老實講，成龍拒絕演出呢部電影係咪救左電影？

或者係，因為成龍拒絕左至會重新將故事寫成母女為中心，而萬一電影係用父女做中心，我認為我會好難代入

但另一方面，我認為請成龍拍冇咁好只係單純佢係男性，我唔係好擔心佢其他方面，一位演員只需要提供專業既演技就好，最少我唔會一邊睇戲一邊諗佢既私生活有幾糟糕

我前一段時間其實睇左佢既The Foreigner，呢部戲既國外評價唔錯，我睇過係的確唔錯(好好睇又未算)

戲既內容好簡單，成龍負責既角色係一位有特種部隊經歷既老人家，有一日個女被卷入一場恐怖襲擊，然而因為政府高層同恐怖份子勾結，執法部門既調查一直冇進展，成龍只好用自己既方法逼政府認真查案

The Foreigner Official Trailer #1 (2017) Jackie Chan...

不是吧?

戲入面成龍放低晒所有既英雄同搞笑形象，終日苦瓜乾咁既表情，而且好多時靠知識取勝，打鬥唔多，全程氣氛抑壓，成龍可以話係交足功課

當然，我唔會推介大家去睇，只係想講，佢人品如何，唔係實際反映佢能力如何