[link就唔放呢度了]睇完edmund kemper訪問片我覺得我應該追下Mindhunter
下收案件感受

探討唔同殺人犯ge內心係有趣ge
特別係當佢地(尤其是反社會罪犯)ge說話舉動可以係一半真一半假果陣真係好多空間

齋睇murderpedia幾篇報導我初頭都覺得佢阿媽真係惡魔佢都係受害人好慘豬嗚嗚，但somehow睇完佢段訪問之後我有少少保留

唔係話佢阿媽對佢唔差(佢兄弟姊妹都可以作證，佢都離過3次婚)，但訪間入面ed好明顯係將自己ge思考模式，甚至將幾個女仔ge死完全歸咎於佢阿媽身上，自己完全冇責任咁，咁到底佢阿媽有冇佢描述得咁過份?
當然細個就經歷家變+跟躁底阿媽明顯係極大關係，但如果阿媽係100%原因ge話咁點解佢其他兄弟姊妹會係正常人而唯獨是佢會係連環殺人犯?

當然父母係絕對有責任去教導仔女是非黑白同道德觀念，但我又真係睇唔出ed "innocent"到殺左人果刻先知呢D概念
呢個係重要影響因素但唔可以成為開脫責任ge理由

佢講初頭殺大學生果陣真係好似平時放工同fd子吹水自己放假點過咁，只係唔係「我尋日整野食跌爛左隻碗真係唔小心」而係「我尋晚殺左人但中途整跌左條車匙真係狼狽」咁
大致上都係冇當過人命係一回事

所以我真係唔覺得佢對死者真係有罪咎感，反而更加似係「因為社會認為做呢種事要有罪咎感所以我就咁樣表現畀你睇」
well至少我會appreciate佢肯扮ge
就算正常人或多或少都會扮野ge

講到佢阿媽一時感觸落淚到底係咪鱷魚淚都有好多人討論
我覺得無從判斷(?
我唔會否定佢內心深處都可能仲有少少純真想要返從來冇得到過ge母愛,但另一方覺得佢只係認為自己係悲劇男主角我有呢個垃圾阿媽ruin my life真係好可憐都不無道理

但至少我信ed係真心想人關注佢ge
先唔講佢坐監之後做好事可以為佢待遇/可能出現ge假釋機會加分，
但佢應該真係鍾意幫手同搵人傾計，D訪談都係話佢一傾就幾個鐘，而且會好主動幫人同學習，同其他殺人犯好唔同

當然中間都或多或少夾雜左私念(例如可以借機控制下人，顯示自己高人一等ge智商同社交能力之類)，但好少真係有殺人犯咁肯去分享自己擁有ge野，而且feel到佢真係開心，覺得自己有用有人關注
所以某程度上佢成世留響監獄係最正確ge決定，大錯已經鑄成佢literally係壞左ge人冇得改寫，所以都冇可能畀佢重返社會，但監獄入面佢被剝奪晒所有可以傷害人ge「權利」之後佢ge性格同能力就可以用於正途上，而且佢都願意咁做我覺得都係好ge

不過講真佢殺完阿媽同阿媽個fd之後自首我覺得冇D人講到咁美好，中間一定有計算過，只係佢好清楚殺阿媽就係殺人遊戲結束ge一刻而已
但佢知東窗會事發而走佬都至少顯示佢怕死ge
同埋認真講佢大可以自首之前去毀滅其他人證據淨係認殺左2個ge (又又雖然可能佢果刻已經忍唔住要大講特講)

作為一個都係平時冇乜聲出但其實有時想滔滔不絕咁分享，又會有少少時候亂諗野，又有時鍾意blame下周遭環境，又有少少利己主義ge好假ge肥仔我唔會唔明佢心境ge
如果當初佢屋企有多D support畀返應有ge關注佢，如果同學可以開心見誠唔嘲笑佢身高，如果身邊大人可以教識佢去控制自己慾望同行動，如果有人及早發現佢變態性癖好導向佢去返正確價值觀，或者佢至少會認識到何謂愛吧

最後想講ed把聲真心幾好聽有D似電視節目旁述
難怪佢響獄中會負責讀書畀盲人囚犯聽