人原來係好渺小

你老味，咪即係三和大神咁撚樣躺平，hea旅行之嘛
又發明啲咩新語鳩up

唔同親戚去嗰陣時，我一向都係咁上下

不跑行程、不帶手機、不打卡⋯「軟旅行」是什麼？為何全球快速竄紅？－商周頭條｜商周

由TikTok 累積31.2 萬則貼文的標籤「#softlife 」軟生活，所衍生出來的「軟旅行」，強調的是能真正放鬆、慢慢來的旅遊方式，而非緊湊的行程安排。具體有6個方法能做到。

唔係咩新概念 我上年去東京半個月都係咁hea 幾乎都係瞓之前睇下天氣先諗第二日去邊 早餐都係瞓醒先諗食乜 不過前提係你真係清楚知道自己想點 唔係真係變咗漫無目的咁hea就浪費人生

去完之後覺得最on9都係去outlet 坐車多人到人都癲 去到之後好似去咗中國咁

最舒服一定係去明治神宮御苑 因為要俾錢阻咗好多大陸人 靖國神社一樣冇大陸人去行得好開心 初詣之前睇住紅白瞓一起身就行去明治神宮再順手睇日出 見到太陽就坐幾個站行去豪德寺睇招財貓 係豪德寺仲見到有個港女喝條仔行快啲去睇野 個下真係意識到自己hea到爆炸 去完豪德寺再去附近食個天津飯 之後落新宿睇下有咩舖頭會係新年開 天差唔多黑就去便利店搵下杯麵三文治返酒店食 從來未試過新年過得咁舒服

Mithril_HKG : 咁先至係休息架嘛
我連跟團都接受唔到

就算「比較趕」嗰啲都係一日一個大景點
最hea即係大約去淺草寺再去skytree就當行完

去日本最忙最緊張係趕車轉車
因為有啲地方要兩三個鐘車程
趕唔切一班，就連環遲到達兩小時，咁就無咗半日

saiwoo : 我差唔多有一個星期住正係淺草寺附近，因為交通方便，5分鐘去到幾個唔同條嘅車站，仲可以大清早出去影街景，影完再去食淺草今半

唔係附近，係直情住對面，天台睇淺草寺夜景同天空樹一流，樓下仲有檔拉麵

Mithril_HKG : 幾日都住同一間？

其實我成日都想咁
但係屋企人又想住返一兩日溫泉酒店

所以短期幾日嗰啲旅行都會有少少趕

完全住同一間五天只係試過一次

saiwoo : 兩星期住三間

第一間係樁山莊，之後係淺草寺，再之後係神宮外苑

樁山莊.... search吓，貴嘢喎

我記得有睇過啲片影佢出面個園境，我仲嘩咗一陣

唔好嘩 我俾你睇

@Mithril_HKG - 堅定不移全力支持日本經濟（？

@Mithril_HKG on Plurk

@Mithril_HKG on Plurk

你睇返我上年12月啲相就會見到

佢唯一唔好係交通唔方便 但可能亦係好處 因為會少咗某啲人

但好住應該係神宮外苑 附近有便利店樓下又有地鐵站 想出明治神宮同原宿仲可以徒步行過去

btw樁山莊個花園你唔洗係入面住都可以入去睇 你有時間係可以行入去任睇

我當時有like到
但以為係溫泉酒店嗰啲行去浴場嘅山路

日頭嗰個又比起電視播近鏡啲所以認唔到

我以前睇嗰條片就係有霧咁廣闊影埋去，好靚

原來唔洗住都入得？

不過以前比較少去東京，多數大阪九州

saiwoo : 識人係東京做野會走入去影相 仲有好多人係個度搞宴會/婚禮 會有好多賓客係花園參觀