記下看完巨人138後的夢，嚇到我人生第一次俾鬼砸，原來個身真係會動不到和叫不岀聲。我真係好少夢到恐怖野。嚇到我痴線

我夢到我去洗手間照鏡，洗完手就走，唔知點解我再望鏡，見到自己得個頭！！！！！！我果下嚇到坐左係地下，然後鏡裏我的頭望住我。好似有講嘢我唔記得了，嚇到我大叫然後醒左！！！

然後醒左我發現自己動不到。叫又叫不到。唔敢擘大眼。之後開始回想個夢，個頭太真實。但再諗諗下，個頭好似冇我咁長頭髮

鏡中我個頭係同艾倫一樣髮型😂😂😂中分中長度，自己個樣然後艾倫髮型。然後覺得成件事好好笑😂

可能咁樣諗之後個人放鬆左，就叫得岀聲了。係咪痴線的

頂你個肺我真係嚇到pk 以為撞鬼！！！！！！我醒果下係用盡我識的粗口係心中爆粗！！！！！頂啦諗諗吓原來係因為巨人！！！！！之前已經知人地話俾鬼砸係因為太累，到底係咪追左咁多日覺得累

我唔想再經歷第二次個身動不到又叫不岀聲了 好可怕！！！！