬆咗一口氣輕輕鬆鬆又一鐘。秘密武器又可以留返之後先用唔使咁快使出嚟，佢望一望台上面嘅沙漏都漏得七七八八就開始準備呢個session嘅埋尾。
按開工之前傾好嘅暗號，黑澤係有所動作之前輕力揸一揸安達條腰比signal佢準備，係安達耳邊細聲到氣音咁比提示之後，黑澤就低頭係安達鎖骨對下位置隔住恤衫繾綣咁連續錫咗幾啖。
「啊......」
少少水聲之後係玻璃杯落地碎開嘅清脆響聲，唔記得擺低手入面杯酒先，仲失手打瀉埋嘅安達呆咗咁望住同樣見到呢幕呆咗無聲嘅觀眾姐姐們，佢低頭先見到自己西裝褲腳濕咗一大撻仲滴緊水，抬頭向黑澤求救個陣見到黑澤已經翕咗工作人員埋嚟掃地。
「唔好郁，等我幫你。」安達掙扎著想起身個陣比黑澤撳住條腰阻止，黑澤俾咗個眼神佢就接過工作人員遞過嚟嘅白毛巾，抬高佢對腳溫柔咁幫佢印乾淨褲上面嘅酒。
「喂呀唔好啦，好污糟呀......」縮係凳上面幾乎比黑澤攬住摺到成個人變V字嘅安達無處可逃，只可以任由黑澤幫佢清理，有人捉住自己腳板酥酥麻麻嘅感覺好奇怪，搞到安達嘅腳尖咪起又挫返低，郁吓郁吓連另一隻腳嘅鞋都應聲落地，呢一刻先聽到女士們倒抽一口呼吸嘅聲此起彼落，黑澤呢個時候先滿意咁笑咗起嚟。
「我嘅清清又點會污糟呢，再污糟啲我都見過啦。」安達唔識點答佢就將個熱到出煙嘅頭埋咗落黑澤心口。
「好啦各位，我哋去換件衫先，等陣下個session再見大家啦。清清嚟講bye bye？」
安達伸手出嚟怕醜咁揮咗兩下手細細聲咁講bye bye，跟住黑澤就講咗句令安達想大嗌佢要飲酒嘅嘢。
「攬實啦，我要抱起你啦。」
「我想飲...」
「唔得喎，最後啦頂埋佢好快。」
安達都未夠快抗議，黑澤就一嘢公主抱起佢，係全場客人嘅尖叫同拍手聲入面穿過天鵝絨布幕返返入休息室。
枱上面嘅沙漏啱啱好漏下最後一粒砂，一對皮鞋凌亂咁遺漏咗係空無一人嘅台上面，幾個金主姐姐難掩興奮拎住ipad狂督，係無牛郎陪飲嘅情況之下都翻兜咗座細香檳塔賀賀佢。
ＢＬ之夜只係過左一節，安達已經攰到好想收工，頭先所發生既野一D都唔似過左一個鐘，而係非常漫長，佢記得返哂頭先黑澤做既任何野…
就算依家已經入左休息室，佢個心仔都仲係跳得好快
佢完全唔知道呢樣野係叫做心動。
剛才其實佢飲得唔算多酒，但佢平常只係一個後勤人員，基本上係唔需要（亦都唔駛）飲既，今晚呢個鐘飲既酒已經爆哂佢平時Quota。當佢坐定左之後，Ｄ酒氣開始攻上黎，佢個人開始有D暈…
個人一醉Ｄ負面情緒就開始浮出黎
諗到呢度，佢Ｄ眼淚就唔知點解好唔爭氣咁流左出黎
見到呢個情景既黑澤都嚇親…唔通頭先發生既事令佢諗起D咩？定係…安達真係接受唔到同自己一齊?
「安達你冇野嘛」黑澤故作陣定咁坐埋佢旁邊問，當當地機既安達先至醒起自己未收工！然後立即扮無野咁用手擦乾自己Ｄ眼淚，但隨即就俾黑澤阻止左。
「你咁樣擦對眼會腫架…我幫你啦…」
黑澤就好溫柔咁拎左濕紙巾幫佢印乾D眼淚…「做咩事喊呀…」印緊個陣，黑澤好似氹細路仔咁好溫柔咁問…
安達真係唔想講，但係呢個工作係兩個人既事，佢唔可以因為自己細膽懦弱就向後縮，佢猶疑左一陣之後都係決定同黑澤講返覺得自己頭先表現唔好同俾Ｄ姐姐嚇親。
「點解你會咁覺得？」黑澤知道好多人都好仰慕佢但同時想佢死既人仲多，同事之間其實好少聽到人地咁讚對方，而且佢聽得出呢句說話係出自佢既真心話。
「因為…你真係好犀利…D姐姐好恐怖呀…點解你可以咁輕鬆咁應付佢地，而我只係做個小小野就嚇到縮埋哂…真係好廢」
「傻仔黎既，你頭先表現得好好呀，要你配合我做既野都做到，而且倒潟酒既即興演出都好正呀！冇你我根本做唔到今晚場表演」
「再講丫，你唔識應付佢地好正常既，個D平時都係我既客，我當然知要做D咩先令佢地開心係咪，所以一陣個場你就照頭先咁樣就得架啦，你真係得架，我澤少講既野從來唔會錯」
真係好俾到信心安達…
「時間差唔多啦，你不如食小小野之後再食埋解酒藥啦，我見你唔係好飲得，你係咪冇打定底呀？」
「真係冇呀！今日起身太晏差D遲到，所以咩都冇食過呀…」
「嘩今晚咁正既竟然係叙々苑便當！嘩嘩嘩！好香呀！」
安達見到個便當雙眼發哂光咁立即開餐，叙々苑既便當晌呢度從來都係高級員工先有得食既野黎
「唔！唔馬！我做咁耐都係第一次食到炸！！真係好香好好味呀！」
「你鐘意食不如食埋我個個啦？」黑澤每次睇到安達食野個開心樣都睇唔厭，點解佢可以咁可愛？
「我食左D野依家未餓，你食啦」
「咁我唔客氣架啦！」
拎到兩個叙々苑便當既安達開心到坐晌度都彈下彈下，每吞一啖飯都感動到不得了。
而睇住安達咁樣既黑澤只係希望會做出咁可愛表情既安達永遠屬於佢。
一路以黎佢咁努力就係為左有能力可以令自己同安達更進一步，而依家咁大個機會擺晌佢面前，佢一定要好好把握先得。
「係呢，頭先你講話差D遲到，咁樣對大家都唔係咁好，不如咁啦…你要唔要搬去我度住？」
「欸？」安達都仲未吞完佢上一啖飯，兩邊面塞滿左好似隻倉鼠仔咁。佢突然聽到黑澤咁講差啲啃親。「但係我冇錢比租喎...」
「傻啦，我點會叫安達你比租啊？」黑澤好順手咁拎起左張紙巾幫安達抹一抹個嘴仔：「係我主動叫你過嚟陪我住架嘛。」
「但係.....咁樣我唔好意思.....」安達塊面又開始紅。不過佢都分唔清自己到底係因為黑澤幫佢抹嘴定係叫佢一齊住而心跳加速。
「唔洗同我客氣喎。」黑澤又點會咁容易放棄啊：「你睇下，頭先我一part你咋，啲營業額即刻double 咁上啊，你咪當比我報答你囉。」
安達雖然食完個飯清醒左少少，不過啲酒氣其實都未完全過晒。佢聽黑澤講講下開始覺得有啲混亂：乜唔係佢幫我咩？我真係有幫到佢手咩？咦？到底係點呢？邊個幫邊個呢？欸？
「清？」黑達喺安達面前揮揮手：「諗緊咩啊？」
「下？我...」
「好唔好啊？好？拿，你唔反對即係應承架啦！」黑澤奸計得逞：「好！清清你ready 未啊？Ready 我地就出去下一場啦喎！」
「嗚.....」安達聽到又要去下一場真係好想將自己縮埋一嚿搵張枱底塞自己落去。
「放心啦清清，唔洗驚架。」黑澤攬住安達：「我全程都會傍住你架。我唔會再比啲姐姐蝦你。」
「嗯！」安達都唔知點解，不過總之就係比黑澤攬住左就覺得有種好安心嘅感覺....但係.... 有啲臭... 好似有陣...老鬼婆嘅味道... 佢好努力咁忍住左唔打乞嗤。
「好啦，我地真係要出去啦。」黑澤放開安達之後向佢伸出手：「拖住我隻手就唔會怕架啦。」
澤少拖住怕怕羞羞嘅清清出場嗰下即刻全場女士瘋狂尖叫。雖然宜家只係BL之夜嘅第二場，不過經過頭先第一場之後有關黑澤同安達呢對cp 嘅消息已經傳開左。甚至有不少參加完第一場嘅太太已經po左啲相啊，周邊嗰啲上網，所以大家對第二場嘅期待程度簡直係直線上升啊！
「佢地拖住手啊！好萌啊！」
「咀佢啦咀佢啦！」
「大家好啊。我係黑澤優一。」黑澤禮貌上都會同班金主姐姐介紹番自己。佢講完之後望住安達：「清清啊，不如你都同班姐姐介紹下你自己？」
「我......」安達塊面紅到成個蕃茄咁：「我叫安達清.... 係優一佢嘅....男....男朋友....」
「哇啊啊啊啊！佢哋真係冇講錯啊！清清真係好可愛啊！」
「唔好講咁多嘢，同我開個香檳塔先！」
隨住台下面嘅金主姐姐越嚟越激動，黑澤就帶住安達坐低左喺台上面張梳化度。上一場當選嘅傢俬係蛋椅，而今場，係一張全黑嘅雙人真皮梳化。安達有少少拘謹咁坐咗喺張梳化上面，而黑澤就非常自然咁將隻手搭咗喺安達膊頭度。
「清清啊，你返咗一日工一定好辛苦啦。」黑澤寵溺咁望住安達，仲摸左摸佢啲頭髮：「你挨落我膊頭休息下。」
「救命啊！摸頭髮啊！」
「點解咁純情嘅畫面會搞到我想流鼻血嘅？」
「你老母啊！我個氧氣筒呢？我要order多幾個！」
「清清你放鬆自己得架啦。」黑澤細細聲喺安達耳邊講：「就當係坐喺屋企張梳化咁就得。」
「嗯......」安達又開始想縮埋一嚿，不過及時比黑澤阻止左。
「瞓大脾？！媽啊我要糖尿病發啦！」
「仲瞓？除衫啦！」
黑澤喺安達瞓左喺大脾之後繼續撫摸住佢嘅頭髮，然後順手拎起梳化邊嘅耳扒：「清清我幫你撩耳仔啊。你小心唔好亂郁啊。」
哇....好舒服啊.... 安達心諗。
雖然話係做比班金主姐姐睇，不過黑澤又真係好認真好小心咁幫安達開始撩耳仔。安達由一開始嘅身體緊崩開始慢慢放鬆。佢居然就咁樣默默瞓著左。
「清清，醒啦。」黑澤輕輕喺安達額頭落下一吻：「喺度瞓會凍親架。」
「嗚啊！黑澤真係好爹系啊！好sweet啊！」
「我要課金抽爆呢張相佢！鍚額頭啊啊啊！幾錢我都課啊!!!!!!!!!」
「哇！清清啱啱瞓醒個樣真係好可愛啊！」
「佢捽眼嗰下可愛到呢！」金主姐姐講完又深吸左一啖氧氣。
「清清啊，其實呢，今日姐姐仲準備左另外一樣野俾我哋玩喎。」
「下？」安達嚇一嚇，心諗仲有嘢玩？
黑澤招手示意工作人員幫佢拎下一件道具上台。安達見到一個紅色嘅長方形物體，仲寫住咩SuperMe咁完全唔知係咩嚟。佢心諗...死啦我要做咩啊....
「清清你快啲打開嚟睇吓啦！」
安達接過左呢舊不知名物體之後打開咗個蓋，點知佢一望入面居然係空嘅。佢向黑澤投以求救嘅眼神。
「你快啲show入面俾姐姐睇。」黑澤單左一下眼。雖然唔知乜黎，不過安達決定照做。
「射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！射佢！」
「清清你快啲試吓對住我撳下個制？」
「哦。」
安達呆呆咁撳左一下，即時大量銀紙漫天飛舞，仲要射到黑澤成身都係！
射唔到x，射鈔囉!!!我order嘅噴鈔機好嗨皮啊啊啊
安達終於記得，其實佢都係電視啲綜藝節目見過呢個玩具，但係人哋係用銀色假錢㗎嘛，邊個會真係用真錢㗎！果然有錢人嘅世界唔係凡人可以想像。係呢一刻，啲金色嘅銀錢隨住冷風好隨意咁樣，由黑澤頭頂漂落地下，成過過程好似仲隱約有啲金色閃粉夾雜住咁。黑澤仲趁住呢個機會擺咗幾個pose，畀隔離個攝影師chap幾張for抽相用。
「啊啊啊!!!清清射咗啊!!!!!」
「射到黑澤成身都係啊!!!!」
「相!!!!我要抽相!!!!!快撚啲畀部ipad我!!!!!!」
係金主姐姐嘅遍地哀號之下，安達望住啲真錢唔知飛唒去邊，然後又好多工作人員烏低身周圍執緊咁，突然間佢就唔好意思再繼續撳第二次。黑澤見佢停低唒咁就行咗埋嚟攬住佢條腰。
「清清？做咩呀？你再射吖？」
「呃⋯」
「你再唔射我就射你㗎啦？」
「清b再射黑澤啦!!!!!!!唔使驚!!!!!!!」
而家全世界都見到安達定咗格咁真係搞到佢周身唔聚財。見到啲姐姐仲起勢咁叫緊，佢唯有唉落黑澤膊頭，細細聲同佢講。
「優一⋯我⋯我唔想再射啦⋯啲staff執得咁辛苦⋯一陣啲錢sip咗落台下面執唔到咁點算呀⋯」
唔想再射嘅原因竟然係因為咁，黑澤都忍唔住因為呢個pure boi而真情流露咁笑咗出嚟。
「好啦，唔緊要」
佢順手就拎起埋安達手上無處安放嘅玩具，遞咗畀工作人員。
「唔好意思呀各位姐姐，清清頭先同我講佢有啲攰，唔想再射住啦，咁多位靚女介唔介意畀我bb抖一陣呀」
金主姐姐望住台上面安達真係皺皺地眉有少少眼瞓又委屈咁嘅樣，即刻就畀佢萌到不要不要。
「Awwwwww清清係咪攰啦，唔緊要啦訓落梳化抖一陣!!!!」
「清清同黑澤有冇野想飲呀!!!姐姐嗌畀你哋!!!」
黑澤當然唔會漏聽呢一句啦，個姐姐根本就係想送錢畀佢哋。所以黑澤拉反安達坐落梳化。
「嘩多謝姐姐先，我就想飲支靚香檳啦⋯清清你想飲咩？」
咁安達都唔係傻嘅，其實佢都知係呢個時候應該要話自己想飲香檳先知賺到錢。但係講真，頭先第一場已經飲到佢有小小想嘔，雖然中場休息個陣食咗藥，但係個胃好似唔係好吸收到咁，食完都仲係wing wing地。佢feel到如果再飲落去自己一定會係台上面嘔出嚟⋯佢唔想講大話，係呢個時候，佢只係想要一支普通嘅野飲。
「⋯橙汁⋯⋯」
「嗯？你講咩話？」
係大家期待嘅目光之下，安達鼓起勇氣，抬起頭，然後望住黑澤。
「橙汁⋯我想飲橙汁⋯！」
呢個答案令到全場人突然之間靜晒。連黑澤都好震驚咁望住佢。因為根本冇人expect過會有人斗膽喺牛郎店度叫橙汁嚟飲。咁樣同落club飲熱朱古力有咩分別先？但係呢句野由安達把口講出嚟實在係太可愛了⋯見黑澤望住自己唔講嘢，周圍啲姐姐又突然間冇再叫，安達仲以為自己講錯嘢，眼仔碌碌勁絕望咁望反黑澤想求救。
「咦⋯⋯優一⋯？我唔飲得橙汁咩⋯」
結果係黑澤又再一次畀安達可愛到笑出眼紋嘅嗰一下，全場金主亦都重新開始鳩叫。
「飲!!!!!!!!!畀清清飲!!!!」
「AHHHHHHHHH救命啊!!!人嚟!!!!出去同我買反十鳩廿樽FANTA 橙汁返嚟!!!!」
又一陣嘅騷亂過後，幾張台都已經各自叫咗兩到四個香檳塔，而黑澤同安達逐張枱敬完酒之後，就坐返上個台度。放喺黑澤面前嘅係香檳，而安達面前嘅，就係一杯橙汁，仲有支飲筒添。
「好啦，清清係咪好口渴喇，快啲飲啦」
其實安達都冇諗過真係有得飲，一開始只係因為唔想飲酒而9up下⋯但係既然而家都擺到係佢眼前。佢向前傾，拎住支飲筒係度啜咗兩啖入口。嘩！真係唔係講笑，唔通牛郎店連橙汁都好飲過人嘅？飲落真係好似一杯鮮榨橙汁咁甜。安達成世人都未飲過咁好飲嘅橙汁。終於，佢第一次係個台上面微笑咗出嚟。之後佢就feel到黑澤摸左一摸自己個頭。
「清清係咪覺得好好飲呢」
「好好飲啊！真係好甜呀」
「小心啲唔好倒瀉啊知唔知？」
「嗯！」
「我頂唔順啦!!!!老細同我出嚟!!!你講個數！我要開幾多個香檳塔先睇到佢哋錫錫！你同我講！！」
果不期然，呢位金主嘅建議令好多其他姐姐都一齊和議。
「啱啊！！嗌左咁多香檳，連餵清清飲酒都冇見過啊!!!」
「咪就係！用嘴餵!!!!」
「餵佢!!!!!我加開10個香檳塔!!!!!」
老細有小小驚恐咁樣匿埋咗喺後邊望住黑澤。雖然諗過班女會好候琴姐，冇諗過佢哋候琴到咁喎。不過黑澤好識做咁樣打咗個眼色俾老細叫佢放心，佢自有對策。
黑澤係呢一刻又推咗安達訓落梳化，而自己就成個人跪喺佢上邊。搞到安達真係爭啲就想講安全詞。
「餵酒就算啦，今日清清飲咗好多啦，再畀佢飲我心痛呀，餵橙汁好冇先」
根本餵乜嘢就唔係重點，只係單單黑澤壓住安達呢一個動作已經令到成班金主大為激動。又一次嘅尖叫聲來襲，黑澤用飲筒啜咗一啖橙汁含咗喺口，然之後用右手輕輕力揸住安達嘅雙頰，令到佢雙唇微張。
安達呢一下真係嚇死咁滯。之前只係夾好咗借位kiss咋喎!!!!餵野飲點搞呀!!!又唔跟劇本嚟嘅???但係安達又諗起喺休息室嗰陣黑澤話會保護自己，佢相信黑澤應該唔會真係鍚落嚟嘅⋯於是，係黑澤塊面同佢只係相差一厘米嘅時候，佢好緊張咁瞇埋咗眼睛。感受到黑澤嘅氣息越嚟越近，但係嘴唇就遲遲都未有任何觸感。黑澤一直烏低身，烏到去安達嘅耳邊。安達非常敏感地震左一下。
係耳仔邊，安達聽到一啲口水嘅玩弄聲，之後嘅就係啖水經過喉嚨然後終於吞咗嘅聲音。
最後，黑澤挨起返身，用一個姐姐都睇到嘅角度，對安達好淫咁樣舔左一下條利，仲發出一啲不必要嘅啜啜聲音。下面成班姐姐即刻尖叫到失聲咁滯。其實黑澤用咗一個特別嘅借位方法，靠住燈光同姿勢嘅配合，令到成件事似真似假。好似嘴左又好似冇嘴咁。明明安達就知道佢哋根本冇嘴到，但係塊面都係忍唔住紅到不行。
「點呀!!!究竟有冇嘴到㗎！！！」
「唔知啊!!!我呢個位見唔到添!!!!」
「嘴咗啦!!!!!你睇唔睇到清清幾咁怕羞仔啊!!!」
「嘴咗!!!!佢哋嘴咗啊!!!抽爆!!!」
「好啦同大家玩咗一日，我同清清都係時候返屋企瞓覺啦，各位姐姐下次再見」
安達亦都紅住塊面好配合咁樣講咗拜拜。唔知係咪已經有咗上一場嘅經驗，今次去到尾聲佢越嚟越順手。亦都冇反抗黑澤對佢嘅肢體接觸，由得黑澤拖住自己一齊行返去布簾後面，佢哋就咁消失咗係一片尖叫聲之中。
安達覺得見客真係好鬼攰，隨時要面對被玩殘嘅考驗，自問依三個幾鐘係佢打工仔生涯首次突破羞恥界限，下半場嘅尺度真係如果沒左黑澤，佢真係唔知自己夠唔夠膽再接job。
至於佢個初吻，有一下安達佢雖然相信黑澤唔會嘴落來，但如果真係錫埋來就咁沒左嘅話......佢都......接受到嘅... ...
黑澤家陣個樣真係好chill，依家佢真係人生贏家，有樓，有錢，最重要係有仔。清清個氣質溫潤如玉，依家香玉在懷，真係好想收工就做個斯文敗類，即刻就推倒清清，做埋啲為所欲為嘅野，咳，太過太過，會有嘅，連台上道具嘅option黑澤都可以提案，有咩play黑澤都可以有機會玩到，慢慢來，一步一步攻陷安達清。
「老細。」「... ...老細。」
「叫你地兩個夥拍真係明智。今晚個成績，黑澤你同安達攜手刷新本店最高消費紀錄，就你地一對cp首日出道已經有千萬收入！今晚香檳塔開成廿兩座咁多，我地成個酒庫啲香檳幾乎清空，我地啲sales臨時臨急仲要出外面買貨，連同啲相紙都要用埋隔離對cp啲庫存。網上啲熱評已經開始洗版，我地本身預備話做住3個月咁，依家你地兩個已經係full booking狀態，啲富婆叫緊encore，今晚只係碌卡都call左半打人來找錢。老細我十分睇好你地再創佳績，搾干每個禮拜三嘅歌舞伎町！」
安達聽到老闆一輪嘴機關槍個頭已經開始wing wing地，咩話，book到full曬？！
「多謝老細嘅全力支援嘅，有你睇場，我地先咁順利。」黑澤嘅場面話氹得老闆笑到咯咯聲。
「係咁嘅，我呢諗住可以傳授更多技巧比安達咁嘅，不過呢，你知啦，我地一個禮拜咁多日都返工咁，所以呢... ...」
「下？就咁咋，你地兩個依排一齊住咪方便囉，我最近期下先鬆左層複式出來，你地兩個搬入去住，方便黑澤教野囉。」
「欸欸欸欸？？」安達依下就真係酒醒曬。WTF，公司安排宿舍？真係要同居？？
跟著安達聽完老闆咁講，除咗驚訝到O咀之外都無其他嘢表達到，加上佢今日真係飲咗好多酒，真係開始有啲想暈。
「你哋會唔會想今晚就上去瞓嫁啦？我果間屋隨時ready~仲有張king size嘅雙人床，床褥我特登搵人訂好舒服嫁！仲防潮防蟲防震嫁！咦？安達仔係咪醉醉地想暈啦，我間屋近喎！」
喂阿老闆你咁極力喺度sell自己間屋嘅...
「老老老細，er唔係幾好既，今晚上去太急啦我都要執兩件衫既，生保床我要拎個枕頭去先訓得著架，周身酒氣咁臭親優...黑澤就唔好啦，黑澤，可？」
「我完全無問題架，間屋咁大。沖個涼咪唔臭囉。」黑澤聽到安達嚇到縮埋一舊，比老細逗兩逗連要訓自己枕頭先訓得着都講埋出黎，真係覺得佢真得黎好可愛。
「好好好，黑澤你點話點好啦，今日咁好成績聽日醒日假俾你哋去整下頭買下衫呀下。」
「多謝老細。」黑澤接過兩條鎖匙同兩張門禁卡就袋咗落衫袋，打開locker準備換衫收工。
「安達，你見點呀？洗唔洗去toilet劏下？會舒服啲架。」
「唔，唔駛，我訓低唞一陣就得架啦......」
不勝酒力嘅安達趁老細走咗即係拎起枱面支水狂灌，飲完就攤咗係梳化度等酒醒。一擘大眼佢就見到枱面擺住個背囊，換咗件白tee牛仔褲坐係化妝鏡前面睇緊書嘅黑澤。
「唔...黑澤？你仲未走嘅？嘩我訓咗幾耐...」見到安達掙扎住起身，黑澤即刻擺低本書走去梳化前面睇下安達點。
安達坐起身捽一捽眼，反應緩慢咁點點頭。「都五點等多陣我搭頭班地鐵返去啦，黑澤快啲返去瞓下。」
「你做咩咁傻仔呀，我送你搭的士啦，公司包架。」安達心諗搭地鐵咪可以慳返公司啲搭車津貼囉，果然係貧窮限制咗佢嘅想像力。
又啱嘅，平時出糧個信封厚到裝唔晒嘅黑澤，求其一個客開支靚酒嘅零頭都唔知夠佢幾多個月人工，又點會明吖。
腳步浮浮嘅安達開門上車同司機報咗地址之後，黑澤竟然逼入嚟同佢一齊坐，話唔放心要包底送佢返去。安達望住佢心諗，都收咗工啦唔洗咁入戲繼續當自己係真嘅男朋友咁錫住㗎喎。好似平時其他同事咁開工醉到一pat泥咁都係夾手夾腳托佢入的士已經仁至義盡，最多咪係佢銀包抽多兩張銀紙塞定比司機當預支清潔費。
「啊，唔係，你件衫無嘢......可能我太眼訓啫。」
呢個時候安達先定神望一望黑澤，上次去佢屋企果陣黑澤無換衫著住件deep V閃石恤衫就咁收工，今次算係見到佢真正嘅便服，一身睇唔出牌子嘅白tee同牛仔褲，只係條腰帶係周街都見嘅Dior，踩住對舊款波鞋，同開工嗰陣嘅反差令到安達有啲意外。
「黑澤睇落唔似做呢行嘅人呀。」「安達夠唔似囉，邊有人天生就睇落似做夜場架，哈哈。」
係hot in service做咗幾年打雜，男公關同事總係來來去去，本來個個都會聲稱係為咗賺學費呀，籌錢醫屋企人呀搵下快錢就走，每個禮拜現金出糧嘅紙醉金迷，豪客送嘅禮物令到好多人都慢慢沉淪，有啲人做做下就會消失。
最起碼啲公關同事都係周身慌死人唔知咁嘅名牌monogram，連返工淨係係休息室着嘅拖鞋都要係gucci，仲有聽講過一對名牌襪都要二千幾蚊，搞到安達個次斟酒差啲打瀉。唔識講嘢，連掂到人都唔太願意嘅安達，眼見同事咁樣完全無意欲搵大錢，有份穩定嘅人工得閒執下tips，起碼都係一個正社員吖係咪。
「收咗工，最緊要着得舒服，行咗出公司其實我都係普通人啫。我都唔會整個我係no.1嘅牌貼係額頭啦。」
「冇呀，見其他同事都周身名牌咁，估唔到黑澤搵咁多錢但係咁慳家。」
「我覺得衫著人，寧願人著衫，個人撐唔起件衫幾貴都無用.....啊sorry呀我唔係話緊你呀安達，唔好誤會。」
見到黑澤難得慌張嘅樣，安達笑咗出嚟。「又啱嘅，係黑澤咁嘅人先著咩都好睇。」
「我記得你應該係無興趣入行先留係度support架可，老細又話要一齊住影相個啲得閒應酬下佢當OT就得，唔駛咁認真，佢下個禮拜諗到啲咩新橋又唔記得架啦。」
安達諗一諗，而家有間免費宿舍慳番啲租，仲要複式咁大擺多張床絕對冇問題，黑澤份人又為佢著想咁紳士，其實都唔壞。
「如果係同黑澤嘅話......我唔討厭同黑澤一齊住呀。」
黑澤望住窗外景色飛馳嘅雙眼聽罷睜大咗唔止少少，唔通安達仲未酒醒？佢知唔知自己應承咗乜嘢？
「咁你訓醒同我講聲，我過嚟幫你車啲行李過去。順便帶你去買下衫啦，放心，我碌老細張卡嘅。」
「哦...好啦。」黑澤默默咁記低行車路線，佢搖低車窗目送安達行入佢個殘殘舊舊嘅apartment上樓，單位着起暖黃嘅燈先叫司機開車。
天光齊先梳洗好撻落床嘅安達唔知點解係難得嘅額外假期，訓咗幾個鐘就扎醒咗。望住未夠十二點嘅鬧鐘，佢望住床邊陪咗自己十幾廿年嘅小鹿公仔，死死地氣起身搵個旅行袋開始諗要執啲咩去公司宿舍住。
黑澤臨訓之前仲好好咁send咗幾個line msg比佢，叫佢唔駛太緊張，當自己去旅行咁就得。
首先比人笑都要執自己個臭臭地嘅舊枕頭同埋小鹿落袋，其實安達都覺得有啲唔好意思，但係唔聞住熟悉嘅味道同埋攬住啲嘢佢真係訓唔著，如果可以嘅話佢直情想將全套被鋪都帶埋過去......咁樣就好似有啲太過份了。
自己平時着嚟着去都係個幾件毒撚T牛記笠記，安達拎晒啲衫擺上床，諗咗陣都係全部塞落袋。
仲有自己啲書呀同部switch呀，鞋都要拎埋。
『我起身啦，安達呢。』
『我都醒咗』
『咁我大約一點到，陣間帶你去銀座食lunch買衫再上去啦。』
於是黑澤渣住佢架黑色波子嚟到安達屋企樓下，就見到一個著住文青企領恤衫皮鞋，薯嘜孭住兩大袋走佬袋企係路邊嘅身影。
佢執執吓嘢就慢慢變咗執屋咁，明明依家都唔係真係搬走，只係搬去宿舍度住啫點解佢好似想執哂成間屋啲嘢過去咁呢…？
執執吓嘢個陣，佢突然見到樣對佢嚟講好有回憶嘅嘢，就係佢晌hot in service出糧嘅第一個信封。
佢好感嘆咁拎起個信封睇，翻轉個陣竟然睇到信封後面有排字寫咗晌上面。
原來晌個陣時黑澤已經咁關心佢？點解佢好似冇咩印象咁嘅…？
呢個時候佢嘅手機就震啦，係來自黑澤嘅訊息。
『我起身啦，安達呢？』
『我都醒咗，依家仲執緊嘢』
『咁我大約一點到，陣間帶你去銀座食lunch買衫再上去。』
『好呀，咁我再執下野先，一陣見丫！』
放低左電話既佢望下個鐘，距離同黑澤約好既一點仲有唔夠半個鐘，佢望住俾佢掉到一地既野真係唔知點…
黑澤渣住佢架黑色波子嚟到安達屋企樓下，就見到一個著住文青企領恤衫踏住對cons，薯薯嘜嘜咁孭住兩個大碼走佬袋加個行李箱企係路邊嘅身影。
呀安達真係好鬼得意既啫…點解佢連去宿舍住幾日都要帶咁多野？唔通佢想住耐啲？定還是佢都好期待同我同居呢？
呢刻既黑澤個腦開始忍唔住妄想……
安達坐晌屋企張梳化度，成個人挨左落佢個身上面，只係著左件白Tee…佢抱住安達之後，安達就好主動咁將個頭轉過嚟錫佢……
之後個畫面係安達著住件純白色嘅浴衣，佢將人抱起一齊訓落床，個畫面充滿住粉紅色既泡泡再ZOOM近左佢地既大頭，安達怕怕羞羞咁主動嘴上去個陣……
聽到佢妄想裡面嘅男友把聲，黑澤即刻從妄想裡面回神！佢即刻就九衝落車幫安達將佢啲行李塞入後尾箱。
本身安達都想幫吓手架，只係黑澤以「駕車啲門好難搞」為由拒絕咗佢。梗係啦，呢啲時候仲唔表現吓自己gentleman嘅一面咩！
俾黑澤推咗上車嘅安達就睇唔到黑澤嘅表演，而係晌度諗自己連打開車尾箱呢啲嘢都做唔到真係太廢，黑澤可能嫌棄佢驚佢整花架波子都唔定…
將行李放好咗嘅黑澤上返車個陣，見到安達抱實個行李袋。
黑澤有啲好奇就問佢話明明車尾都可以放呀，點解唔放埋一齊要抱住嘅？
「……咪就係我隻公仔」安達紅都面哂不情不願咁答…
呀頂…原來佢尋晚同老細講個啲咗係真架…乜真係有人可以咁可愛嘅咩？佢食可愛大架？
「係啊！」安達摸摸佢個袋：「呢隻公仔對我好重要架！佢係我細個嗰陣收到嘅第一隻公仔野黎架，我每晚都要攬住佢先......」
安達意識到自己好似講多左，塊面即刻又變得更加紅。佢喺腦入面又開始繼續無限loop番佢堆問題：「死啦佢會唔會覺得我好幼稚架？隻公仔好似有啲臭臭地喎，我係咪應該洗下佢呢？但係洗左咪冇左陣味囉？嗚啊點算啊？洗定唔洗好呢？隻公仔咁舊一陣間洗完啲綿花會唔會爆出黎呢？啊，好糾結啊。點算啊？其實我搬去同黑澤一齊住咁真係好咩？啊..... 會唔會出事架？雖然佢真係好好人...又好靚仔，對我又好....啊咁點算啊？佢會唔會覺得我攬住隻公仔好幼稚呢？到底洗定唔洗好呢？咁洗左咪...」
「冇... 冇啊...」安達嘅無限loop終於被打斷左。
「係呢，安達你因間想食啲乜啊？」黑澤雖然咁問，但係其實佢已經plan好左想同安達去食懷石料理。開頭佢都有諗過去食法國菜嘅，不過根據佢平時嘅觀察，安達每日都係拎住個飯團咬咬咬，所以應該都係中意食日本菜多過西餐嘅。
「啊....我呢...」安達有啲唔好意思咁講：「其實我平時好少黎銀座呢啲咁高級嘅地方架...所以我都唔知...」
「咁啊？咁不如唔地去食懷石料理囉！我之前去過一間幾好食架...」
「...唔知係咪同女仔拍拖去食呢？」連安達自己都冇留意到佢居然將自己心入面嗰句講左出口。
「下？！」安達嚇到連佢一直攬住個袋都差啲跌埋落地下。
「我講下笑咋！」
「哦......」安達雖然係鬆左一口氣，不過唔知點解又好似有啲唔開心咁。之後佢就全程都冇乜點出過聲。
「我地到啦！」 黑澤停好架車之後就急急腳咁落咗車然後行咗去安達嗰邊幫佢打開車門：「小心...」
「唔該... 哎呀！」說時遲那時快，安達唔小心撞到個頭痛到叫左出聲。
「安達你冇事啊嘛？」
「冇... 冇事....」...就奇！安達痛到連眼水都標埋出嚟啊！
「等我幫你捽下啦。」黑澤好溫柔咁幫安達捽一捽佢撞到嗰個位：「拿，捽下係咪冇咁痛呢？」
「嗯...唔該你啊黑澤...」
「好啦，咁我地去食飯先囉。」
黑澤一望就見到原來令安達雙眼發光嘅就係辻利嘅抹茶雪糕：「安達你想食？」
「係啊！」安達就黎連口水都流埋出嚟：「我聽人講好好食架！不過一直都冇機會試...」
「咁既然一場嚟到我哋就去試吓囉！」
「好啊好啊！」
「唔該比兩杯抹茶雪糕我哋啊！」黑澤同counter 個姐姐講。
「唔好意思呀，因為我哋嘅抹茶雪糕係限量供應嘅，而家淨係剩返一杯咋。」
「咁啊...」安達一臉失望咁：「咁算啦...」
「安達你食啦！」
「但係...」
「一係咁啦，我地買一杯share ？」 「啊，都好喎！」安達即刻好開心咁點頭。
「久等啦！」店員將杯雪糕遞比佢哋：「啊，我比兩個羹你地呀！」
「........」黑澤有啲唔情願咁接過咗嗰兩個羹...用羹咪即係唔可以一齊奶囉。
「哇！我唔客氣啦！」安達接過左個羹即刻食左一啖：「哇好好味啊！黑澤你都快啲試吓啦！」
咔嚓！
「黑澤你...」
「喔⋯唔緊要⋯」
黑澤真係好想永久收藏安達舔雪糕個樣，所以頭先先忍唔住拎咗部手機出嚟⋯反應過嚟嘅時候就已經chap咗張相。好彩黑澤轉數快姐，如果唔係安達實當自己係變態。
「既然係咁，不如我哋行埋一邊再影多幾張畀老細揀？」
安達一路講一路拉住黑澤行去冇乜人經過嘅角落頭。雖然有少少羞恥，但係如果係公事，安達一直都好細心又好有責任感。
「好啊！」求之不得啊!!
「但係擺pose呢啲我唔係好識⋯黑澤你諗唔諗到點影？」
機會嚟啦飛雲！
「我有啲橋啊，拿安達你揸住個雪糕扮餵我食吖」
「喔⋯喔！」
安達聽住指示，好乖咁側側地遞個雪糕比黑澤食，而黑澤亦都微微擘大個口。 整好個構圖之後黑澤就撳咗影相。
「勁唔勁呢，不如影多一張係我餵你嘅？」
「Ok啊⋯」
於是佢哋又用同一個構圖影多咗一張黑澤餵安達食嘅。
「唉⋯呢張我擘大個口好柒啊⋯」
「安達你邊到柒啊，唔好咁講自己啦」不知幾得意！
「um…都係頭先我餵黑澤你嗰張影得靚啲⋯」
「如果你唔鍾意呢張嘅話，不如我哋再影多一張新嘅做後備？」
「好啊⋯」
「咁今次你扮舔呢邊吖」
再一次任由黑澤擺佈，安達拎住個甜筒伸咗條脷出嚟舔左邊嘅雪糕。啲抹茶味道係個味蕾上面慢慢化開，但係又唔食得住，真係忍安達差啲流口水。過咗一陣，佢就feel到黑澤揸住咗自己拎甜筒嗰隻手，然之後佢自己都伸咗條脷出嚟，慢慢哄埋去個雪糕到。望住黑澤塊面越嚟越近，勁緊張嘅安達紅都面晒，究竟黑澤咁樣會唔會掂到自己條脷㗎，如果掂到嘅話咪⋯⋯！
黑澤亦都同時因為雪糕嘅移位而收反條脷。最後就迎上咗安達因為意外而送上嘅嘴唇。
「⋯！？！？！？」
一鍚咗落去，安達嚇到成個人都彈反開。頂！！點解會咁㗎！！發生咗咩事！
「安達你有冇事呀！？」
雖然鍚到安達係好high，但係唔知安達會唔會好大衝擊呢⋯話哂都係兩個男人，由其是而家又唔係做緊show。
「我我我我我、我冇事我冇事」
「你成身都係雪糕啦，你唔好郁、我幫你抹返乾淨先，如果唔係一陣好難洗㗎」
黑澤強忍心中嘅興奮心情，喺個袋度拎咗啲濕紙巾出嚟，叫安達嗱嗱臨食埋個雪糕佢，然之後就掹起佢件衫污糟咗個地方係咁重複擦拭。
「唔緊要，好小事姐」
黑澤一路抹一路講，眼尾見到安達好唔開心咁。
「我有乜所謂呀，反而係你喎，你又話自己A0⋯頭先個個⋯係你嘅初吻？」
只見安達冇乜反應咁繼續默默咁揼低頭咬甜筒。
「嗯⋯」
「咁⋯對唔住啊⋯早知我避開啦、哈哈⋯」
安達真係唔知點形容呢種感受。點解黑澤要用呢個強顏歡笑嘅表情講呢句說話？
唔知那裏來的勇氣，安達拎住個仲未食完嘅甜筒，嘴角都仲有少少雪糕，但係眼神就好認真咁望住黑澤講。
「我⋯我都冇話唔鐘意⋯你做我嘅初吻對象⋯。」
大腦完全off咗嘅黑澤瞪大眼睛，難以置信咁嘅樣。 「你⋯知唔知自己講緊乜⋯？」 「呃⋯」 沿住甜筒邊嘅雪糕就嚟要滴落嚟了。直到手指感覺到冰涼又黏糊嘅觸感，安達先至反應過來，停止左佢哋呢個死亡氣氛。
「⋯嗯、咁你食埋就行啦」
黑澤又拎咗啲紙巾出嚟幫安達抹手。
下次啦，睇嚟以後會有好多機會令安達接受自己嘅。
摸咗摸自己咀仔嘅安達，甘大個仔第一次有曖昧對象令佢有啲不知所措。
「安達?我地到咗啦。」
「阿?邊到。」
黑澤帶佢來到Hankyu MEN’S TOKYO。安達嘩咗出聲。阪急噢，日本最大座男士百貨，二百幾間男士品牌可以從頭買到落腳，仲包埋陣除。
「吓，黑澤，不如我地去U記買衫咪算，依道好貴嫁。」安達扯咗扯黑澤衫尾。
「安達甘諗就唔岩啦，我地個公司最睇重嘅係咩?」
「係……樣。」
「沒錯，知你為咗公司想慳返一兩個錢好好，但今時唔同往日，你係公司個門面，係啲客面前好好睇睇，啲客開心咗，公司先有得繼續賺架嘛。」
安達真係拗唔掂黑澤，乖乖同佢搭lift搭到最頂。
除咗高級西裝有試咗幾套for依兩個禮拜穿，跟住黑澤話會請師傅上門再幫安達定制。跟住落來啲野安達一律都沒試上身。
一開頭安達都仲會問下佢。
「黑澤啊，我係唔係應該需要入去換衫試下?」
眼光毒辣嘅黑澤唔知點解甘就掌握咗安達嘅三圍甘。
「唔洗，今日時間唔夠，來，睇下依件岩唔岩。ok，包起，要埋佢同款嘅第二隻色。」
「好嘅，黑澤先生。」跟住個sales就會好快手甘幫佢迅速入袋。
沒點細想嘅安達行多幾層已經腳仔軟，一唔留神，就比黑澤好順攤甘拖住佢嘅手仔，話係為跟住落來嘅event再做多啲親密練習哦。沒拒絕嘅安達由得黑澤成個fairygodfather拖手甘買齊曬黑澤想安達穿上身嘅衫同褲。
「好啦，買埋依間就收工啦好沒，我見你都攰啦。」黑澤摙咗摙安達隻手仔。
「好啊!」安達總算有返啲精神，佢一望，吓，要買底褲。
「唔洗啦…黑澤我有換…換洗…底底啊。」安達越講越細聲。
「安達你試諗下，岩岩啲衫係唔係件件都甘好睇?」黑澤挑眉。
「係~~」安達有氣無力。
「望住我，下面仲係條舊底底係唔係對唔住你甘貴嘅衫先?」黑澤抓埋安達另一隻手，雙目有神兼且雙手拖實問佢。
「甘…甘你又沒錯嘅，但…」
「唔好但係啦，一條靚嘅底底，會令你除衫除得剩返你條底嘅時候，令你對你嘅身體更有自信嫁!安達，生活過得精緻啲，你人都會有自信啲!好唔好?」
安達都忍唔住幻想咗一下自己除曬得底底好似真係會對自己身體更有自信。
安達揀咗個大眾啲嘅ck。拖住黑澤個手入咗去，默默甘見到469蚊打折嘅半打L size白色四角褲，拿住就想去比錢。
黑澤按住內心激動個自己，白色好pure啊啊啊，天使白底底包靚patpat有啲衝動想流鼻血。
「嗯?」
「做咩阿?」安達聽到黑澤個反應望過去。
「安達……唔試下?」
「我一向著開L size諗依道都差唔多?」
「又唔係甘講嘅，日本款同歐美款始終有唔同，要試過先知，可能日本L size其實係歐美m size呢。不如試住依個m size再決定?」
黑澤眼光銳利拿起條玫瑰花紋低腰四角褲比安達。
「下，依條唔係我個style哦。」
「順便拿埋依件新買嘅tee換咗你件污糟衫佢啦。」
安達又傻豬豬唔記得judge條底真唔係佢style就入咗試衣間換。
過左五分鐘左右。
「黑…黑澤」
「做咩啊安達?」
只見安達身穿dior白tee，露咗少少個人出來，揮手叫佢行埋來。
「誒…黑澤啊…個m size好緊，唔岩我穿啊。可摸耳換過條L size比我。」
「唔會嫁，我相信自己嘅眼光，比我睇下?」黑澤承認佢係想睇下究竟係點嘅。 「呃，好啦。」
黑澤就走咗入容納到三個人嘅試衣間，見到安達純白tee以下谷到好大包嘅花花底底，純中帶慾。
「sorry啊安達，我應該相信你買開嘅直覺。」黑澤扮好冷靜甘望安達個下面講。
「太窄唔係好舒服。」
見到黑澤呆咗咁望住自己下半身，安達都有少少拍醜咁用手遮一遮下半，另一隻手就喺黑澤前面揮下手。
「黑澤？做咩呆咗咁嘅？係咪我著花花底都有啲奇怪啊？」
你著天真無邪純情白底或者少少淫多多趣嘅花哩碌底都唔會奇怪啊！點著都咁好睇啊！唔得！一陣暗啞底同老闆講要幫安達出閃卡系列先得，有西裝look、家居風look、休閒服look、之後SSR就係泳褲look同埋底底look，嘩！仲唔抽死J死啲姐姐姨姨客！不過咁...如果真係出咁安達咪比人睇蝕哂囉，咁又好似唔得...咁唯有...
「黑澤？無嘢呀嘛？」
「喔，我無嘢啊，頭先突然諗緊啲嘢所以hang咗機，呢條唔啱啊？咁換過第二啲試啊。」
「吓...我買啲一盒有幾條淨色果啲得呢，最緊要都係舒服啫」
「唔得嫁！頭先咪話連入面都要襯返出面套衫嫁嘛！同埋，你知唔知啲姐姐姨姨除咗睇到我哋個樣同啲表現仲鍾意睇到咩？」
「係咩？」
「就係有時會見到我哋唔覺意咁挑起咗件衫，條褲又唔知點解拉低咗少少，然後想露與唔想露之間嘅...果條底褲邊啊！所以你話呢環幾咁重要呢，分分鐘仲重要過出面果件衫啊！拿！呢條絲質紫色夠特別、果條棉質紅色就夠搶眼，仲有呢啲果啲你都試哂佢啦～放心啦！試完唔啱都可以喺屋企著嘛，底褲呢啲嘢無人會嫌多嘅！」
諗起紫色邊撞牛仔褲再襯番安達白雪雪嘅豬腩仔，仲有白邊黑字就襯平時條西褲，唔係喎再唔係訂造番條有名嘅，安達bb着自己個名，黑澤自己就著安達個名嘅，到時再翕翕揚揚舉高手拎嘢個陣露比啲姐姐睇，仲唔嗌到拆天？
仲有連底褲都可以同安達bb同在真係好似上天比佢嘅賞賜咁，諗起都開心呀。
「黑、黑澤...你覺得點呀？得唔得？」
「得！好得！就佢啦！」
「真係得咩？我唔係好有sense......」
「拿安達，你望下我係咁樣嘅。sense嘅嘢，你定嘅啫，安達而家做自己已經好好，你要比多啲信心自己就自然得架啦。」
黑澤見到安達仲係退退縮縮咁，就起身行去佢身邊，捉住安達隻手指勾開自己個褲頭，摸到個條紅黃色相間好似皮帶咁樣質地嘅底褲腰帶。
如果唔係呢個角度，有試身室嘅射燈照住都無發現，安達連手指嘅關節都係泛住淡淡嘅粉紅色架，真係不得了，摸下褲頭帶都怕醜到咁樣嘅，而家啲女高中生都唔會咁樣啦真心。
「好啦好啦唔逗你啦，都攰啦我哋買埋呢度埋單就返去休息下啦。」
「唔，好呀。」安達聽到黑澤咁講，即刻個人鬆晒開心返，笑瞇瞇見牙唔見眼咁，搞到黑澤個心跳漏咗一拍。
今日都唔知第幾多次比安達可愛親啦，開始有啲明點解啲姐姐姨姨會咁心甘命抵用香檳塔嘅價錢轉橙汁比佢啦，係呢個花花世界入面仲可以純到蒸餾水咁唔係演技超群就真係史前生物啦。
佢哋兩手都係購物袋，安達仲爭住要幫陣間仲要揸車嘅黑澤拎多啲袋，就咁樣爭下爭下，行返去停車場上車比黑澤車佢返去「公司宿舍」展開情侶生活特訓啦。
驚唔驚喜意唔意外