(下收)深夜來寫一下狂舞派3的後感

很久很久沒看港產電影，對上一次是子華神的棟篤特工，我是有點衝着有mirror成員跟試當真所以看的，順便也看看沒有重金製作的香港電影可以到什麼程度，而結果係出乎意料的好，真的很好看 不論運鏡佈景舞蹈編曲後製各種告樣都好精緻(?

主題大概係夢想與現實加點香港社會狀態，有一點我真的很喜歡，講共存。「我哋只係想搵到共存嘅途徑」香港土地問題大家都懂，創作的人很多但空間很少就是現實。主角有努力想跟主流商業化共存這一點無可厚非，有人站道德高地罵主角商業化，沒了hippop精神云云，創作者都要食飯「佢企到咁高話番我地，可以點博?」

人大了就要搵食要屈就要圓滑，如果唔妥協連比人見到作品的機會都無，明知是面子工程但比多一個人知多一個人知，夢想的路難行，到終點也難站穩。呢套入面其實無咩反派，就算係地產商的咩咩咩主席其實都係欣賞主角們的熱情同創作的，但商人點都要賺錢，其實佢地都謀求緊共存，但呢個世界無兩全其美。

呢套戲2019年頭拍的，跟社運無關係，但多多少少反映到今日香港的生態。「做藝人就唔應該得罪人」「分化」「幫地產商賣廣告」「睇人仆街係咪真係咁開心」我地對同路人的要求好高，希望佢地唔好賺對家錢唔好食對家的飯最好就光合作用完死埋比個光環佢入埋土歌頌番兩日之後繼續馬照跑舞照跳啦，道德標準設得奇高，些微不足無限放大指責，最後掉馬無埋光環

唉總結就係，呢套太值得入場睇，單睇跳舞都值

我好鐘意d rap

死猫Sineko : Heyo d rap真係好正