講到BOSS，ACS就變成全遊戲最重要既數值之一，唔止可以中斷敵人行動，仲令傷害大幅提高，但ACS係可以自然回復，變相鼓勵使用高射速或者高衝擊力武器，打法亦需要比較進取，相對之下低射速既步槍手槍同大部分導彈就顯得比較雞肋了，我就試過用步槍導彈打BOSS但打到冇彈藥，而老AC就相對地有更多有趣既玩法，可以用遠程FCS用大砲進行射程外偷襲，可以用聯動外置導彈最大化導彈既DPS然後hit and away，承接上面講既操作標準化，用唔同腳其實對戰鬥方式既影響並唔大，因為都可以QB都可以氣墊移動，QB就變成必要戰術之一，真正對戰鬥比較有影響既就數武器選擇，腳只係限制你可以用既武器
其實好老實講，依家既AC6同我以前喜愛既3系已經係完全唔同既作品
雖然美術上系統上有努力貼近老作品既地方，但整體依然係好｢魂｣，首先教學關已經說明左整件事，作為講求配裝針對既遊戲，以前唔會未配裝就要你打boss，而且裝備既解鎖極具針對性，高射速武器，四腳等等都係依進度解鎖，以前都鎖裝備，但唔會咁嚴重限制進度
講番比較｢魂｣既部分，因為同我想講既武器部分係息息相關，｢魂系｣最引人入勝既係各種精英敵人同boss，相對地AC6既關卡設計就有一定程度既犧牲，實際上舊AC冇BOSS既關卡就唔代表會輕鬆，比如潛入研究所啟用自毀裝置，需要考慮到環境高溫而側重冷卻性能，或者進行沙漠作戰，能見度好差需要考慮雷達同ECCM性能，噢依家冇小地圖式雷達了，然而AC6既精英敵人同BOSS，都令人懷疑AC仲有咩存在意義
依家我未爆機，其他世界觀仲有劇情之類既我冇辦法講更多，但現時既感受係AC6係好玩既遊戲，但如果你問我作為老AC玩家既睇法，AC6已經變晒味
我覺得無左鎖定格其實真係令到用輕型機搞到人keep住甩lock既優勢無哂
然後boss佢設計到咁硬咁厚血無ACS打唔入變相焗你一定要裝近戰咁滯 一係就要火箭筒然後夾無反動既坦克腳
明明我想玩既AC係砌自己想用既build再不足既部分用操作來補正 今集既boss幾乎就係扭曲緊我既意志來為左打爆佢要轉特定武裝
AC戰比較有以前AC既味但係佢組裝簡化完同高速化左之後其實我有種我係咪打緊GVG既錯覺
我就係喜歡以前玩AC好有操控大型機甲既感覺，但同時又可以第三身視點欣賞自己組裝既機體，係老AC同其他機甲遊戲最大既分別
依家我甚至見到有人攞AC6同聖歌比，心情都幾複雜
我最鍾意係個種明明大家都係AC但係因為組成唔同導致性能差異帶來既難度然而都仲可以話係基本上大家係仲算係fair既戰鬥
然後呢點就導致我好唔滿意AC6既boss戰
AC6既boss戰比我既感覺完全係種unfair既戰鬥
武裝飾帶個種飛彈唔洗錢任射？一刀劈埋來唔理你重裝輕裝都照減一半？卡碧尼明顯讀緊我input既機動力？
呢種咁極端不平等要你偏向特定戰法既boss設計我覺得點諗都係覺得比魂污染（雖然我諗左陣應該叫佢難定魂好，但係話難其實我又真係唔係話覺得特別難，起碼我都叫打爆左一周目）
我見有人一直強調佢唔係魂系，整體可能無錯但係一入boss戰係真係突然變左個種味，which is唔係我期望要響AC見到既野囉
特別係Last Raven我係比較喜歡，當時其實都有唔公平既boss，比如飛係半空放飛彈既大型飛行器，仲有最終視條件出現既自律兵器，不過設定上係比較合理
依家唔好講咩特務機，隨便路邊一件四足MT都可以要盾有盾要劍有劍一個大跳飛到你面前，搞到咩AC都好似玩具咁，見到AC都冇晒以前既壓逼感
3同N系既地圖係好精妙，6未玩完我未敢講邊個更好
只係作為AC玩家係明顯見到融入左好多相通但以前冇既思路，比如對精英敵人既大幅強化，強調迴避機制既合理使用，boss連招既複雜化。另外一d比如碎片化故事處理反而係AC比魂先做，就單純係相通
今次我打完我只係覺得自己係好彩先生存到落來
融入其實無話唔得 應該話如果佢唔係掛住Armored Core呢個名既話我覺得真係直接評價佢係良作 但係因為佢掛住AC我抱住係對AC既期望所以就變左失望
睇完去年有條片有AC既歷史，某程度明白都係無可奈何既事，AC話晒都係承載住前社長好多諗法既老作品，加上曾經主導開發老AC既人都去左其他公司，期望佢有老AC既靈魂似乎都唔太現實