好想睇漫畫，好想食流心芝士菠蘿包、乾炒牛河、凍檸樂、水牛城雞槌椒鹽雞翼

餓了就要吃! 渴了就要喝!

然後發現自己星期五去到今日都係冇時間睇，每次做完嘢就已經接近三點 謝主隆恩。。。。主真不是好東西。
同埋覺得近半年真係影相方面超級極度冇手感到唔想影相，但好似接落嚟可能需要幫手影一場，好驚人哋失望。。。唔識形容 就單純係我真係唔係特別想影拎起相機

處於一個有作品想影但係我真係冇手感冇idea嘅狀態 ，好想影動畫漫畫作品 不想影佢地以外嘅野，最想係影怪8同world trigger 但大概身邊冇人出

乖乖哋去瞓覺，全日冇打game
手機使用時間少到同戒咗冇咩分別，每次開親機都係影貓
仲有影下啲netflix唔畀我cap圖嘅嘢

然後每次同人講自己睇咗唔同動畫就會畀人以為我廢青唔使做嘢好得閒 真係好想講唔係每個人做嘢都要安安靜靜做 我係一定要睇劇或者睇動畫先做到嘢嘅人
睇動畫 = 工作中
&戇鳩地 我已經好耐冇休息過，好想放假 真係好想，最近唔知係咪有啲啲精神攰得滯 幾次突然有啲頭暈，個人突然間會因小事怒氣max跟住喺度鬧小學雞。
對上一次全日休息係7月5號，然後對下一次全日休息的係8月2號，真係好shit的時間表，好厭世好想做廢青

想做廢青到我好想我間公司執笠/佢炒撚咗我。
其實我已經六月同公司傾過話我想quit星期日/一
跟住佢哋七月係咁搵方法掹住我唔畀我走，係咁同我約咗勁多試堂，跟住又約啲新生特登係星期一要我上堂。。。好憎 但唔返又冇錢 好矛盾。我真係好想休息

唔知呢個post算唔算負能量，但係講完覺得舒服啲能夠收皮瞓覺，聽日又係一條好漢繼續做上班機器 完全搵唔撚到意義 努力返工啲錢又畀人威脅借咗去冇還過，好辛苦
好想自由自在想洗錢就洗錢，好想捨得地為自己用錢

忙到我成日覺得如果唔係要同公司分，我真係發咗達了吧 好想脫離唔跟公司做

好撚想睇bl漫啊啊啊啊啊！！！！！