有台灣人講現時既反外掛程式基本上冇用，剛好琴日講到多人遊戲，值得講下

首先，外掛横行係基於兩個大前提：

1. 賣外掛係超級賺錢既龐大產業鏈，加上遊戲直播都變成有利可圖既事業，單從商業角度睇，外掛係唔可能消失

2. 玩外掛係修改數據既作弊行為，只要有數據需要client-side處理就唔太可能完全社絕外掛

咁外掛同多人遊戲有咩關係呢？我覺得主要係兩方面，一方面因為唔少玩家係特別享受虐待其他玩家，而且依家係課金既大時代，外掛對某d人黎講只係課金既一種。

那麼你覺得呢?

另一方面係現時流行既多人遊戲，主要有MOBA類，以及FPS/TPS食雞，前者太容易作弊甚至唔需要用到外掛，後者比如Apex係外掛重災區，一款受歡迎既食雞遊戲，玩家總數可以數以百萬計，巔峰時期可以有數以十萬計玩家同時online，咁遊戲營運既server會唔會即時演算呢幾十萬user既所有數據？當然唔可能，亦唔應該，因為即時演算帶黎既手感對呢類遊戲至關重要，亦即是話，呢類遊戲係唔可能冇外掛

咁防外掛程式又如何？引述其他人既講法，其實防外掛程式有先天既劣勢，就係身為呢場攻防既｢正人君子｣，呢類程式做事有好多限制，特別係唔可以有太高管理權限做徹底既搜查(題外話，以前讀書就有聽過，Sony為左打擊翻版CD，曾經試過加入木馬程式，結果下場都幾慘) ，原神既一個背景程式，冇人捉到佢傳送咩數據，冇人捉到佢傳送數據去邊度，就已經俾人話｢中國公司偷你個人資料俾中國政府｣，假設你係遊戲開發者，甚至係防作弊相關企業人員(唔係講笑，真係有)，你會點樣反外掛？手段係有，但主要一定唔係靠程式

我喜歡多人合作，L4D2玩左過千小時，我唔係否定多人遊戲，不過多人遊戲同外掛關係密切，特別係香港，中國以及另一D國家既玩家既機品係出左名臭，你更加冇辦法期待呢件事可以從玩家層面解決