重申第N次：未見過有啲咁嘅老豆

如題，大腦細下下都要出動全CS team嚟幫佢個女（今年啱啱小一）做功課。

最常見係要我哋幫佢影印作業題目，而且好高要求（例如逐頁A3雙面影印之類？）《呢樣唔會叫我做

有次係公司晚聚當日，要四個CS全部幫佢個女整嘢，而每個人本身忙到癲。
一個影印、一個做整理、一個唔記得係做咩，然後我要幫佢同佢個女影啲相用PS調做4R size再印出嚟順便cut埋交相俾老師。
屌。（反枱）
好L心你自己出去印相啦，觀廣有得印架CLS。

於是佢嗰日用咗我哋每個人半個至一個鐘時間，然後佢哋成班sales就自己去咗餐廳先。
叫我哋五點半就提早閂門去餐廳，但我哋六點半先勉強搞掂。仲要打嚟串我哋點解仲未走有好多嘢未做咩，係啊，咪就係因為要幫你印埋嘢囉。
仲好意思串人。

尋日佢又要leader幫佢個女影印功課，我路過printer見到leader拎住份嘢，忍唔住露出鄙夷笑容，leader秒懂：（笑）唔准笑啊！！你笑緊我定佢！
我：緊係佢啦（笑）

今日唔太關我事，係leader頂佢唔順走嚟同我呻：大腦細wtsapp要佢幫手搵一啲古代器皿圖片for佢個女啲功課。
我： 佢不如直接俾錢請人幫佢個女做功課啦好嗎。

突然覺得我老細叫我幫佢淘寶好似好正常（？）

犬熊/社畜支配人 : 新料：公司每年農曆年尾都會換揮春，尋日leader本身買咗好多，明明同大腦細講咗已經買完，佢死都要自己再買多一堆手寫揮春，原來又係for個女嘅功課然後claim公司錢