新工第一日體驗報告w

竟然會變反學生甘6點起身，個天仲係黑炆炆⋯⋯
唔計梳洗，通勤大約一個鐘w

以前，我前前公司location 就係我前公司對面
依家，我去現任公司係要係我前公司樓下搭車
到底我同啲舊公司係乜嘢孽緣😂😂😂😂

雖然天都未光就要起身搭車返工，但係可以日光日白收工的話，我反而唔介意🤣

計埋而家，我先後做咗三份工，第一份半年第二份年半就近兩年，我希望我今次真係可以穩定長遠發展我唔想再有波折了

然後到今份工，我覺得我好似終於遇到一個好嘅老闆
公司規模都一份比一份大，我要再努力d朝目標進發

好欣慰一樣野，老闆話透過interview 係我身上見到有potential ，覺得我嘅閱歷mindcept 好豐富係一個值得栽培嘅人⋯⋯咁唔怪得知in咗兩個幾鐘😂😂😂
直到今日簽約就就近傾咗兩個鐘，睇得出我老細其實係一個好有目標亦都係有抱負同事係好有涵養嘅人，雖然相處唔耐但係佢成個人散發出嘅氣質 談吐價值觀，係我好敬佩嘅人

我為人都好講誠信（識我就會知道我責任感有幾過火的強烈。）我都唔希望令到對我有期望嘅人失望大跌眼鏡，希望我可以實踐到我嘅目標同時做到老闆希望我做到嘅嘢

同老闆傾偈嘅時間之中其實好多嘢都好語重心長，雖然對於好多人而言應該好老土同好長氣，但係我聽完好大感觸⋯⋯真係有種越嚟越係神嘅安排帶領指引嘅感覺

因為好神奇嘅一樣嘢係我之前in過咁多間，唯獨是係interview呢一間之前一晚我發咗一個夢
個夢系關於我新嘅工作環境新嘅同事新嘅面孔，而其中喺夢入邊出現嘅幾個人其實同我面試當日見到嘅人好相似甚至差唔多一樣樣⋯⋯

本來當初我好擔心亦都同自己講唔好再抱有希望以免希望越大就失望愈大，因為我真係Fail得太多次成個人好挫敗感
但真係好神奇嘅係我面試前一晚係有種同平時唔一樣嘅感覺我都唔識得形容⋯⋯開始有啲明點解媽咪會成日話就算我哋睇唔到神，神都會有方法令到我哋感受到佢⋯⋯雖則我係一個唔合格嘅教徒xd

新同事都超nice超好！然後我迪士尼屬性意外又俾人發現咗跟住又靠迪士尼識到新朋友（？）💥💥💥💥💥
但明明我乜都未講就已經有同事嚟問我係咪鍾意迪士尼😂乜我真係咁明顯咩😂😂😂😂