p/osl42y

梨千律＠North

@amychee0907

Sat, Mar 26, 2022 6:47 AM

1

終於拿到免針紙，豁免半年

這一周心心念念就是可以不打針哪裡都能去，出去多走走有益身心健康，真的被正苦的垃圾政策玩死

秋秋⚡️

@wingsze729

Mon, Mar 28, 2022 9:08 AM

Mon, Mar 28, 2022 9:15 AM

你好

唔好意思，突然留言希望唔會嚇親你，可以請教一下邊度可以開到180日豁免嗎？
我0針去睇指定診所都係得90日，怕之後搵唔到醫生肯寫多90日

梨千律＠North

@amychee0907

Mon, Mar 28, 2022 9:34 AM

秋秋⚡️ : 請問你住邊區？
我同你一樣係0針，本身我都係諗住去book普通科門診，但點book都唔得，唯有去我屋企人攞免針紙（佢都係免180日）果一間私家，估唔到佢俾到我180日，診金就$150

我建議你可以問下有醫健通嘅私家醫生，即係有得打科興既診所，而家政府門診應該改哂90日，如果要180日就要博下私家，希望幫到你。

秋秋⚡️

@wingsze729

Mon, Mar 28, 2022 9:37 AM

Mon, Mar 28, 2022 9:41 AM

多謝你願意回覆我

我喺地鐵綠線，但係就算遠都唔介意的。

梨千律＠North

@amychee0907

Mon, Mar 28, 2022 10:13 AM

秋秋⚡️ :
https://www.adamcheck.com/...
我係睇呢位醫生，我有問過會開幾多日，佢話一般都半年，不過我都唔肯定佢會唔會改，睇下你會唔會試下問。

秋秋⚡️

@wingsze729

Mon, Mar 28, 2022 10:20 AM

好多謝你！我會試下問的。
好需要多90日，拎到就可以頂到返工完約，拎埋筆約滿酬金。之後就算難搵工，都有多少少錢傍身⋯

梨千律＠North

@amychee0907

Mon, Mar 28, 2022 12:47 PM

秋秋⚡️ : 希望你順利啦，而家呢個時勢好難搵工，尤其是我地無打針，雖然我公司冇逼針，但我身邊既朋友多數都被逼打哂，其實香港人真係幾悽涼

秋秋⚡️

@wingsze729

Mon, Mar 28, 2022 12:51 PM

承你貴言，冇逼針嘅公司真係要好好珍惜。
介唔介意多口問句，你係睇醫生嘅時候先問可以開幾多日？其實有啲怕指定診所開過，佢未必肯再開。諗緊邊個moment同佢講係想搵開免針紙先冇咁尷尬⋯

梨千律＠North

@amychee0907

Mon, Mar 28, 2022 12:57 PM

秋秋⚡️ : 我係睇醫生果陣問，因為我諗我打電話去D姑娘未必可以確實答我，反正我BOOK唔到政府門診，咪落去試下囉，所以我冇諗住佢開到180日。雖然我屋企人有去攞到180日，但因為佢係身體有D事，所以醫生開長D係合理既，但我冇病冇痛，我以為佢只會開90日，其實都幾好彩。

梨千律＠North

@amychee0907

Mon, Mar 28, 2022 1:00 PM

我都有聽屋企人講佢朋友係一個人攞２張免針紙。佢第一次試過去私家攞，開到180日但冇QR CODE，跟住佢又去政府指定診所攞多次，呢次有QR CODE，但得90日，其實真係好亂。

純粹比個例子你參考，或是你問左先再試。

秋秋⚡️

@wingsze729

Mon, Mar 28, 2022 1:08 PM

多謝你答咗我咁多問題，諗住趁聽日wfh就打去試下，希望個qr code可以由90日變180日。
我地個個都比呢個政府搞到好混亂

已經病到好唔舒服想好好地休息養病，偏偏又要擔心會唔會比人捉去隔離，選擇咗打針嘅又要煩之後仲要打幾多針⋯

梨千律＠North

@amychee0907

Mon, Mar 28, 2022 1:43 PM

秋秋⚡️ : 係呀，全世界真係得香港咁煩

明明其他國家都冇d咁煩成日會改既政策，我而家攞到豁免9月，到時個宇宙通行證變成點就到時先算。
我病個陣就好驚入方艙，好彩個陣時多人中先抓唔到我，都咁啱可以暫時唔洗打針住。
我都有朋友嘅屋企人打哂兩針想免第三針，但而家政府係未有安排點樣證明免第三針，所以都係要等。

秋秋⚡️

@wingsze729

Mon, Mar 28, 2022 1:54 PM

最煩真係佢成日改，想跟都唔知點跟。
我個排都係多人中，但都係勁驚會比人捉入去。想瞓多啲休息又怕收到電話話有車喺樓下等緊我了，比十分鐘你執行李咁。~~（有幾日長開飛機模式）~~
好彩平安渡過，已經返緊工做返黎生了。
我都有朋友係咁講唔想打第三針，直情係寧願中一次都唔想打。

梨千律＠North

@amychee0907

Mon, Mar 28, 2022 2:07 PM

秋秋⚡️ : 我驚到要追連登PO，睇下有冇人被人抓去隔離有d咩經驗分享，知道佢地抓人之前係會send SMS或打電話~~（唔聽電話係啱嘅）~~ 但圍封強檢係冇得走，好彩圍封個陣我show個確診SMS出嚟，冇抓我落去驗，因為快測陰性都可能PCR陽性，唔落樓係最好。

秋秋⚡️

@wingsze729

Mon, Mar 28, 2022 2:22 PM

我都係！中招頭一個星期緊張到一起身就追po，一日到黑都喺度睇有咩最新消息，追到覺得有啲病態嘅程度了。
你仲要中圍封，成件事驚險好多。

梨千律＠North

@amychee0907

Mon, Mar 28, 2022 3:05 PM

秋秋⚡️ : 真係驚架

就嚟俾屋企人覺得我太緊張，當然而家平安渡過十四日，我都當係上天瞥顧我啦，諗野正面D，令自己唔會感覺喺度生存有幾困難。我都希望疫情快D過，到時其他國家都放寬哂所有入境政策，唔打針都可以出國旅行就好lu~ 但應該有排

秋秋⚡️

@wingsze729

Mon, Mar 28, 2022 3:17 PM

有時見到啲專家開始吹風共存，會覺得有啲希望。但跟住就會見到就快有新疫苗嘅消息，就覺得心很累

我都努力緊想諗野正面啲，有時會唔小心灰到心情極差，做任何野嘅動力都冇。
冇打針嘅朋友都同我講，揀咗唔打，唔可以享受一啲平常(?)啲娛樂，都可以盡力搵到其他令自己開心嘅方法嘅
不過我都好想再去日本，兩年都冇睇過live了，好想念

梨千律＠North

@amychee0907

Mon, Mar 28, 2022 3:34 PM

秋秋⚡️ : 我地一直行緊共存，正苦無能力清零，都係等我地大部分人確診過免疫先再搞全民檢測大龍鳳，雖然把口係話清零，但實際上係共存，始終香港都係國際金融中心，點都唔可以得失班外資，又要俾外國人入嚟，所以清完遲早又爆過。
我都佩服可以一直堅持唔打針嘅朋友，其實我中間都有動搖過，為左唔打針而犧牲基本娛樂值唔值得？但我相信總有人唔至在可唔可以自由入商場超市，佢地有自己嘅方法。
我就想去泰國或台灣，其實我本身好宅，冇乜出國經驗，都係平時上網接觸咩資訊多就想去邊。

秋秋⚡️

@wingsze729

Mon, Mar 28, 2022 3:51 PM

Mon, Mar 28, 2022 4:07 PM

其實我公司逼得好勁，我都覺得好攰。好彩仲有幾個同事一齊頂緊，想頂到完約，唔係我可能都打咗。
自從公司年頭逼針逼到要醫生紙，我有機會失業之後，物慾突然下降咗好多（雖然偶然都會忍唔到手網購）
到講咗二月底會有通行證之後，我突然開始覺得，其實行街shopping都唔係咁必需，人亦都唔需要咁多物質。就算唔入得超市街市，都一定有方法解決生活所需。
武肺前兩年真係會一年飛幾次咁睇live，之後如果開返關，都會想去多啲唔同地方。

梨千律＠North

@amychee0907

Mon, Mar 28, 2022 4:12 PM

秋秋⚡️ : 我都明白因生計而逼住打針嘅人，佢都攞自己嘅身體去冒險，我都唔會話怪佢地嘅，希望佢地真係冇乜長遠副作用。
我自己係想去商場入面活動，例如堂食溜冰睇戲，呢D野都係要打針先得，望就望正苦快D廢除呢個無用嘅通行證

認清事實好冇？
而家嘅狀態係眼睛想旅行，睇住其他人在外地既片止住渴先。

秋秋⚡️

@wingsze729

Tue, Mar 29, 2022 2:39 AM

Tue, Mar 29, 2022 3:02 AM

剛剛睇完醫生了，想向你匯報(?)一下。
我有提之前已經有一張90日的，本來他說可以三個月後再續。
於是我問可不可以重新開一張180日的，因為怕之後的政策會改。
但他說不肯定豁免紙的日期可不可以重疊著發出，又不能現在就發出三個月後的文件。
於是他問我是不是0針，又即場打電話去應該是相關的部門問。結果說是現在0針的人90日後就可以打針，所以不會開新的豁免給我了。最後也沒有收我診金。
可能是我太緊張，問得有點咄咄逼人吧。
不過還是感謝你願意介紹醫生給我。

梨千律＠North

@amychee0907

Tue, Mar 29, 2022 2:58 AM

秋秋⚡️ : 你去睇個陣，醫生幫你打去相關部門問？

秋秋⚡️

@wingsze729

Tue, Mar 29, 2022 3:04 AM

Tue, Mar 29, 2022 3:06 AM

係啊，佢即席打電話。對面應該係衛生署之類嘅部門？但唔知點解又會即刻有人接聽。
唔知係咪真係因為我已經有張90日喺身，所以開唔到。去到最後佢語氣好似都有少許強硬。

梨千律＠North

@amychee0907

Tue, Mar 29, 2022 3:09 AM