榛果^^
@hazelnutcoffee
講
Tue, Feb 28, 2023 1:42 PM
1
1
魚蛋
手足
連儂牆
【放學後 盧建民】
「做個普通人唔難。」訪問之日，盧建民剛剛下班，他現在在港島某寫字樓送文件。結束四年多的牢獄生涯，重返社會個多月，盧建民活得像個「普通人」，一星期返五日工，周末繼續他最愛的行山，放工回家陪女友，連他現時工作之處的同事，也沒多少人認得出他，「除咗圍內人之外，其他人好快唔記得你，同一個普通人一樣㗎咋。」
榛果^^
@hazelnutcoffee
講
Tue, Feb 28, 2023 1:43 PM
確實，雖然同在一案中被告，而且刑期最長，但盧建民不是梁天琦，出獄後做個普通人，很容易，他說；但也有些事不是那麼容易忘記，例如五年前，他被重判七年之日，在庭上矚咐「幫我睇住香港」，轉眼間五年過去，重回人間，盧建民的感覺是，香港、還有香港人，跟 18 年他入獄前，沒有甚麼不同。
「除咗物價貴咗，啲嘢食貴咗，而家中環食個 lunch 都 70 幾蚊之外，其實無咩嘢唔同。」
榛果^^
@hazelnutcoffee
講
Tue, Feb 28, 2023 1:43 PM
真的？19 年的烽火、20 年國安法，此後的疫情、限聚令、隔離，還有移民潮，對很多人香港人而言，過去四年多是劇變的歲月，很多人的價值、人生軌跡永遠不會再一樣，但對盧建民而言，這些都是字面上、而沒有親身經歷過的，「好似甄子丹套戲，冰凍俠咁，我四年幾就係入咗雪櫃。」而他終於解凍之日，政治紛爭沒了、防疫沒了，安心出行無了、口罩明天開始也不需再戴，世界如常，香港人繼續生活，「郊野繼續好靚，市區繼續好鬼污糟。」
但在這些不變底下，很多事改變了，這些正常和盧建民的普通一樣，不過是表面的。
榛果^^
@hazelnutcoffee
講
Tue, Feb 28, 2023 1:43 PM
在平靜的表象下，每一日都有人在為過去幾年發生的事付出代價，法庭每日都上演著別離﹐而普通人盧建民，每個星期都會有兩日往不同的法庭跑，訪問當日，他跑了幾個庭，聽了幾單暴動，一單中環的非法集結，早上七時出門，聽審到中午，下午上班。
「雖然而家俾人告啲人，唔知道我係咩水」，但他還是這樣做著，「可能係一個贖罪，因為自己入去，無做其他嘢」，還有一個原因，是盧建民比其人更明白，坐在犯人欄的感受，「如果個庭，一丁友都無 ，得懲教同啲保安，你會覺得自己個心，好似𢲡住𢲡住，好痛。」
「但我坐喺度，起碼係一個支持。」
榛果^^
@hazelnutcoffee
講
Tue, Feb 28, 2023 1:44 PM
【我心中尚未崩壞的部分】
說要做個普通人，但像盧建民這種有點知名度、出獄後還算高調的釋囚，本來就不普通，他放學當日，在塘福的郊野，路旁停了很多警車，在他踏出懲教車輛的一刻，對面馬路站著幾名便衣，去接放學的雷玉蓮猜，那些是國安。
「屋企人無咩期望，無要我做啲咩，只要唔好再衰返入去就得，所有人都係叫我，底線唔好再衰返入去。」那對他而言，合理的做法是，閉咀乖乖做個平民。
榛果^^
@hazelnutcoffee
講
Tue, Feb 28, 2023 1:45 PM
但他沒有。出獄後不過兩星期，他就對外透露，自己收到「中間人」提示，要刪除他以往「影攝食」專頁中有可能違法的內容，結果他將整個 page 刪除的同時，開了個新 page，直接就叫「盧建民」，專頁的簡介這樣寫著：
「熱愛行山、熱愛攝影、熱愛香港 ...無論個世界幾崩壞，都要堅持自己的初心！」
「咁我又唔得嘅，唔出聲。」他現在發的帖文，有分享生活、行山，也不時評論時事，例如最近鬧哄哄的碎屍案，他以「一介草民」的身分問鄧炳強，「點解一個通緝犯可逍遙法外幾年以上，而他可以自由進出香港」，何苦自找麻煩？
「有啲嘢你見到唔撚公平，你又唔出聲咩？俾人揸住個春袋，你都要識叫痛。」
榛果^^
@hazelnutcoffee
講
Tue, Feb 28, 2023 1:45 PM
【世界以痛吻我】
但要繼續發聲，盧建民說也要變得聰明一點，「唔通一出聲就嗰八字真言咩，無可能㗎，你唔悶我都悶啦。」八字真言，是光字頭、還是五字頭？「兩個都唔得㗎啦。」
「而家要跟政府新嗰八個字，由亂入治、由治及興！」盧建民笑著說，想像若有朝一日，香港還會有大型遊行，成千上萬人一同高呼「由亂入治、由治及興」，也不蒂為新常態中的有趣光景，近日政府又提出新口號，開心香港，「係咪要令香港更加 happy 先，群策群力令香港更加 happy！」
「但係用自己嘅方法。」
榛果^^
@hazelnutcoffee
講
Tue, Feb 28, 2023 1:45 PM
這是很阿 Q 精神的，盧建民也知道，若果可以的話，他亦希望香港可以變好，可以有自由民主公義，「有好多野都想嘅，但係知易行難」，他可以做的，是做個開心、又守著一點本心的香港人，「就算個政府幾西都好，你都無理由西俾佢睇。」
榛果^^
@hazelnutcoffee
講
Tue, Feb 28, 2023 1:45 PM
「係咁㗎啦」「無希望㗎啦」「走啦」，這幾年我們都聽過很多，因為我們都在一步步見證著崩壞，然後習慣崩壞，但這些對剛剛重投社會的盧建民而言，並不適用，「我唔想，原來要習慣香港就係咁樣。」
「個世界俾你絕望，咁你就絕望埋一份？」
「好多人都覺得我傻更更，咪由佢點話，我做返我自已堅持嘅嘢。」
榛果^^
@hazelnutcoffee
講
Tue, Feb 28, 2023 1:46 PM
【後記 有關光明】
眾所周知，盧建民有個綽號，叫光明，但原來一切始於一場誤會，或者說是，鳩噏，「改嗰個人死咗，張漢賢，佢幫我改嘅。」
「有次唔知點解，佢同警民關係科講，佢咪叫光明囉，又真係信，周圍揚話佢叫光明。」結果日後每次出現在社運場合，盧建民都被叫做「光明」。
「我都奇怪點解會叫我光明，由佢啦，鍾意叫咪叫，多個花名又唔會死。」但事實上，「光明」這個綽號，讓人有很多聯想，盧建民出獄當日，雷玉蓮就不斷在路上大喊「光明仔」「光明仔」，看得出來，那時候的盧建民，很尷尬。
「心諗都唔知應唔應好，叫我阿民咪得。」
阿民也好、光明也好，上班下班、聽審行山，閒時在山野間執垃圾，他是放學後的盧建民。
榛果^^
@hazelnutcoffee
講
Tue, Feb 28, 2023 1:46 PM
=============================================
saiwoo
@saiwoo
Tue, Feb 28, 2023 5:07 PM
我記得他喜歡行山
載入新的回覆
【放學後 盧建民】
「做個普通人唔難。」訪問之日，盧建民剛剛下班，他現在在港島某寫字樓送文件。結束四年多的牢獄生涯，重返社會個多月，盧建民活得像個「普通人」，一星期返五日工，周末繼續他最愛的行山，放工回家陪女友，連他現時工作之處的同事，也沒多少人認得出他，「除咗圍內人之外，其他人好快唔記得你，同一個普通人一樣㗎咋。」
「除咗物價貴咗，啲嘢食貴咗，而家中環食個 lunch 都 70 幾蚊之外，其實無咩嘢唔同。」
但在這些不變底下，很多事改變了，這些正常和盧建民的普通一樣，不過是表面的。
「雖然而家俾人告啲人，唔知道我係咩水」，但他還是這樣做著，「可能係一個贖罪，因為自己入去，無做其他嘢」，還有一個原因，是盧建民比其人更明白，坐在犯人欄的感受，「如果個庭，一丁友都無 ，得懲教同啲保安，你會覺得自己個心，好似𢲡住𢲡住，好痛。」
「但我坐喺度，起碼係一個支持。」
說要做個普通人，但像盧建民這種有點知名度、出獄後還算高調的釋囚，本來就不普通，他放學當日，在塘福的郊野，路旁停了很多警車，在他踏出懲教車輛的一刻，對面馬路站著幾名便衣，去接放學的雷玉蓮猜，那些是國安。
「屋企人無咩期望，無要我做啲咩，只要唔好再衰返入去就得，所有人都係叫我，底線唔好再衰返入去。」那對他而言，合理的做法是，閉咀乖乖做個平民。
「熱愛行山、熱愛攝影、熱愛香港 ...無論個世界幾崩壞，都要堅持自己的初心！」
「咁我又唔得嘅，唔出聲。」他現在發的帖文，有分享生活、行山，也不時評論時事，例如最近鬧哄哄的碎屍案，他以「一介草民」的身分問鄧炳強，「點解一個通緝犯可逍遙法外幾年以上，而他可以自由進出香港」，何苦自找麻煩？
「有啲嘢你見到唔撚公平，你又唔出聲咩？俾人揸住個春袋，你都要識叫痛。」
但要繼續發聲，盧建民說也要變得聰明一點，「唔通一出聲就嗰八字真言咩，無可能㗎，你唔悶我都悶啦。」八字真言，是光字頭、還是五字頭？「兩個都唔得㗎啦。」
「而家要跟政府新嗰八個字，由亂入治、由治及興！」盧建民笑著說，想像若有朝一日，香港還會有大型遊行，成千上萬人一同高呼「由亂入治、由治及興」，也不蒂為新常態中的有趣光景，近日政府又提出新口號，開心香港，「係咪要令香港更加 happy 先，群策群力令香港更加 happy！」
「但係用自己嘅方法。」
「個世界俾你絕望，咁你就絕望埋一份？」
「好多人都覺得我傻更更，咪由佢點話，我做返我自已堅持嘅嘢。」
眾所周知，盧建民有個綽號，叫光明，但原來一切始於一場誤會，或者說是，鳩噏，「改嗰個人死咗，張漢賢，佢幫我改嘅。」
「有次唔知點解，佢同警民關係科講，佢咪叫光明囉，又真係信，周圍揚話佢叫光明。」結果日後每次出現在社運場合，盧建民都被叫做「光明」。
「我都奇怪點解會叫我光明，由佢啦，鍾意叫咪叫，多個花名又唔會死。」但事實上，「光明」這個綽號，讓人有很多聯想，盧建民出獄當日，雷玉蓮就不斷在路上大喊「光明仔」「光明仔」，看得出來，那時候的盧建民，很尷尬。
「心諗都唔知應唔應好，叫我阿民咪得。」
阿民也好、光明也好，上班下班、聽審行山，閒時在山野間執垃圾，他是放學後的盧建民。