濕尻政府 軍政府 繼續大清算 連儂牆
國安法

【記・香港人｜綠豆｜好好說再見｜20220810】「散聚之間」系列（二）：移民潮下每日都要說再見 第五波...

律政司追討百萬訴訟費 唐英傑感無助：為何偏偏會是我？ – 誌 HK FEATURE

夏蕙姨！
黃夏蕙離港前發文重提理大圍城感激動 祝香港社會未來棟樑身體健康

夏蕙BB今離港 臨別前出po勉港人不斷進步互相幫助 將傳說發光發亮 | Channel C

初凝芝茶前店主
↓↓↓↓↓

「其實唔係國安法，算係不幸中之大幸，我之後國安法嗰啲，都係幾年起跳。」
「我想提醒大家，有啲嘢唔可以忘記﹐入面仲有人堅持緊。」
「真係唔想香港變到咁，咩都唔講，愈少人發聲，肯講嘢嘅人就愈唔安全，既然係咁就大家都試吓繼續講囉。」
「難行啲嘅路，我唔覺得需要去後悔，都係人生經歷嚟。」

侯穎欣
初凝芝茶前店主，因呼籲勿用安心出行拒打疫苗，煽動罪成判監七個月，七月底刑滿出獄

＊＊＊＊＊

今年 2 月底，警察國安處拘捕旺角「初凝．芝茶」兩名負責人侯穎欣和林宛宜，指控她們煽惑人不要用安心出行、不要打疫苗，兩人被捕後隨即還押，到六月底認罪，侯穎欣（Kim）被判入獄七個月，「泊正」後一個月，Kim 刑滿出獄，「返出嚟唔識用安心出行…而家一定要用，我就唔識，同埋多咗個金鐘站可以去沙田。」

入獄前後不過半年，重回人間 Kim 發覺世界已經有很多改變，她亦有大量雜務急於處理：已結業的初凝．芝茶仍有合約要中止、舊舖餘下的存貨要「散」出去、改了電話號碼銀行等要改資料、因為種種變故而暫停的學業亦將重啟，「趕住 reg 科，要做曬呢啲先可以真係重新開始。」

與此同時，她還做了一件事－出獄後幾日，開了一個公開的 ig 和出 post，「已出冊的人有嘢想講」，以過來人的身分，分享自己曾被捕、入獄的經歷，親友有甚麼可以協助和留意等，「大家講嘢真係要小心。p.s 已洗心革面，感謝國安教導我人生真理！」Kim 在帖文中如此寫道。

但事實上在現在的香港，最小心的做法，是不要出聲，大部分參與過 19 年社會運動，經歷完被捕、入獄的人，都會選擇低調過活，這是合理亦無可質疑的選擇，不過 Kim 選擇了另一種做法，用她自己的說法，是較「聰明」地繼續嘗試發聲。

「可能之前我講嘅嘢，佢哋好唔啱聽，可能有啲想法，唔可以直接講，咪試下用另類方法講囉。」

另類方法，其實某程度上，Kim 一直都走著一條另類的路。

以往的新聞報道都寫過， Kim 被判獄時，是中大醫學工程六年級生，她的同級同學，全部都已經畢業，不少進入了政府醫院做工程師，「做啲醫療設備呀，起搏器、義肢個啲都有關。」而 Kim 則在 2020 年，選擇休學一年，創業開了初凝芝茶，之後被捕、入獄，所以至今尚未畢業，下學年希望回校完成課程，仍會面對學校紀律聆訊，「學校有權 terminate 我，希望唔會啦。」

而即使她能繼續學業順利畢業，相信亦難以走「大路」，畢竟犯過刑事無可能做政府工，Kim 自己都不會願意，於是就自然衍生另一個想法，離開。

Kim 的家人亦有勸過她離開香港，例如到外國升學之後找工作，「基本上我阿媽每日都會同我講一次，唔好亂講嘢啦，無希望就走啦，鬥唔過㗎。」

「我認同係鬥唔過，但係真係想，喺有限空間度講我想講嘅嘢。」

講到原因，Kim 沒有說得很沉重，只是說自己生於斯長於斯，即使離開了香港，都不能自由自在地 move on，「我自己會抽離唔到」，既然如此就不如試試其他方法，「好多自運形式嘅 media 都係一種發聲方法呀，有限空間繼續做自己做到嘅嘢囉。」

Kim 在 7 月 27 日刑滿，離開羅湖懲教所，她在 7 月 30 日發了新 ig 第一個帖文，內容是這樣的：

「我係個發夢大師，好多好多嘢想做，好多嘢想學，好想為呢個社會做更多事…

例如開個濕9 page做吓詼諧小姐，提升吓香港人快樂指數😂；
又例如做吓foodie專講良心小店…

入面仲有好多受緊嘅朋友，可唔可以幫佢哋做一件事，唔好忘記初心，憑住良心喺有限空間繼續做自己？」

在現今香港，憑良心做事注定是一條困難的路，Kim 亦知道限制很多，事事都要小小翼翼，「難行啲嘅路，我唔覺得需要去後悔，都係人生經歷嚟。」Kim 如此總結。

後記

訪問期間，Kim 的女朋友一直在旁，偶爾會拍一拍 Kim，提醒她有些話不應說，或者不應該這樣說，「我都想叫佢唔好講，想佢安全啲。」

「但係佢都唔會聽。」

Kim 自己也不無顧慮，問過律師有甚麼要注意，她亦自知有很多東西不能說、或不能說得那麼直白，而要拿捏這分串，其實很難。

「你支唔支持佢咁做？」我問。
「無話支唔支持，佢鍾意就得。」
「我會小心㗎啦。」Kim 笑著說。