近排試咗好多android熱門遊戲。android係免費遊戲嘅天下。不過老實講試咗咁多，十中無一係令我覺得享受緊遊玩，差不多全部遊戲內容都係關於「等、洗錢、賭博」。話係free-to-play，其實我覺得係pay-or-be-punished。佢哋設計洗錢唔係令你得到額外享受，而係先令你免費玩嚟受折磨，然後被逼洗錢減輕痛苦

結論係免費遊戲係消費陷阱，貪平入咗個氹會因小失大，一係用你更多時間去得到更少享受，一係洗更多錢仲貴過好好玩嘅收費遊戲

有啲android玩家作賤自己嘅接受程度高到我無辦法理解。例如有個叫Helix Jump嘅遊戲，有成1億個下載。遊戲內容我覺得同學生功課一樣咁簡單，就係操控一個波不斷跌落去，以前細個嘅極速落樓梯都豐富過佢。不過呢個唔係重點，可能啲人都鍾意殺吓時間咁啦，所以我理解咁多人玩。問題係佢啲廣告多到極度滋擾嘅地步。本身呢種遊戲係玩爽快感，如果我設計要放廣告都應該盡量唔阻礙人玩為前題，例如banner ad或者睇片復活咁啦。佢夠膽死每鋪玩10秒之間強迫睇5秒廣告，最癲係同一鋪都未完都會中間停咗播廣告。我唔明點解啲玩家會接受到，玩遊戲有一半時間係睇緊廣告，拗爆頭

噢，隻game 真係幾醜樣......真係底線無下限