之前講完話逸劍支線單薄轉頭就俾人打臉打到口腫面腫LOL
首先喺某個隊友專屬任務我跟住任務指示做，跟住完成指示返去報告中途就有人話我知個隊友(接任務果下佢離咗隊)去搞咗單大嘢之後返嚟重傷不治lol，後來先知原來要去某地方觸發隱藏劇情佢先唔駛死
然後仲有兩個大連續狩獵型o既多結局支線，裡面都有唔少隱藏分支，而後面主線劇情發展都比預期略好。不過可能因為D支線比較錯綜複雜，或者係我時運低，俾我撞到兩段唔連戲o既對白bug lol。

我覺得逸劍除咗戰鬥系統可玩性唔高之外，對白/對話處理o既進步空間實在係非常大。
除咗某幾個o係主線/大型支線有戲份o既角色外，大多數隊友都唔會o係主線/大型支線同其他人有對白互動(或者少到我無印象lol)，間中有插一兩句咀都係同主角講o野，搞到主角好似帶咗幾個得佢自己睇到o既透明人行走江湖orz
而喺呢方面古龍風雲傳個處理實在係好太多。
回頭睇返，無對比就無傷害，兩三倍價錢(好彩我係免費玩)o既霸劍論遊戲性真係屎一樣orz
特別係無好好壓縮打卒仔升lv o既時間，大量重覆打卒o既時間稀釋咗我對角色劇情同埋性格o既記憶orz
o係壓縮垃圾時間方面真係古龍>逸劍>>>霸劍