[時事]-#烏克蘭 俄羅斯 濕尻政府 連儂牆


繼續仲有同華格納有關嘅香港公司

@hazelnutcoffee - [時事]-#烏克蘭 #俄羅斯 #濕尻政府 #連儂牆 有網民發現 20...

1）講就兇狠嘅華格納，唔夠24小時就U-trun回巢，原本一場滅國戰鬧劇收場，話唔打就唔打。事件之後點發展，先讓子彈飛一會。上回提到華格納同香港嘅關係，今回繼續講吓。

2）作為僱佣兵集團華格納創辦人之一兼最終話事人的普里戈任（Yevgany Prigozhin），本身喺一名餐飲業界富豪，由在街頭賣熱狗發跡，之後經營高級食肆，然後識埋普京，再包辦克里姆林宮、軍隊、學校嘅餐飲業務，成功致富。除咗經營餐廳了得，佢財技都相當有水準，識得借香港作為白手套做資金轉口港。

3）查實早在俄烏戰爭全面爆發之前，美國政府已經喺2020年指控華格納喺非洲國家利比亞和蘇丹等地非法開採，激化當地內戰等多項罪名，宣告制裁普里戈任，兼且踢爆原來有3間香港公司同普里戈任有關係。

4）呢3間俾美國財政部指控嘅香港公司，包括尚龍集團，同埋由尚龍控制嘅安營集團和Zhe Jiang Jiayi Small Commodities Trade Company Limited，涉及喺2018至2019年利用過百宗交易，向普里戈任提供超過750萬美元資金。

5）睇返公司資料，公司曝光後已經喺2021年清盤結束。呢啲公司基本上喺香港無任何業務，最重要喺利用公司開戶口（在岸離岸都好），公司關係越複雜越好，然後以做生意為名，將資金乾坤大挪移咁送到去目的地。

6）睇返呢3間公司，唯一股東Igor Lavrenkov同另一名董事Varvara Mirochniki，申報地址都係住喺北京朝陽區一個小小辦公室，又一次體現中俄友好。

7）翻查佢喺北京朝陽區嘅登記地址，喺一間叫做北京弗萊士艾斯國際貨運代理，法定代表叫做伊戈里拉夫林科夫，似乎就喺Igor Lavrenkov嘅中文譯名。不過，依間公司一早就比北京當局發現有問題，2017年將佢列入到經營異常名錄，2021年又發現埋依間公司涉冒用他人身份登記，而家已經吊銷緊牌照。

*補充一下Igor Lavrenkov嘅資料，今年2月佢都畀烏克蘭制裁。Lavrenkov除咗拎住本俄羅斯護照，佢同時有本St. Kitts & Nevis護照。St. Kitts & Nevis喺加勒比海島國，屬於英聯邦。

8）仲有另一點，呢3間公司不論出事前後，都經常轉換公司秘書或者香港註冊辦事處，有點狡兔三窟嘅感覺。

9）呢3間比美國財政部點名嘅公司，原來一早已經在港註冊，以安營集團為例，早喺2009年就一直在港，直到2020年先被點名曝光，中間在港潛伏咁耐，有冇做過其他唔見得光嘅嘢就不得而知，但肯定嘅喺香港有咁多空殼公司存在，隨時成為維護國家安全嘅軟肋。