是阿~

時隔多年終於有得見返班中學朋友
但發現我好似被遺棄於過去嘅人咁 佢哋之間互相知道大家嘅近況 但我真係咩都唔知咁 唔知佢哋讀緊咩 intern返緊咩咁 佢哋講嘅嘢都係我唔知嘅事 見面先知其中一個有開始玩水晶之餘仲有戴佛牌 但談話間有好多嘢都係我唔知嘅發圍所發生嘅事 感覺好似我已被獨留係過往但仲死命要足住呢段關係咁

然後...哈...竟然話明叔嘅心願係想我考政府工...
雖然我仲未知自己可以做啲咩同有咩可以做 但我唔確定呢個會係我嘅選擇 雖然真係鐵飯碗

然後總之就諗左一堆嘢
覺得自己一直以嚟獨立左咁耐好攰 好想有人可以分擔 但都唔知邊到有個咁嘅人 最親嘅屋企人幫得都極有限 媽咪可以幫到啲咩啊 老實講 下下搵朋友外人幫又覺得人哋又唔係同我有親 費事下下搞到人啦咁

然後久違返到屋企 見到好多都舊 間屋又殘 真係好想成間屋換過晒佢或者搬去一個更好嘅地方 但奈何我一啲能力都冇 又覺得自己做埋啲垃圾決定搞到自己都唔知讀完出嚟可以點 又冇一技之長 覺得自己好冇前途 就算幾想幾想有個伴都難 覺得自己會令對方好辛苦 連我自己都未處理好自己的狗屎垃圾屎情緒同負面念法 但好想做受保護嘅人 完全唔知有人幫手分擔嘅感興係點

然後最煩嘅係雖然我諗到自己好慘好難咁 但如果要搵人講又會覺得自己好似係到賣慘咁 唔俾自己軟弱 真係好撚辛苦 自己難為自己

大約係咁啦 啲跳制諗法 聽日8點要出門 5點都嚟緊 唔覺得會諗得著

啊 仲有 雖然依家最親嘅圈子可能係追星個堆 但感覺到最後都係會變淡 然後我又再次一個人

「瞇埋眼 唔郁就瞓得著架啦」
真係可以咁簡單咩？

仲會諗我究竟點解會存在

其實一直覺得自己好似俾人追住咁前進 根本冇時間停低認識自己

小學畢業揀中學 冇心儀 跟大隊>台灣大學又係跟冇主見咁跟住人填

然後大學畢業又俾人追趕住咁要搵工搵錢開飯 一刻都冇停過咁

其實我好想畢業之後俾一段遲嚟嘅gap year去重新認識自己 去試唔同嘢

應該可以做到掛 希望啦

：大個啦 唔好再洗錢落呢啲無謂嘢到

雖然追星唔代表一定要洗錢 但真係無法想像冇追星嘅我會唔會一早就係咁先 係咁買應該都係病嚟 真係搞唔掂 但我都有理性唔買嘅時候 所以應該唔係咁嚴重

講完 暫時喊完 咁就淨返2個鐘瞓 都唔確定瞓唔瞓到

睇緊方客容國嘅newsletter
佢嘅字行間都散發住同佢本人一樣嘅氣息 真係就好似之前fm有位飯話佢就好似屋企咁 令人感到安心同舒適
而我亦覺得佢好似大海咁 平靜又沉穩

머리가 텅 빈 느낌은 어떤지 궁금하네요........어떻게 그리 빨리 잠 들지

朋友方面，其實我都有相同嘅感受，識得嘅台灣朋友都唔長久，又或者掏心掏肺關心人都冇人領情，玩嘅一定冇我份但人地d情緒垃圾就有我份。我最近都加翻d以前算唔錯嘅同學，例如阿芝咁，我已經唔再係人地嘅best friend，見到佢同固定幾個朋友成日玩埋一齊都有d葡萄 跟住仲有好多同學都係channel唔係幾啱，想法表面又或者變得似中佬咁分享d廢po咁我都唔知邊忽好笑
冇解，人正常都係聚少離多，由細識到大仲聚埋一齊嘅人其實好少，老一輩比較有可能，因為個時d人冇咁複雜比較單純，所以你唔洗太sad。其實你黎台灣讀書我都想你可以放開d個心識多d人，唔一定要做到朋友，因為要做到朋友需要好多機緣巧合，同人多d交流就當練習又或者當係製造機會俾自己遇到投緣嘅朋友。每個階段都可以由唔同人做朋友嘅。

最近睇台灣妞嘅訪談就覺得遇到一個死黨真係好睇人同機緣，台灣妞一開始係同第二個人合作嘅，後來佢收到依家個parter嘅信，話有事要請教，點知見面相方都覺得好啱傾，跟住一齊合作，感情好到話係前世夫妻。睇完覺得自己仲有希望，只要自己繼續做自己中意嘅嘢，多d主動，啱key嘅就講多兩句咁，總有機會。
你如果有想要加深關係嘅朋友記得主動d，表達出黎人地先知

我其實有諗過媽咪依親移民過黎，咁你就可以一齊移民，至少係台灣唔洗擔心被消失先，讀書定工作其實都可以慢慢諗，工種多就睇肯唔肯嘅啫，可以打下散工維持基本生活先，住嘅可以合租，你出少少都可以一齊住大d唔洗租套房。
我有聽小諺子講話你想做獸醫/護助？你可以睇睇課程學費個d，再計劃儲錢/工讀。又或者儲錢哩樣學下個樣學下咁。
我其實都唔知自己做咩工好，搵唔到自己係社會嘅定位，所以有計劃儲錢學美甲(咁啱有個follow開嘅老師開班授課)、又或者學下其他嘢、做下志工咁，見步行步啦

幽🛸✨ : 但接媽咪過台灣有個問題就係媽咪搵嘢做（？唔知會點 同埋住都係問題？

追星我唔覺得係無謂嘢，其實冇人可以定義人地中意嘅嘢有冇用，所以可以唔洗理。不過我對你追星嘅想法係適可而止，買自己需要嘅就好唔洗買咁多，始終都係貶值嘅嘢，放唔放得出去又好睇時機，多嘅錢攞黎投資自己。我d碟都想放出去但唔知點定價😂

🦁🐘 : 媽咪適應力強我唔擔心，比較擔心嘅係佢政治立場😂佢係雙北應該冇咩問題，多外省人，外省人講嘢都係有口音。

台灣其實好似都多四川人