2021回顧與展望
主要是畫圖方面的。社畜生活之無味

真是講到我的心坎裡

年頭開了一個不太好的頭，把上年的十二吉本帶到今年，而且自以為是地同時開了幾個坑，結果串串貢開咗幾回就因為我無法在故事間切換心情而停更，但其實我早就寫完大綱，看到有人打賞會覺得不好意思，真的對不起。實驗失敗了。

今年其實沒什麼時間塗鴉，過去可以在塗鴉folder選圖，但今年把時間完全投放到正稿上，所以…沒事，直接放正稿。

六月沒圖可選，因為書展前的時間都在履行我的諾言，提供協助，總之以後無事掛心頭就行。

年中花了很多時間學新技能，所以沒怎樣動過十二吉本，而且一直悠然地改分鏡，直至確定報RG，才在年尾一口氣完成，看了一下之前的日程，完全記不起是怎樣完成…可怕。

今年識到新朋友，踏出了很好的一步。網路和真人見面的感覺確差很遠。

展望

1.成為一個能夠接受批評、成熟的大人。唔好咁多廢話。
2.今年內完成串串貢的條漫，不會印實體書，做返全彩。想穩定發佈所以畫晒先po。
3.三月前完成綠山小棉樹的繪本。
4.準備原創清水BL漫畫的劇本(我喜歡的題材，但連個開端或是人設也沒，天呀)
5.把之前買回來的課程和書消化掉！
6.每日只有5分鐘也要ringfit一下。

經過年頭的經驗，來年要一步步處理，不能急。
＝＝＝＝＝＝＝＝

今年見識到就算大家都係畫嘢，行嘅路都可以好唔同，唔係大家都係畫野就可以同行得到，呢樣係我喺各位畫嘢嘅大大身上學到好重要嘅事，但我唔會自謙為垃圾，咁樣好侮辱支持我嘅人。(雖然我係三不五時覺得自己好垃圾，但唔講出口就冇事)
寫完兩個人嘅故仔，就想寫三四個人嘅故仔。寫過親情、愛情，就想寫友情，唔係熱血嗰種，而係互相傷害中嗰種，好多講唔出、唔想面對嘅酸澀想寫。
畫功嘅野，呈現到故事就Ok，畫耐咗就覺得自己唔係特別有天份嘅人，而且開始成日嫌畫嘢好麻煩。
有時唔知自己仲有幾耐命，都令我覺得選擇自己真心想做嘅野而唔係討好他人好重要。
(雖然我經常會被動搖)
所以去寫劇本吧。
下年繼續改嚟改去。