20240525去555區看偶像5525演唱會

這陌生城市與我想像的完全不一樣

無比人打尖無比人批踭
雖然會聞到有煙味 但無人係非指定範圍食煙
當然可能係因為去既地方好少
去餐廳食飯 啲阿姨都好有禮貌
幫我收走個水樽個男仔都唔會無禮貌 係我聽唔明佢地既北京腔
黎機場接我地既司機好熱情 不停講 仲話好鍾意TVB啲劇
（唔評論佢個人喜好啦
雖然好似考緊普通話listening咁
雖然佢好大浸煙味
但佢係真係nice

然後發現 我平日見到個啲大6人
同係呢度見到既 都好唔一樣
唔會為左爭先而推開你 因為條路好闊
even散場條路都好闊

最無禮物既可能係茶米茶個阿姨
行埋去想買兩杯手搖 佢話要掃碼落單
我地話唔得 佢就話試下返回再試
然後佢繼續不停咁沖佢既手搖 我地就試到得為止

入場之後去買水 3蚊既水
個阿姨要擰開個樽 成樽倒落個杯度 冚埋個蓋 入落個啲台灣7仔既叮叮袋 再遞比我
有杯冚極都冚唔實 倒瀉左少少 阿姨就話比過第二杯我地
然後再重複步驟
雖然成件事好搞笑 個阿姨仲要笠左個垃圾膠袋當雨褸
唔比帶樽既原則始終係要奉行
望住阿姨搞咁多野 淨係收左我地6蚊
就覺得成件事好純粹 佢只係想做好份工 將兩杯水交比我地
我地都好純粹
只係想滿足我地自己set既每年quota 只係想見下偶像
只係想係佢地真正收山之前見多佢地幾面

我不明白
為什麼要單憑一句說話 甚至五個字就將自己愛的人否定
如果男女朋友講錯了話 是不是也只能分手解決？
即便那個是二十五年來陪你經歷高山低谷的人？
即便那是每天無怨無悔安慰你陪你開心逗你笑的人？
如果只是一句話 就能將對方判死刑
甚至不聽不看前文後理 也無視對他的了解 大肆責難
如果換轉你是他 你會作何感想？
通常動搖是因為對自己或對對方沒信心
但 家始終是家 任何人傷害到台灣我都不覺得奇怪 但 永遠不會是他們
現在我只覺得 任何人傷害到台灣人都不奇怪 正值敏感時期的他們 只要一句話 心就會碎成玻璃

我都有經歷過那種敏感
只要有任何人對我的家指指點點 就會爆氣炸裂

但割蓆與否 要從行動觀察
例如某位巨肺 中學時唱K同學們都好喜歡她的歌
但後來有一日 發現她在香港開演唱會但唱的歌不是以廣東話為主 一切都以內地為中心時 我就知道不必再聽
各位同學可曾想過叔叔們如果要舔要跪何必等今日 何苦挑今日
沒有人比他們更清楚更明白

只可惜他們成為盾甲同時 卻也成了軟肋
保護我們風雨中前行 卻冷不防被人從後射擊 直插折翼傷口

你曾經讚美我手臂 逛街多能提
最兇狠的怪獸 也不能與我為敵 那為何害怕你的淚滴
把內褲當外衣 如果你能夠開心 展開披風帶你飛行

他們願意為每個五迷做任何犧牲
但你們是否願意相信他們？

我地旁邊都係單獨黎既男士
我旁邊個個拍足全程 但一路都有聽到佢跟唱
另一邊個個都好enjoy
有時想影低就會拎起手機細細聲同自己講話這首要拍下來

後面個啲就曳啲 有大聲唱 但隔開左少少又唔特別影響
雖然係看台位但闊過香港場啲階梯位
所以唔會企得好辛苦
我呢啲膊頭橫過衣架既都唔使縮埋一舊 驚阻住人

OAOA一黎就唱錯 得我地會笑佢
隔離個啲都仲好專心咁同主唱一齊唱
後尾睇片 唱錯原來係因為無左煙火效果變左噴煙
條友睇唔到提詞機🙂
我地就好似莎咁偷笑啦 都唔偷架喇都幾光明正大
不過其實都知一定有影響到佢心情

thats why 佢之後企到勁出 原來佢驚睇唔到野

掛住睇個場 無睇到入陣曲獸哥有無半跪
但望住全場每個坐到人既area 都充滿螢光棒 真係好震撼

全晚好多位都起哂雞皮
最記得就係傷慢前面會有一小段副歌program
真 十萬人合唱
仲要係聽得出係真係high 好high
突然就明白左 鳥巢都係一個對佢地黎講好重要既場地
雖然都會有路人 但個種為左佢地凝聚一齊既感覺真係好強烈

第一part掛住睇看台燈光 台上有d野都miss左嘿嘿