點樣可以享受「眾人皆醉我獨醒」既清高中二感呢?
就係起一街都係揸住手機既精靈訓練員, 人仲多過中秋果陣既地方, 而你手上係無手機拎起手既時候!w
痴線架今晚做咩事青衣海邊仲多人過第一日! 有好勁既野咩???

去到海濱長廊出口仲犀利! 好似黑社會晒馬講數咁! 企爆哂人!
雖然我唔係話唔鐘意隻game呀...但老老豆豆都真係幾擾民架...
D訓練員又鐘意一字形排開... 係, 可以蹺過你地, 最弊對面黎緊既都係一字排開既訓練員呢...

我諗我就算買左新手機, 都應該唔會玩pokemon go喇...
一黎我無咩機動性...叫我為左捉精靈特登出去喎...都係算吧啦www
二來, 我都玩埋的話, 又點恥笑大家呢?www(中二)

好吧... 「眾人皆醉我獨醒」
但下一句係「笑眼迷蒙暗自殤」...