[玩後感＊有透] 週末一口氣清完龍が如く4／逆転裁判6
好充實 下一隻玩乜好

逆裁6:
我拖左五年先打得完。如果講戲情，最有亮點都真係第五章，反逆の龍、革命高潮。
前四章都太慢熱...雖然回想起來的確同主線都有一定程度關連 (除左第四章真係冇關連 輕鬆用)，但整主線都好鬆散，難聽啲講，我覺得到第五章先如夢初醒，趕收工。
前幾章有意貫穿整個世界觀，奈何伏線不足，所有事都似後期先強行附加意義。
有點沒趣。

第四章我會覺得趣 但其實都老梗
趣係單純因為我喜歡逆裁的梗運用自如 落語梗無處不在
我覺得係全作最能表現逆裁搞笑本色的一章，未嘗不可。
不過一言既之曰: 好突冗呀可否連貫啲。

第五章，理所當然係全作高潮。
前四章玩得滿肚子火既我玩畢係怒氣消左八成既。
遊戲好評九成都建基於ドゥルク人物塑造，即使我真係好喜歡呢個角色 不能否認佢既魅力，但撇除ドゥルク之外我想讚既比重係極少....如果一隻遊戲係因一個/幾個角色撐起，咁劇情性上應該真係出現問題。

第五章: 好感人，權力的慘劇，希望 意念的傳承。
但同時，通靈王大戰。 如果係ptt marvel版見到呢個故事我係一定會噓既。
我感受到王泥喜既成長。作為長期系列粉我好感動，大個仔可以獨當一面。有得到成步堂真傳，有正義之心，會堅定不移笑到最後。最後留係クライン繼承ドゥルク遺願同ナユタ一同改變司法制度，好暖。
我甚至覺得逆轉系列咁樣完場也不過份。

但為何到ED又彈個人出黎？？？ 我真心好怕逆7會爛。

話今集係王泥喜成長既故事也不以為過，不如宣傳時直接用呢點做賣點。 (okay capcom我明白 你視逆4為系列污點。)
但オドロキくん設定亂得要命還不是你的錯吧capcom。
由4開始，到逆6 每次都後期強行塞設定比王泥喜，
由みぬき到葵，到ドゥルク＋ナユタ。整衰オドロキくん既罪魁禍首係你地自己吧。

好了我懶 決定飛去講遊戲系統。
一，搜查系統沒大突破 科學鑒證沒新玩法 都是熟悉的指紋，血跡之類。
二，レイファ託宣好煩好困擾。令我五年才破關既大原兇 (90%)，同當年王泥喜手鐲異曲同工，或更甚。太多時唔明顯到我寧願睇攻略，心累。ありがとう攻略サイト愛してる。

三，畫面，3D動作，過場大量2D動畫，精美。
呢點真係要讚，作為一隻文字AVG唔需要求畫面做到呢個地步，但佢做到。充分運用3DS特點，好滿足，好滿意。
配樂都一如既往地好聽，尤其讚賞日本VSクライン兩邊音樂完全兩個風格，氛圍有出到來。
異國司法異國文法，仔細，有心，出色。
レイファ託宣之舞都好好好看，看得出制作組花了好多心機。不計託宣系統本身我還是幾讚賞，eye candy。

正常既我應該會講好多ナユタ/ 御剣 etc.
今次想講但又覺得沒太大必要，相對起劇情沒問題很讚所以我發廚講下角色真香！！更想講不足之處出來發洩怒火。

有期望所以才會失望，我不期望會有123般級數 但像逆檢一樣我都好喜歡呀。大逆12和逆裁56我心情有點複雜，作為系列Fans，我失望但還是感受到愛的。客觀地分析其實還算不錯，甚至好，只是我高要求想逆裁再做好點罷了。

擔心逆7。 心音和王泥喜擔起大旗？成步堂退下來還是怎樣。太多不肯定要素我好不安。
〜逆6 感想大概這樣〜
最後一句 逆6的御劍好多福利每次出來都好柒喔。多謝上天

龍如4:
基於龍如3實在令我好失望, 有對比有傷害
我係幾喜歡龍如4。一講再講，4特別之處係除左桐生 其餘三個可控制角色都係新角色。 而新角色以前際遇/經歷都係與龍如前幾作既事＆角色有關，加得好自然亦為世界觀添立體感，人物塑造幾好，令系列劇情更連貫。

例如秋山<—＞錦山 100億
冴島<—＞真島／浜崎
正義<—＞上野吉春襲擊事件
橫跨龍如0-2 既劇情, 系列粉們都會喜歡的心思。

秋山睇人的確有眼光 不是黑道中人，但睇得出大吾管不住東城會
就權力鬥爭一事大吾處於被動位置 要說能力井並不是沒有 但真的不算成為黑道老大既材料。大吾本人都未算好大問題，問題係全世界都同大吾＆桐生作比較吧。站在桐生身旁就要被比下去的命運，望一下錦山。

結局未到好亂 比我想像中算係咁，我覺得要有既都有了。
整體劇情真係要講不滿的話：橡膠子彈。天台大亂鬥。
雖然每人面對既敵人都有意義，幫主角們突破自己，但放錢係天台個理由好薄弱....
不過咁簡單直接既想法的確係秋山思路wwww 我會說服自己要接受

飛錢果下好胃痛
結果天降之財都係要回歸於天
好彩四個主人公都平安無事，特別喜歡秋山放心口既錢幫佢擋子彈逃過一劫呢個描寫，與錢有緣的人。HOMELESS>比天降100億救>開設信貸公司>1000億放天台飛番落神室町(同1一樣)> 心口有錢撞住子彈

要講好笑既:我一見到四個牙叔黑西係天台就係咁笑緊...對唔住阿妹(....)
阿妹條命好硬中咁多槍都未訓底....冴島你反省下...你個妹先係真正傳奇殺手 點射都唔死笑到好慘(.......) 佢坐25年係咪幫個妹坐
射咁多把槍都係橡膠子彈真係好on9。
官方搞到冴島好不憫wwwww 但又無可救藥地覺得好man。

到最後新井殺警視庁副総監都仲係橡膠子彈的禍 搞到成件事好兒戲。

個人黎講好鐘意大吾同真島迎接冴島＆桐生呢幕
ただいま　お帰り　兄弟
ただいま　お帰り　桐生さん

秋山....真愛係花ちゃん呀。給我甜蜜一世。顏狗秋山都好好笑，咁喂花ちゃん食飯應好好快又變番肥婆but ok佢唱歌好聽人又cute。
AND: 放咁多錢，學下用密碼鎖，謝謝。（）