[工］
俾高層認為我是屬於閑人
早前因為公司某部門被分走左1個員工，該部門主管走黎問我姐話想我去幫佢地部門做野。

我姐唔想借出我，但又不能拒絕既清況下，某天就開左跨部門會議。
結論當然人地想我地部門做番自己野，唔好交去佢地度，因為佢地話少左1個人，會減慢50%效率

我姐就嘈話覺得，因我地部門係佢地工作既主要來源，所以只肯從其他途徑盡量減輕佢地工作，前題是我要保持我本身的工作效率

結論就係無結論，我姐唔肯讓我，人地又堅持效率慢

而家每次一拎野去佢地部門，佢地一見到我就話
「你黎做咩，走！唔好過黎」
枉我好心見佢地話我拎太多野去做唔切，多到要訓係公司，我就拎左部分自己做。正本要拎番去佢地度，但結果就俾人叫我走。

而佢地仍然好得閒係度吹水玩手機，見我行過去時係佢地主管面前到不斷發爛渣，暗示我地部門俾太多野佢地做

我地忙到要加班 我阿姐都係覺得我地好得閒 天下腦細都係一樣