[Jojo] 瞓瞓下醒咗bruh 然後諗到d喬<--迪 同喬西嘅故事 瞓唔著就打出嚟orz

啊...啊...

喬<--迪 餘溫
dio好想令Jonathan身敗名裂 而佢諗到嘅方法就係灌醉Jonathan然後令佢上自己 dio邀請Jonathan去自己間房度飲酒 Jonathan見Dio咁興致勃勃 就一齊飲 Dio自己飲到有d微醺果陣 點知Jonathan連臉都唔紅下 反而係Dio一直該死地望住Jonathan嘅嘴唇 好想錫落去 Jonathan見到Dio一副醉樣 就問Dio洗唔洗去瞓覺先 話今日自己已經飲得好盡興 唔想阻住Dio休息 Dio大笑: 我Dio點會咁容易醉 Jonathan微微一笑 唔打算拆穿Dio 見到Jonathan嘅笑容 Dio忍唔住撫上Jonathan嘅臉龐 Jonathan有D錯愕 Dio自己係度諗如何開脫果陣 僕人敲咗下門

僕人話父親有事搵Jonathan(唔好問我點解僕人要搵Jonathan但係去敲Dio房門lol) Jonathan 就點咗下頭 拍拍Dio肩膀 道聲晚安就行開咗

瞬間間房變得安靜無比 Dio氣憤咁望住自己隻手 諗: 飲咗成晚 只係掂到塊臉一下。。。 啊 不 自己咁做係計劃嘅一部分 計劃失敗咪諗過第二個 唔明點解自己會咁心浮氣躁

Dio不勝酒力趴係張臺度 手指係Jonathan嘅酒杯接觸口唇嘅位置不住打圈圈 然後再倒咗D酒去Jonathan嘅酒杯度 將嘴貼上Jonathan嘴唇之前接觸過嘅位置度

Dio昏昏沉沉咁諗 邊個話酒越飲越暖 點解我都係覺得咁寒 都係Jonathan呢條友仔 搞到自己賠了夫人又折兵 無咗支貴嘅酒又搞到自己一肚子氣

Dio不知不覺瞓着咗 呢個時候房門打開咗 原來係Jonathan擔心Dio醉咗會趴係臺度瞓着然後凍親 不出所料 Dio真係就咁瞓着咗 Jonathan輕輕放咗張被係Dio肩膀上 Dio好似係感受到突如其來嘅溫暖 身體微微震咗一下 Jonathan細細力關門 Dio嘅手不自覺覆上被上面 覺得好似有Jonathan嘅餘溫

餘溫-2
Dio狠狠咬住Jonathan尚有餘溫嘅嘴唇 不過咁樣唔足以令到身處海底嘅佢溫暖起嚟 取而代之嘅係胸口一種彷彿奪取所有氧氣 令到佢缺氧窒息嘅火

喬西呢

紗雪★テニスって楽しいじゃん : type it when I cant sleep xd