［夢］

夢到自己單拖出音也，然後要上台跳2000%
我係後台拿拿聲惡補，幾分鐘後就推左我出去
頭頭十幾秒都仲ok，但表情超心虛
突然係exit上面突然有人播片俾我睇住黎跳
我就開始自信地落力跳埋落去
完左之後有班妹妹走過黎排隊同我give me five
拍完返後台發現，係Cecil幫我播片
醒左諗起笑到傻，果班妹妹表情超開心

然後有夢到自己係人妻，同旦那係屋企生死搏鬥
佢想郁我，我係間大屋度要不停避開佢
最後係玻璃門前，我係入面鎖住佢入唔到黎
佢望緊我，然後想搵野打爛度門，我終於頂唔順問佢
“我唔想去呀唔好迫我啦”
“個個都要去，我都唔想架”
“參加夫妻郊遊活動唔緊要，點解要著旗袍高跟鞋？！”
“主辦規定架，我都要著中山裝”
“咪癲啦果座山我行過，就算好彩我著成咁真係行得到上去，落去你book定直升機俾我啦！”
“大家都要咁著，應該得掛？”
“要我著都得，你由頭到尾抱起我自已行啦，cls！” 然後就鬧鐘響啦，點解要為左咁既野追砍咁款

難得地歡樂既夢，記錄下

咩活動

立立💭沉迷石頭🪨 : 果度有d似城大泳池旁邊果個表演hall，但出入口位置對唔到
條片仲係投影出黎，勁大勁清晰
我記得我有向Cecil比姆指