趁深夜人少少打啲emo後感

先多謝嚟攤買本、交換小咭/紀念冊、吹水交流嘅每一位。呢排畀IG係咁食我notice，如果@咗我又見唔到有反應，可以dm踢我睇一下

已經大半人生年年固定至少嚟一次九展，到而家仲未想像到出年冇得嚟會係點。
最感觸嗰陣係畫交換小咭嗰三張圖，因為揀咗三個對自己宅生好有意義嘅角色+拎返盒好耐冇掂嘅水彩出嚟，成個過程就好似濃縮回顧緊成個同人aka九展歷程咁。一直帶住獻祭一樣小心翼翼嘅心態去畫，好彩最後都有順利完成。

多謝呢個地方畀咗好多神奇嘅相遇同緣份我，時間太耐，最初最初導我入坑嘅大前輩同最早嘅組織伙伴已經各散東西，最近呢排總係會諗返起佢哋，以及後來相遇嘅每一位
朋友講過人生路上面唔係每一個緣份都可以一直同自己走到最後，路上總有離離合合；可能我條人生主幹道至目前為止都係強行locate咗喺呢度，所以好感謝都好珍惜所有識咗好耐依舊一齊前行嘅戰友、創作路上嘅同行人、同埋咁多個買過本本嘅讀者，支撐呢個一頭熱淨係知畫野嘅人到九展執笠嘅呢一刻，雖然次次都又冷門又唔理成本仲專做埋啲奇怪複雜手工又滾水淥腳。每次擺攤嗰陣都覺得自己何其有幸可以有大家喺度。

我諗第一次拖住啲本、將佢哋放喺九展張枱上面嘅時候應該冇諗到，之後咁多年仲會喺度，甚至開始畫原創。之後冇咗九展應該會時不時掛住（好似啲阿伯想當年嗰種），路點行好仲未知，不過稿先畫為敬就對了。
畀個叻自己，都畀個叻在座嘅每一位。愛你哋。

就咁
可能聽朝瞓醒覺得恥就會del

雖然好耐冇參加過九展嘅展，但愛你，因為九展係我哋邂逅嘅地方

多謝九展讓大家認識 唔關RG事sorry
相信一定會有其他地方俾大家再聚的