[感謝噗] 胃痛緊唔畫圖住但出po先
多謝今日嚟CW跟PR買東西的各位，特別鳴謝買起成set襟章的金主，多謝你真係令我可以達成“有事買十個“呢句slogan！
下收對event的感想

OH NO!!

先去CW set場的我一入場就被闊到爆炸的通道感動了，是能好好走動的通道啊媽媽！
雖然跟小精靈們用光速set好攤就走了我根本沒留在CW。而其實攤都不是我set的哈哈哈哈

總之飛的過PR，距離報到只有六分鐘而我還在等紅燈時簡直想跳車了，還好搭正上到去。
8樓報到staff看透了世事，直接問我一句“係咪由CW過嚟呢～”

然後我後悔只報半攤，枱不夠用Orz
而且今日做最多的手勢是指向左邊，因為經常有人以為我地係隔離攤

除此之外PR其實算ok, 首先the wave位置方便先，場內攤位佈置我覺得好正，攤後面好多位開gip拎嘢極方便唔會好似CW RG咁唔好話開gip連行都行唔到，通道都好闊落可以睇到嘢唔會俾人逼住走，我無咩點接觸過staff但走時staff都好好人見我地拖住gip會幫手開門點個贊

至於人流同賣氣方面，我見d人講8樓多人過7樓但我自己覺得8樓人流就一般般，可能係因為做咗管制所以唔會一堆人逼住，而我兩三點左右落7樓時係見到7樓人多過8樓的（1樓我唔敢落怕出事）。
賣氣嚟講算係一般，平時一場我可以買500但今場我無咩點買到過本，反而係之後返CW收淨一半攤我都可以光速買到本…我自己攤就唔似以往大型event收入 （悲哀地發現我最近都炒晒車所以算正常？） 如果淨拎CW同PR比，個人係CW嗰面多d人買嘢。

啊好眼瞓，聽日繼續

嘩哈哈這邊也有很多團人都是PR CW 兩邊走, 其實而家無邊都乜位兩邊場周圍走都是一件好事 邊邊無咁迫咪去邊邊聚囉, 你知香港的土地問題...

納米薯 : 我琴晚刷住secret版睇花生又見人問做咩要報晒兩個場，好想答佢少年你不當家就出少句聲唔好衝出嚟柒

小七子的壓力正在變成病歷 : secret 版好多小學雞下下覺得要批死另一邊嘛… 然而好多呢d口痕友既不是攤主也不是遊客

納米薯 : 花生友致力為大家提供食糧

繼續
小精靈話PR賣氣比較似CP順帶被訓話到底幾時學識向上發展的技巧。
中途有the wave本身的員工過嚟問感想，佢地好nice，呢個做嘢態度簡直可以列為模範參考。
臨尾唔知點解有以家庭為單位的入場人士，有個高張枱一個頭的小妹妹俾媽咪帶住貼住枱好認真咁望住各攤攤面行過……

認真嚟講，作為攤主覺得新event算不過不失，算係咁啦。但整體去講的話the wave唔係一個可以搞大型event的理想場地，一個排隊人龍問題已經打殘一半血條，然後你場地喺7/8樓，就得咁多，一次頂盡送10個人上去，一上一落都五分鐘，又有消防管制又要計埋本身攤主數量咁，其實真係消化唔到咁多入場人士。
時間籌無錯係其中一個解決方法，但場地附近得對面有兩間餐廳，又無咩就腳位打發時間，於是人又塞晒喺度最終又係上報，主辦應該要考慮埋呢一點。

完，有咩我去打問卷算