[FAH farm at home 在家耕作]
貓大王領地裡面唯一出產嘅農作物係貓草（小麥草）。為減少蟲害菌害，種草介質椰糠每造都會更換。農民除左係貓奴亦係咖啡因嘅奴隸，為慳錢將咖啡渣發酵加落花盆降低介質成本。
農民依排覺得咖啡渣發酵得未夠好（會等到無晒臭味兼發出草地清香先用），幾次齋用椰糠種草，發現草生得冇咁豐盛，深深感受到咖啡渣嘅肥力。
於是農民開始研究加速咖啡發酵嘅方法…
《在家耕作文明發展史》節錄（X

好奇有咩心得

姬蓮🎀甩轆與你同在 : 冇，都係隨便整～
一直係求其收集咖啡渣在密實袋，整到濕濕地，
（順便加D貓食副產品:磨成粉嘅烤蛋殼）
放一邊幾個月，打開聞下，氣味變得清新就用。
上排香果包用晒，之後果包都仲係臭，
近來試下將發酵完成嘅渣加D落新袋，攪攪佢，
菌類移植，好似快D變香咁（冇認真記錄，主觀感覺）

我見有人講可以倒酒然後曬太陽，聽起嚟可行但又驚會唔會過度發酵

姬蓮🎀甩轆與你同在 : 倒酒咁高級！謝謝資訊！
可惜我家基本上冇直射太陽～
我都唔識點判斷有冇過度發酵，
只係土法實驗，試種少少種子，生得冇問題就當可以用~

發左依個噗之後，我一直諗點解我形容草會想用豐盛依個詞而唔係茂盛
一日後終於諗到，因為我唔係園藝視角係農耕視角，我唔係要睇落茂密，我要豐收！

search 咖啡渣加酒關鍵字，有網文話加醋都得 （早先見超市5蚊特價醋買多枝（諗遠左

我覺得親手發掘/實踐理論也是件有趣的事XD

姬蓮🎀甩轆與你同在 : 嗯嗯～在家種植/發酵真係要實踐哩！因為環境不同，不能單純照搬別人的方法～