20240824 犀利趴

人生第一次自己去睇叔叔CON
以前JUMP就話試得多 一齊入去都可以分開坐 左右都係櫻花妹 中途各自專心睇自擔就相安無事
但叔叔真係唔得 唔慣

到會場睇左一次飽島係邊 見仲有時間去左對面nitori行街☺️到底有幾唔想入去 一諗到入面個場又細又焗 就⋯⋯

果然一上樓入唱片行 就一陣汗味🥹恐龍仔同毛巾都賣哂lu 仲諗住買到恐龍仔就可以用黎打卡
最衰都係我唔記得左帶舊年個隻出黎
上左的士先記得 啊 無拎到

然後排隊比錢個陣後面兩個濃妝妹妹講聲勁大聲 以佢地身高個嘴又係正我耳仔旁邊個高度 望左佢地幾次 差在未反白眼 好彩輪到我比錢🤦🏻‍♀️

比完錢就去巡下二樓有咩 然後發現
得海瑞一間鹹食
唔怪之得二樓 十個有七個都捧住海瑞個碗
而且條龍我覺得有三分一個二樓咁長😱
我就無即刻排 但咁樣都真係難搞
行埋一邊禁左陣電話
見前一場完左 就入去等flumpool開始

無聽flumpool一段時間 最後一次聽新歌講緊係隆太好返之後
雖然佢好返which is其實都唱得好過好多人 但唱LIVE就好似無以前咁揮灑自如
同以前睇佢唱星に願いを好似都仲係有啲唔同

但老老豆豆 後生真係本錢
可以唱到4首中文歌 我偶像出場一首唔知自己唱左啲咩既日文歌都好似要左佢半條老命咁🌝
不過talking個啲就無真係明哂100%
講到話台灣都發生好多天災啊 我聽到佢話鮑魚同地震
sor 我都係出返去先

然後two of us圍住個鼓個brigde好正
個vibe好日本band sound 我好鍾意❤️
btw雖然有誠意但睇得出隆太超緊張 有啲中文佢明明可以唱得清但就lur埋左
同有啲歌係無字幕提既？定我無睇到？

SUMMER LION個名聽左好多次都聽唔出係咩 我啲日文真係好差🤦🏻‍♀️
好鍾意佢地每次同觀眾互動既時候都咁熱血
啲日本野成日都咁熱血得唔得架😆
然後又忽然發現
和音既結他手都要一齊唱埋中文😱
一寫完啲中文詞 就要兩個人都去學讀仲要唱返出黎
所以話 邊有主唱係得閒架🌝

好似聽到隆太有講待會見？
唔知係唔係我聽錯 總之就係feel到應該係會再出多次黎啦😆
睇完flumpool 即刻出去對碗海瑞
好熱 成個小巨蛋二樓都好熱
賣野食位天花唔特別高 入面又一路㷫住啲野食 人又係咁湧出黎 成個二樓都好焗 碗野又有湯 又熱 食到爆哂汗

拿拿聲食完返入去啦已經要開場
（係啊食碗貢丸搞左半個鐘 我已經係吞咁制
係咁唔好意思人地啦要行返入去 咁個個都罰坐 條路就梗係窄喇 又拎住野又更牙炸
中間有個姐姐比人拍左兩野都無反應 再拍佢又慢半拍
一抬頭見我棟係度好似見到貞子咁
sor9ry啊太醜樣嚇親你🥹

GLAY部分
本身諗住好日本band show咁唔鬼用螢光棒
但fing手fing左兩首歌 唔對路 好攰🤣
投降用返螢光棒🙌🏻
雖我一首都未聰過 仲要比人罰坐咁一定要坐住睇
但我都係聽到好high！！！！！！

但人地TERU桑係咁多謝台灣 身邊啲台灣人好似啞左咁
淨係識得拎住個手機係度係咁拍片
成個area 我聽到我嗌 後面有人嗌 見到前面有兩個姐姐好high
其他全部都好冷靜🙄
喂啊大佬我唔係台灣人黎架 我只係身在台灣 可唔可以比多少少禮貌啊 人地多謝你地 可唔可以比啲反應啊
我嗌到好攰 又飲哂水 都嗌唔出咁制 你地都仲係識拍片？

所以話呢
講劣根性 根本大家都是一樣的🙂
我都相信 我都有呢啲劣根性架
沒有誰比誰高尚🙂

咁好啦首首我都唔識但首首都fing到好似我係GLAY粉絲咁啦
TERUさん有嘗試講左一兩句中文
佢問大丈夫ですか　有答到大丈夫
但去到有個位kick住左 我成個問號左哈哈哈哈哈
然後佢就放棄左lu

但但但但但但但但但但但但但但但但
TERUさん介紹メイデイ モンスター同アシン時 我就已經嗌緊
超級激動 無諗過有生之年我真係可以睇到佢地同台！！！！
雖然得兩位大佬 但真係好興奮可以親眼睇到呢個場景
即刻wtsapp黎唔到個件

大佬信仲要唱日文！！！！
雖然obviously佢唔係好知自己唱緊啲咩 但聽到佢唱日文都應該係計19年大阪之後喇 隔左好多年！
然後一路wtsapp一路睇
獸信係紅黑出場 獸係紅色背心
可一不可再既合作啊！！！！！！！！！！！