@justice19701230 - 溫馨提醒：📣))) #拡散希望 📣 就是今仔日、拜六、下昏暗暗時九...

蛤?

2021年8月14日：
【 斯卡羅 】
前兩集 ． 觀後感 ：
臺灣 ．ｆｏｒｍｏｓａ，咱這粒島嶼、這片土地，遠的毋講，干焦近代這三四百冬以來，就發生過誠濟誠濟的故事；但因為彼个中國黨❂的愚民政策影響之下，使得咱現代人的史觀扭曲、偏向小支那或者大中國，煞顛倒對家己的先人歷史極度扁平化，出現了嚴重的斷層。
　
只不過是一个 羅妹號 商船拄難事件，就顯現出彼个時代背景內，有遐爾仔濟的各方勢力傾軋，客庄、福佬、滿／漢、清帝官吏、米国、英國、法國人、生蕃（閣有區分派別部落），彼此碰撞。
　
實難想像，郭懷一抗荷事件、帕瀑拉族（Papula）為首的跨部族之大肚王國、朱一貴、林爽文、戴潮春…等等每一層事件，其間又閣是牽涉偌濟的曲折離奇？