[社會]-香港終於有藍甲主動發言
"我係你所講嘅「藍營人士」，我同好多藍營嘅同志都相信一味反政府係無助推動同運。而且Gay同lesbian都大把藍營人士，連白人都有，我哋唔係如你講到咁渴求同你啲激進深黃member來往。

建制係普遍傾向反同，但唔係所有政黨同政治人物都反同嘅，問下某區議員就知，見佢成日留言。新民黨算係最親近同志嘅政黨，相信大家唔會忘記葉劉點鬧梁美芬嘅一幕；另外，立法會內謝偉俊同葛珮帆都係相對同志友善嘅議員；社區上好多建制勢力嘅人士都傾向支持同運甚至本身係同志，前排斬人嗰位民建聯成員都俾大家出咗櫃，佢哋如果上到立法會，相信會係另一個葉劉。多幾個葉劉，政治上可能唔係你喜歡嗰種，但絕對有助推動同運。

同志運動嘅天然敵對勢力應該係思想保守陣營，但唔一定就係政治上嘅保守勢力。你認為政治保守嘅內地，近年來就不斷係度高調評估同婚嘅可行性。香港思想保守勢力主要係宗教人士，佢哋社會地位相對高級，會透過各種人脈左右政黨取態，尤其係教徒嘅議員。
之前嘅香港政治就係咁，係一定要泛民建制都支持先有機會俾倒政府壓力，去推動一啲你想做到嘅政策，好明顯同志團體一直就押錯注。

同志topic本來就只係社會性議題，本身就唔係太分政黨（或政治勢力）嘅，同志團體應該積極為各陣營嘅撐同政治人物打氣。可惜所謂「代表」同志嘅團體一直高度參與政治活動，以為得到泛民「庇蔭」就可以推動同志平權，結果反而係俾泛民利用，推上七一遊行嘅前線，甚至單純得以為真係可以推翻政府而去參與「革命」行列，不斷將建制同政府推向對立面。

我明白，要說服建制政黨支持，相關團體可能要花幾十倍力氣，但在遊戲規則內呢個係必須嘅。可惜各同志組織都係揀咗條睇落易行嘅路，一味只依賴泛民。

結果呢？各位支持嘅「革命」徹底失敗，走在暴亂尖端嘅「同志代表」岑生犯埋國安法，政治玩法都即將改埋，各同志團體依賴嘅政黨即將全部滅亡。然而，相信香港同運仍然要繼續！同志繼續分黃藍對所謂藍營嘅member影響甚微，但對同運黎講就會係死路一條，以後只能期望內地同運影響香港。嗰位區議員，其實喺香港你算最有經驗嗰個，你比岑生更早出來「混」，真係要思考下香港同運要點走先可以成功咁走落去。"

Hehe Secrets - #HeheStory20037 <<Re #hehestory19990>...

一整個公三小，由頭到尾整篇都很精神分裂呀

中國政策對甲就不友善，寄望藍營是否有什麼錯覺

明明每次衝出嚟反同嘅都係獻世派，藍絲又唔知、我睇唔到

去問吓葉劉姐姐同葛假博士保隌咗同志咩權益先啦，對你笑就係友善。
條友前世㝝比人友善對待過。