<第一道派魔導師>

一言難盡
搞笑向吧，結局有頭無尾。開頭主角仲有主角樣，結尾感覺配角先係天命之子，女主一直做背景版。好多都冇交代清楚。

女主係現代係道士嘅存在，然後被另一個世界嘅光明神偷走，為它解決亡靈嘅問題。當中有幾個副本都幾感人。係呢個世界原來亡靈法師先係光明神嘅神使，神殿主教不甘並為咗永生，暗中對全世界洗腦逼害亡靈法師，就出現好似西方獵殺魔女嘅局面。從此以後亡靈法師如同過街老鼠，間接令世界中嘅亡靈泛濫。

前期笑點女主嘅隊友係隻雞，仲要本來係晋江言情app，當中仲有好多梗，可惜後期毫無存在感。同埋男主幾乎係路人。一直以為嘅配角後面直接拎住主角劇本大放異彩

驚喜之處係文中出現連勝！雖然只有一少點，不過我係第一次為彩蛋感到高興。原來我真係好鍾意第一指揮官