當我仲喺天下做嘅時候，曾經聽過一個講法。

井上雄彥因為工作繁重，就算在家工作，都係一起身就畫稿，收工先至見得個仔一兩個鐘。

當時阿仔大道仲係讀緊小學，井上老師覺得自己陪唔夠個仔，錯失咗好多陪個仔成長嘅歷程，所以講明完咗《浪客行》之後就要停工，然後心願係一家人去旅行。

呢個小小嘅插曲，隨住井上大道成為宮城良田之後浮現喺我個腦。

雖然井上老師覺得自己錯失咗好多同個仔嘅珍貴時光，但係正正因為努力創作出精彩作品，阿仔都成為籃球員，用另一個方式維繫父子情。


男兒當入樽
宮城迷
電影版真係好Ｌ正
識睇要睇埋粵語版

另一樣嘢係，井上雄彥有一個SLAM DUNK基金，係資助對籃球充滿熱誠嘅少年去學籃球，甚至去留學。到咗而家已經有一班日本籃球員喺世界唔同地方打緊職業賽。

偉大嘅唔單止係作品，更加係作品帶出嘅精神。