[塗鴉/咒術迴戰]
終於睇完漫畫，然後爆左seed去塗鴉一張

（下有漫畫內容劇透）

正式成為伏黑腦殘粉（x
前中段都睇得好愉快，但最新個20話左右真係喊住睇（......

覺得漫畫初段表現的確唔係最好，角色心理（尤其是虎杖）有d跳脫（？），動畫真係幫手救返唔少場面...越往後就感受到芥見老師既進步，不論係場景、打鬥畫面同角色刻劃都完滿過之前

最最最鐘意伏黑同老師，有好感度既角色都有好多，所以睇到佢地領便當/生死未卜/重傷都超心痛

意外地我對反派既漏瑚都有好感度www一開始睇動畫見到佢同老師拖手手就羨慕妒忌恨（x），但其實覺得佢本身既諗法都好有趣：「人類既表象都好虛偽，身為負面情緒既咒靈比人類更真實」

係令我無法反駁既一點（...
雖然唔鐘意真人，但對佢提到「戰爭」既說法都好深刻：咒靈為百年後既未來而殺死人類，咒術師為保護人類而殺死咒靈，大家都一樣係「正義」
仲有虎杖最後（暫時）既抉擇，會一直作戰，作戰既意義唔係當下，而可能係百年後既結果...最新既部份都令我覺得震撼...但咁樣既成長也太痛

我鐘意既CP依然係五伏！而且覺得自己無跳錯CP坑！
一開始，我單純鐘意佻皮老師欺負乖寶寶伏黑（x），但後來加埋夏油同伏黑爸爸兩條線入去就不得了...

老師因為太強而孤身一人，摯友夏油離開左佢，而佢殺死伏黑爸爸時得知到惠既存在，最後去左搵惠，成為佢既監護人，幫佢擋下禪院家既魔爪...老師係惠既殺父仇人（？），但同時係恩人；孤獨既老師需要培養可以追住佢、唔會離佢而去既新血，而第一個、陪伴時間最長既就係惠...嗚嗚嗚呢兩個人關係實在太玄妙（？）好鐘意