講起上黎好神奇，妮姬呢款抽卡遊戲具備好多呃課金機制，偏偏佢係我依家玩得最舒服既抽卡遊戲

首先近期崩鐵膨脹速度快到搞唔掂，END GAME關卡既敵人血量數以十倍計增長，機制怪物愈出愈優待新角色，甚至有人話幾個月唔抽卡就已經跑輸俾新手，而且新角色機制一個比一個嚴格，完全唔俾老角色上場既機會，俗稱互防鐵道，角色互相防住

呢個時候見到有人推薦妮姬，膨脹速度非常慢，初期既T0依家仲係T0，我突然呆左一下，等等……好似冇錯喎

欲揚先抑，妮姬有咩呃課金機制呢？首先唔抽卡會卡等級，呢樣一開始就講左，遊戲中你冇5位滿星(3突)角色係唔能夠突破等級上限打後期關卡，有排行榜，有PVP，角色養成成本好高，抽卡資源售價相當高

【勝利の女神：NIKKE】劇場版『FINAL BATTLE』先行上映動画

我估狗看看

點解咁都可以話係舒服呢，首先佢係放置類玩法，除左課金買之外，角色既經驗值素材係隨時間俾既，而且等級冇特定上限，角色機制亦完全唔依賴等級去解鎖，主線敵人亦係一級級咁變強，而且最重要既係抽卡資源主要係活動同定期任務俾既，換言之你冇任何理由需要肝呢樣個樣去練角色，反正你冇幾多辦法洗經驗素材，時機到了，角色自然成形了，而唔係我要升某個角色到81級，打幾個月聖遺物，然後終於話角色可以用了，可以打深淵攞石了，妮姬既起點同終點都好模糊，佛系咁玩就可以

然後係卡池安排，妮姬中除左節日限定外，基本上所有角色都會先放限定池，完結後放到常駐池，包括周年重頭戲既朝聖者，而且除左朝聖者外，大部分角色即使係新角色(包括節日限定)，基本上都唔強，偶爾可能有一個半個可以用既角色，可能都只係針對性地加強某種配隊以拉近同朝聖者之間既距離，可以話朝聖者外眾生平等，而朝聖者一年就出兩三個，而且唔少係定位重複既唔同屬性，想膨脹都難，因此你廚某個角色好簡單，搵朝聖者carry就得，大家都係弱雞，就大家都唔怕退環境了

而且保底機制亦幾特別，保式係用抽卡積分換既，如果係一般既保底，ABC三個角色，你想要A，C係人權，於是你訓身抽A，但唔中，後來突然發現你想抽B，但你心知一旦保底至出貨，C基本上就冇望了，又或者要課金，而妮姬係你想抽邊個池完全睇你，反正積分夠了C就冇走雞，ALL IN邊個都冇心理壓力，於是唔少妮姬玩家既策略係平時睇喜好抽卡，積分就留到周年直接抽朝聖者

總言之妮姬係一個每日登入用十幾分鐘打每日任務既小遊戲，一年睇實兩三個朝聖者，然後就可以隨便玩了，課金既事交俾PVP大佬就夠，如此極限咁模糊強度既上限同下限，令到各類人都可以隨便爽玩，不得不講泡菜仔多年既免費遊戲經驗確實係有料到