［廢］尋晚鼓起勇氣向一個好敬佩嘅人send 左個msg（fan letter 稱讚支持性質），無諗過竟然覆左我 我要死了！！ （久違迷妹式感動）

勁開心，勁中意佢d配搭，一路都只係默默follow默默like，我完全係個種旁觀者養眼幸福感的感覺w

可能係人地眼中我係屬於誇誇群，但我覺得稱讚尼樣野係唔應該吝嗇。
個人認為華人文化個種虛偽性謙卑好唔要得。明明係做得好 應該被讚 但就會話做得未夠好仲未夠水準之類嘅廢話ryyyyy

我認同最重要係自己知自己咩斤兩，唔好自視過高尼種睇法；但正正都因為甘所以d人愈來愈吝嗇稱讚，無形中產生左種比較心態，然後慢慢陷入左負面影響嘅漩渦無限loop之中。

除左係我個人有d身同感受之外，多多少少係因為有d follow開嘅創作家或多或少因為尼d理由而停止創作 退圈什或成個人消失左ryyyy
藝術家性質真係好敏感，尤其創意甘多百變，好容易就會有競爭，良性競爭係好事尼，但明明就係出於自己興趣而去做嘅創作不知不覺間比人拎左尼做比較 好似愈來愈唔知自己做緊乜 無左動力之類然後就停止創作我覺得好可惜⋯⋯

都可以話怪個創作家唔努力唔改善之類乜乜乜嘅，但係佢當初本意都只係自己開心然後up相up作品留紀錄自娛比人睇之餘又識下同好咋嘛，點鬼知你班人背地裏搞甘多少動作姐！話咩創作進度慢左少左 好似以前已經做過係咪用舊po敷衍⋯⋯心諗關你班人咩事啊😂分清楚莊閑得唔得！
好好地睇下靚嘢靚相唔得嘅，稱讚一句好靚會死嘅？

真心好耿耿於懷⋯⋯可能係早前有個fo開嘅作家無預警一個story 話「我退圈了，之後會删帳」尼個嚇親，之後一訓醒就成個ac消失左我真係超唔開心⋯⋯
我一直以尼都勁中意佢，stalker 性甘幾乎每個po都會like，但就只係因為我覺得害羞尷尬一直唔敢留言/ 私訊佢，同佢傾下計 支持佢
一直好後悔會諗，如果我都有表達到我嘅支持同喜愛的話，事情走向又會唔會唔一樣呢？

大可以話：車！佢肯定都好多fans㗎啦，甘多fans支持都可以最後都決定删帳即係佢都決定左，我地班fans唔諗得甘多
但有時，就係差甘個一個。
積少成多。多一份欣賞 多個支持都可以係一種動力

Diu。以後我每一個讚嘅人你地以後同我企硬全單接收我嘅賞識啊！！！
唔準扮清高懶謙虛啊我喊㗎！

真係好接受唔到⋯⋯
我決定我以後都要成為一個帶比人地温暖支持嘅人，我唔會再吝嗇讚賞

人地讚你同我老老實實講多謝就得！！

我好明 今年年頭經歷左一次神仙del twi然後消失 真係生不如死 讚美好重要，我都想為我帶來幸福既神仙可以得到認同感

有你鐘意佢地都好幸福!

誰誰💙 : 真係sad爆見到成個twi一訓醒就無左勁晴天霹靂⚡️⚡️⚡️⚡️個作家仲係由當初得10幾個fans追到佢删帳前都有成近幾k followers ，作家本身係業餘性質，佢本人都話現實忙碌唔可以太常up post，比較低調，我起碼追左佢10年up慢慢睇住佢進步，創作意念 元素多左嘗試新野，但同時多左人留意就引左班劣質粉。
我仲好記得佢出story前最後一個po係佢影住個垃圾桶話捨てよう⋯⋯本身仲奇怪緊咩事，點知第日就人間蒸發左。
有一刻諗緊，我尼種就算鐘意都唔出聲表達，其實都係同個d扼殺作家創作動力 興趣嘅劣質粉無分別⋯⋯好有種殺人兇口feel我真係好介懷

優｛fumitsuki｝ : 我覺得マイカ有一句說話講得好啱，有d野真係情願講出尼，好過咩都無講但之後後悔

⇦影。 : 佢對人高要求唔會成日就住語氣講野, 但佢欣賞既人就一定會讚 (Y)

優｛fumitsuki｝ : 啱啊 突然覺得尼d人設位都好現實，明明只係遊戲，但係根據生活情況又會呼應反遊戲入面d心態 價值觀覺得好耐人尋味