雖然係愚人節但呢個唔係愚人節玩笑！！！
經過一個月既爆肝人生，我又整左一隻新既棉花娃啦！

——係遲來但到既我娘親既生日禮物，aka佢隻鏡仔姜（佢隻鏡仔姜）
似唔似我肝完之後已經無力判斷，反正我完成歷史任務鳥⋯⋯
下收製作（爆肝）過程↓

娃稿本身係呢個樣↑
其實初版個瀏海唔係咁但跟著阿媽係我臨郁手前幾日係度大叫唔要瀏海睇落有心型，唔要似anson lo
⋯⋯呢個係阿媽黎唔鬧得，忍，我改（）
然後就變成咁ry


然後照樣水溶膜畫稿+上繡棚
因為唔似我阿仔咁瀏海（髮鬢）要特別處理所以我直接一次過水溶膜+頭毛布+皮膚布上曬繡棚，今次特登買左紙襯墊埋係低，希望繡完唔會變型太嚴重

由頭毛到繡線配色都係我娘親選der所以我放棄思考（你
不過今次用既新繡線係自己揀住買所以顏色本身都好滿意，係我一直覺得姜濤代表色係偏橙粉既桃色why要純粉，但阿媽堅持而隻娃最後都係送比佢既（聳肩

糾結左好耐隻眼應該順住上下繡好定係跟之前咁左右繡好，最後都係決定上下繡
唔知係因為繡既方向有變化定紙襯真係有用、感覺今次繡臉皮真係冇點變型，係欣慰既

想講我繡臉皮繡到針都彎埋真係wtf wwwww
啲線太密又用蠻力穿支針過去結果gg wwww好彩我有好多繡針唔係支彎針真係唔知點繡落去wwwww
後來凡係密線到好實既地方都直接用頂針穿支針過去，所以冇再發生同樣情況隻手都唔洗痛了，clever me

繡髮際線繡左我整整一日，係真係由朝早（11點）到第日清晨（4點）既個種整整一日，CLS，我繡完之後成隻拎住繡棚既左手連左肩直頭肌肉痛，第晚要搵阿爸比我揉藥膏既地步ry
真係最唔需要技巧但最攰既一part唔係講笑

搞完頭又係時候搞身，其實因為我一開始為改娃稿既事發脾氣所以我係將個頭既所有功序丟埋一邊繡左娃體&剪曬布片先ry
special service 因為係鏡仔姜所以屁股繡左鏡仔logo&膜前繡左粒變左型既姜糖，論冇落紙襯既結果

logo冇特別close up影可以直接睇噗首成品wwww
都係有啲繡得差因為我搞唔掂咁精細既刺繡（⋯⋯）但遠睇叫做過得去啦

縫紉工上場！！
縫個身時腦霧唔記得應該要由中間縫去兩邊會冇咁易歪、直接由左肩一野縫到去右肩，um XDDDDD
不過好彩我縫紉工本來都純熟&有一直用大頭針定位，所以結果應該完全冇縫歪，感謝自己細個玩開縫紉XDDDDD

時間快進到尋日，個身縫完之後諗住假期一野ko佢唔想再拖，因為4 5月又參企又旅行好忙同埋阿媽又想姜誕有野揸係手ry，結果我、尋晚縫到今朝5點將頭縫完+頭身駁埋一齊（原地去世
好ry攰RRRRRRRRRRRRRRRRR直接訓到我3點先識醒，真係可一不可再

反過黎既皮+交比阿爸啪走多餘關節球既骨架↑
然後就係今日做既塞骨架同棉花
我超佩服自己縫野真係勁穩陣，因為我係背脊開口派所以塞骨架其實難度大好多（應該），但我糟質左佢起碼半個鐘塞個骨架入去，背脊上下既縫線完全冇爆開XDDDD
跟住塞棉花因為今次識驚買左個25cm大鉗黎輔助，哇隻手真係舒服勁多唔會塞到手指痛、論工具真係好重要！！！

然後成品就係噗首喇～～
阿媽淘左啲姜濤既公仔衫返黎但佢而家話我係隻娃度整左身體刺繡覺得好正唔想比佢著衫喎
嘛，總之隻娃塞左比娘親了，佢幾時幫佢著衫之後我再影上黎記錄一下XDDDD

( 訪問呀爸對於家中出現了一個祼男有咩感受

好癲！！！

TL◆ : 我阿爸真係有吐槽隻姜唔著衫XDDDDD
然後我阿媽：你咪又係唔著衫！！
我：fair啲黎講，阿爸有著孖煙通而你隻姜真係乜都冇著 （XDDD）

鷹．タカ : 大聲講做鏡仔娃只可一不可再！！真係攰到痴線重要趕係一個月內整完XDDD
就算再做都只想做自己阿仔同可能有既其他阿仔阿女